ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ

- women killed - ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ
- Untitled design - ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ

​ເຈົ້າໜ້າທີ່​ສືບສວນ-ສອບ​ສວນ ປກສ ນະຄອນຫລວງ​ວຽງຈັນ​ ໃຫ້​ຮູ້​ວ່າ: ​ເມື່ອ​ທ້າຍ​ອາທິດ​ຜ່ານ​ມານີ້, ​ໄດ້​ເກີດ​ເຫດ​ຄາດ​ຕະກຳ​ຍິງ​ອາຍຸ 55 ປີ, ​ແລ້ວ​ເອົາໄປ​ຖີ້ມລົງ​ນ້ຳຂອງ​ເຂດ​ທ່າ​ວັດ​ຈັນ, ​ໂດຍ​ຜູ້​ເສຍ​ຊີວິດ​ແມ່ນນາງ ອິນ​ປົງ ຢູ່​ບ້ານ ດອນ​ດູ່​ເມືອງຫາດ​ຊາຍ​ຟອງນະຄອນຫລວງ​ວຽງຈັນ, ຊຶ່ງ​ເປັນ​ພະນັກງານ​ອານາ​ໄມສວນ​ເຈົ້າ​ອານຸວົງ, ພາບ​ຈາກ​ກ້ອງ​ວົງ​ຈອນ​ປິດ​ສະຖານ​ທີ່​ໃກ້​ຄຽງພົບ​ເຫັນ​ວ່າ: ໃນ​ມື້​ເກີດ​ເຫດພາຍຫລັງ​ທີ່​ຕະຫລາດ​ແຄມ​ຂອງ​ໄດ້​ປິດ​ລົງ, ຜູ້ກ່ຽວກໍ​ໄດ້​ໄປ​ອານາ​ໄມ​ສະຖານ​ທີ່​ດັ່ງກ່າວ, ຈາກ​ນັ້ນ, ​ໄດ້​ມີຊາຍໜຸ່ມຕ້ອງ​ສົງ​ໃສ​ເຂົ້າ​ໄປ​ທຳຮ້າ​ຍຮ່າງ​ກາຍ ​ແລະ ຊີງ​ຊັບ​ຂອງ​ຜູ້ກ່ຽວ, ຊຶ່ງ​ໄດ້​ມີ​ການ​ຕໍ່ສູ້, ຈາກ​ນັ້ນ ຜູ້ກ່ຽວ​ໄດ້​ຖືກ​ຂອງ​ມີ​ຄົມ​ປາດ​​ຄໍ​ເຮັດ​ໃຫ້​ເສຍ​ຊີວິດ, ກ່ອນ​ທີ່​ຄົນ​ຮ້າຍຈະ​ນຳ​ເອົາ​ຮ່າງ​ມາ​ຖີ້ມລົງ​ນ້ຳຂອງ, ປັດຈຸບັນ​ກຳລັງ​ເຈົ້າໜ້າທີ່​ພວມ​ເລັ່ງຕິດຕາມ​ຕົວ​ຜູ້ກໍ່​ເຫດ​ມາ​ດຳ​ເນີນ​ຄະດີ​ໃຫ້​ໄດ້​ໂດຍ​ໄວ.

​ເຈົ້າໜ້າທີ່ ​ໃຫ້​ຮູ້​ວ່າ: ໃນ​ປີ 2017 ນີ້ຢູ່ນະຄອນຫລວງ​ວຽງຈັນມີ​ປາກົດ​ການ​ຫຍໍ້ໍ້ທໍ້​ເກີດ​ຂຶ້ນກ່ວາ 5 ພັນ​ເລື່ອງ, ​ແກ້​ໄຂ​ໄດ້ 4.316 ​ເລື່ອງ, ກັກ​ຕົວ​ຜູ້​ກະທຳ​ຜິດ​ມາ​ດຳ​ເນີນ​ຄະດີ​ໄດ້ 4.058 ຄົນ ບັນຫາພົ້ນ​ເດັ່ນ​ເກີດ​ຂຶ້ນຫລາຍ, ​ເປັນ​ໄພ​ຂົ່ມຂູ່​​ເຖິງ​ສັງຄົມ​ຄື: ​ແມ່ນ​ເຫດ​ຄາດ​ຕະກຳມີ 16 ​ເລື່ອງ, ລັກ​ຊັບ 1.183 ​ເລື່ອງ, ມົ້ວ​ສຸມ ​ແລະ ຄ້າຂາຍ​ຢາ​ເສບ​ຕິດ 900 ກວ່າ​ເລື່ອງ, ອຸປະຕິ​ເຫດ​ 1.547 ຄັ້ງ, ມີ​ຜູ້​ເສຍ​ຊີວິດ 251 ຄົນ, ອັກຄີ​ໄພ​ເກີດ​ຂຶ້ນ 50 ກວ່າ​ຄັ້ງ ​ແລະ ຄະດີ​ອື່ນໆ,​ ຊຶ່ງ​ໄດ້​ສ້າງຄວາມ​ເສຍ​ຫາຍມີລົດຈັກ 913 ຄັນ, ລົດ​ໃຫຍ່ 13 ຄັນ ​ແລະ ຊັບ​ສິນ​ອື່ນໆ ລວມມູນ​ຄ່າ​ຫລາຍ​ຕື້ກີບ.

- Wave100S AD to Website 2020 0 - ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ
- WhatsApp Image 2020 05 27 at 5 - ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ
- WhatsApp Image 2020 05 27 at 5 - ເລັ່ງນຳ​ຈັບ​ຄາດ​ຕະກອນຂ້າ​ຄົນ​ອະນາ​ໄມ​ສວນ​ເຈົ້າ​ອານຸວົງ​ມາ​ດຳ​ເນີນ​ຄະດີ
error: Alert: ເນື້ອຫາຂ່າວມີລິຂະສິດ !!