ເຫດການພົ້ນເດັ່ນໃນວົງການກິລາໜຶ່ງປີຜ່ານມາ

- 26102854 711705262373383 552669357 n - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ
- Untitled design - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ

ປີ 2017 ວົງການກິລາລາວສາມາດ​ຍາດ​ໄດ້ຜົນ​ງານ​ດີ​ເດັ່ນ​ຫລ​າຍດ້ານ ເຊິ່ງມື້ນີ້ໜັງສືພິມລາວ​ພັດທະນາຈະນໍາເອົາເຫດການສໍາຄັນໃນວົງການກິລາລາວສະເພາະປີ 2017 ມາໃຫ້ທ່ານຜູ້ອ່ານຮັບ​ຮູ້​ດັ່ງ​ນີ້:

- 26176627 711706179039958 1810231204 n - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ

ຕົ້ນປີ 2017 ເລີ່ມຕົ້ນຈາກງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ຫລື ນົກກົກຄຳເກມ 2017 ໄດ້ເລີ່ມແຂ່ງຂັນແຕ່ວັນທີ 1-9 ກຸມພາ 2017 ເຊິ່ງມີ  12 ປະເພດກິລາ ມີການຊີງໄຊກັນທັງໝົດ 126 ຫລຽນຄຳ, 126 ຫລຽນເງິນ ແລະ 176 ຫລຽນທອງ, ​ໃນ​ນັ້ນ ອັນດັບທີ 1 ນະຄອນຫລວງວຽງຈັນ ຍັງຄອງເຈົ້າຫລຽນຄຳ ເປັນສະໄໝທີ 5 ຍາດມາໄດ້ 26 ຫລຽນຄຳ, 23 ຫລຽນເງິນ ແລະ 29 ຫລຽນທອງ ລວມ 78 ຫລຽນ, ອັນ​ດັບ​ທີ 2 ແຂວງສະຫວັນນະເຂດ ຍາດໄດ້ 21 ຫລຽນຄຳ, 24 ຫລຽນເງິນ ແລະ 14 ຫລຽນທອງ ລວມ 59 ຫລຽນ,  ອັນ​ດັບ​ທີ 3 ແຂວງບໍລິຄໍາໄຊ ເຈົ້າພາບ ຍາດໄດ້ 17 ຫລຽນຄໍາ, 16 ຫລຽນເງິນ ແລະ 22 ຫລຽນທອງ ລວມ 55 ຫລຽນ; ງານມະຫະກໍາຊີເກມຄັ້ງທີ 29 ທີ່ປະເທດມາເລເຊຍ ລະຫວ່າງວັນທີ 19-31 ສິງຫາ ຜ່ານການແຂ່ງຂັນນັກກິລາທີມຊາດລາວສາມາດຍາດໄດ້ 2 ຫລຽນຄໍາ, 3 ຫລຽນເງິນ, 21 ຫລຽນທອງ; ຮ່ວມອາຊຽນພາຣາເກມ ຄັ້ງທີ 9 ທີ່ປະເທດມາເລເຊຍເປັນເຈົ້າພາບ ຜ່ານການແຂ່ງຂັນນັກກິລາທີມຊາດລາວຍາດໄດ້ 4 ຫລຽນເງິນ, 4 ຫລຽນທອງ. ກິລາແຈັດ​ສະ​ກີ້​ກໍ​ສາມາດ​ສ້າງ​ຜົນງານ​ດີ​ເດັ່ນ​ຈາ​ກການແຂ່ງຂັນກິລາແຈັດສະກີ້ຊີງແຊັມໂລກທີ່ປະເທດໄທ ສາມາດຍາດໄດ້ອັນດັບທີ 3 ຂອງໂລກ; ກິລາວູຊູ​ສາມາດ​ຍາດ​ໄດ້​ 1 ຫລຽນ​ຄໍາ, 2 ຫລຽນ​ເງິນ ຈາ​ກການ​ເຂົ້າ​ຮ່ວມ​ແຂ່ງຂັນວູຊູ​ສະໝັກ​ຫລິ້ນ​ທີ່​ ສປ ຈີນ, ໃນນັ້ນ ການແຂ່ງຂັນກິລາໝາກເສິກຊີງຂັນຮອງປະທານປະເທດຂຶ້ນໃນກາງເດືອນທັນວາພາຍຫລັງໄດ້ຮັບການສ້າງຕັ້ງແຕ່ປີ 2010. ນອກຈາກ​ນັ້ນ, ກິລາ​ດຶງ​ເຊືອກ​ກໍ​ສາມາດ​ຍາດ​ໄດ້​ອັນ​ທີ 3 ​ແລະ ອັນ​ດັບ 4 ​ໃນ​ການ​ແຂ່ງຂັນ​ດຶງ​ເຊືອກ​ຊີງ​ແຊ້ມອາຊີ ​ແລະ ອາ​ຊຽນ ທີ່​ຈັດ​ຂຶ້ນ​ທີ່​ປະ​ເທດ​ໄທ ແລະ ກິລາ​ບານ​ເຕະ​ສາມາດ​ຍາດ​ໄດ້​ອັນ​ດັບ​ທີ 3 ​ໃນ​ການ​ແຂ່ງຂັນ​ຊຸງ​ຊີງ​ຄັບ ທີ່ ສປ ຈີນ ຮຸ່ນ​ອາຍຸ 12 ປີ​ ສະ​ໂມ​ສອນ ດີ​ເຄ ​ເອັຟຊີ.

- Wave100S AD to Website 2020 0 - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ
- WhatsApp Image 2020 05 27 at 5 - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ
- WhatsApp Image 2020 05 27 at 5 - ເຫດການພົ້ນເດັ່ນໃນວົງການກິລາໜຶ່ງປີຜ່ານມາ
error: Alert: ເນື້ອຫາຂ່າວມີລິຂະສິດ !!