ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ

- gettyimages 889271420 - ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ
- Untitled design - ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ

ລັດຖະສະພາຂອງ​ອີຣານ​ໃນ​ນະຄອນຫລວງ​ເຕຮາ​ຣານ ປະກາດ​ຮັບຮອງ​ນະຄອນຫລວງ​ເຢລູຊາ​ເລ​ມ​ເປັນ “​ເມືອງ​ຫລວງ​ຕະຫລອດ​ການ” ຂອງ​ປາ​ແລັສຕິນ, ສ່ວນ​ຜູ້ນຳ​ສູງ​ສຸດ​ຂອງ​ອີຣານກ່າວ​ວ່າ: ນະ​ໂຍບາຍ​ເລື່ອງ​ອີຣານຂອງ​ລັດຖະບານ ທຣຳ ຈະ “ລົ້ມ​ເຫ​ລວ” ​ເໝືອນ​ລັດຖະບານ​ ​ເຣ​ແກນ ທັງ​ທີ່​ຜູ້ນຳ​ອາ​ເມ​ລິ​ກາ​ໃນ​ຕອນ​ນັ້ນ “ສະຫລາດ​ກວ່າ” ຕອນ​ນີ້​ກໍ​ຕາມ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຕຮາຣານ ປະ​ເທດ​ອີຣານ ​ໃນ​ວັນ​ທີ 28 ທັນວາ​ວ່າ: “ມາ​ຈິ​ສ” ​ເຊິ່ງ​ເປັນ​ສະພາ​ທີ່​ປຶກສາ​ແຫ່ງ​ລັດ ຫລື ລັດຖະສະພາ​ຂອງ​ອີຣານ ມີ​ມະຕິ​ສຽງ​ສ່ວນ​ຫລາຍ 207 ສຽງ ຈາກ​ທັງ​ໝົດ 290 ສຽງ ​ໃນ​ກອງ​ປະຊຸມ​ວັນ​ທີ 27 ທັນວາ ປະກາດ​ໃຫ້​ນະຄອນຫລວງ​ເຢລູຊ​າ​ເລ​ມ​ເປັນ “​ເມືອງ​ຫລວງ​ຕະຫລອດ​ການ” ຂອງ​ປາ​ແລັສຕິນ. ການ​ເຄື່ອນ​ໄຫວ​ທີ່​ຈະ​ແຈ້ງວ່າ​ເປັນ​ການ​ຕອບ​ໂຕ້​ຄຳ​ປະກາດ ​ໂດຍ​ປະທານາທິບໍດີ ​ໂດ​ນັນ ທຣຳ ​ໃນ​ວັນ​ທີ 6 ທັນວາ​ຜ່ານ​ມາ​ວ່າ: ອາ​ເມ​ລິ​ກາ​ຮັບຮອງ​ພື້ນທີ່​ທັງ​ໝົດ​ຂອງ​ນະຄອນຫລວງ​ເຢລູຊາ​ເລ​ມ ​ໃນ​ຖານະ “​ເມືອງ​ຫລວງ​ຢ່າງ​ເປັນ​ທາງ​ການ” ຂອງ​ອິດສະ​ລາ​ແອນ.

- 5a3fe04efc7e93cd698b4567 - ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ

​ເຖິງ​ວ່າ​ຄຳ​ປະກາດ​ຂອງ​ທ່ານ ທຣຳ ບໍ່​ໄດ້​ລະບຸ “ການ​ປ່ຽນ​ແປງ” ທີ່​ຈະ​ເກີດ​ຂຶ້ນກັບ​ອານາ​ເຂດ​ທັງ​ໝົດ​ຂອງ​ນະຄອນຫລວງ​ເຢລູຊາ​ເລ​ມ, ​ແຕ່​ທ່າ​ທີ​ດັ່ງກ່າວ​ຂອງ​ຜູ້ນຳອາ​ເມ​ລິ​ກາ​ຖື​ເປັນ “ການ​ເລືອກ​ຂ້າງ​ຢ່າງ​ຈະ​ແຈ້ງ” ຕໍ່​ການ​ຂັດ​ແຍ່ງ​ທີ່​ຍືດ​ເຍື້ອລະຫວ່າງ​ອິດສະ​ລາ​ແອນ​ກັບປາ​ແລັສຕິນ ​ໂດຍ​ສະມັດຊາ​ໃຫຍ່​ສະຫະ​ປະຊາ​ຊາດ (UNGA) ມີ​ມະຕິ​ສຽງ​ສ່ວນ​ຫລາຍ 128 ຕໍ່ 9 ສຽງ ລະບຸ​ໃຫ້​ຄຳ​ປະກາດ​ຂອງ​ທ່ານ ທຣຳ “​ເປັນ​ໂມ​ຂະ” ​ເນື່ອງ​ຈາກ​ເປັນ​ການລະ​ເມີດ​ມະຕິ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ສະບັບ​ປີ 1967 ວ່າ​ດ້ວຍ​ການ​ກຳນົດ​ເຂດ​ແດນ​ລະຫວ່າງ​ອິດສະ​ລາ​ແອນກັບປາ​ແລັສຕິນ.

- WhatsApp Image 2020 05 27 at 5 - ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ
- WhatsApp Image 2020 05 27 at 5 - ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ
error: Alert: ເນື້ອຫາຂ່າວມີລິຂະສິດ !!