63 ປີແຫ່ງການສ້າງຕັ້ງອົງການກາແດງລາວ

- 7774 - 63 ປີແຫ່ງການສ້າງຕັ້ງອົງການກາແດງລາວ
- Untitled design - 63 ປີແຫ່ງການສ້າງຕັ້ງອົງການກາແດງລາວ

ເນື່ອງໃນໂອກາດວັນສ້າງຕັ້ງອົງການກາແດງລາວ ຄົບຮອບ 63 ປີ ຄືວັນທີ 1 ມັງກອນ ປີ 1955 – 1 ມັງກອນ 2018, ທ່ານ ຄໍາຮຸ່ງ ເຮືອງວົງສີ ປະທານອົງການ ກາແດງລາວ, ໄດ້ປາຖະກະຖາກ່ຽວກັບວັນສຳຄັນດັ່ງກ່າວ ຂື້ນທີ່ຫ້ອງປະຊຸມອົງການກາແດງລາວ ໃນວັນທີ 28 ທັນວານີ້, ເພື່ອຫວນ ຄືນປະຫວັດ ແລະ ຄວາມໝາຍສຳຄັນຂອງອົງການກາແດງລາວ, ທ່ານເລົ່າວ່າ: ທຳອິດອົງການກາແດງລາວມີຊື່ວ່າ (ສະພາກາຊາດລາວ) ພາສາ ສາກົນແມ່ນ Lao Red Cross ໃນເວລານັ້ນທົ່ວໂລກມີກາແດງພຽງ 80 ປະເທດ, ສະພາກາຊາດລາວ ມີພະນັກງານ 73 ຄົນ, ຍິງ 2 ຄົນ, ຖືກຮັບຮູ້ຈາກຄະນະກຳ ມະການກາແດງສາກົນ ໃນວັນທີ 23 ພຶດສາະພາ 1957 ແລະ ຖືກຮັບຮອງເຂົ້າເປັນ ສະມະຊິກ ສະຫະພັນກາແດງ ແລະ ຊີກວົງເດືອນແດງສາກົນ ໃນວັນທີ 25 ຕຸລາ 1957, ພາຍຫຼັງປະເທດຊາດໄດ້ຮັບການປົດປ່ອຍ ສະພາກາຊາດລາວກໍ່ໄດ້ສືບຕໍ່ເຄື່ອນໄຫວ ຕາມພາລະບົດບາດ ແລະ ໄດ້ປັບປຸງໄປຕາມທິດທາງນະໂຍບາຍການປ່ຽນແປງ ໃຫມ່ຢ່າງຮອບດ້ານຂອງພັກ ແລະ ລັດຖະບານ, ເພື່ອບັນລຸຈຸດປະສົງ ແລະ ຄາດໝາຍທີ່ກຳນົດໄວ້ ແລະ ໃຫ້ແທດເໝາະກັບສະພາບຄວາມເປັນຈິງ ໃນການພັດທະນາ ວຽກງານກາແດງແຕ່ລະໄລຍະຄື: ໃນປີ 1976-1978 ສະພາກາຊາດລາວ ໄດ້ປ່ຽນຊື່ມາເປັນສະພາກາແດງລາວ, ໃຫ້ຂື້ນກັບກະຊວງ ສາທາລະນະສຸກ ແລະ ສະຫວັດດີການສັງຄົມ ແລະ ໃນວັນທີ 4 ເມສາ ປີ 1992 ສະພາ ກາແດງລາວ ຈື່ງໄດ້ປ່ຽນຊື່ມາເປັນອົງການກາແດງລາວ ແລະ ໄດ້ແຍກອອກຈາກກະ ຊວງສະຫວັດດີການສັງຄົມມາເປັນອົງການສັງຄົມທີ່ຢູ່ພາຍໃຕ້ການນຳພາຂອງພັກ ແລະ ລັດຖະບານໃນປັດຈຸບັນ, ເຊີ່ງອົງການກາແດງລາວ ແມ່ນອົງການຈັດຕັ້ງທາງສັງຄົມ ແຫ່ງ ສປປ ລາວ ມີສຳນັກງານໃຫຍ່ຕັ້ງຢູ່ນະຄອນຫຼວງວຽງຈັນ, ມີໜ້າທີ່ຊ່ວຍເຫຼືອວຽກງານບັນເທົາທຸກ ຜູ້ທີ່ໄດ້ຮັບເຄາະຮ້າຍຈາກໄພພິບັດ ຕ່າງໆ, ຜູ້ທຸກຍາກດ້ອຍໂອກາດ ແລະ ຊ່ວຍສົ່ງເສີມສຸຂະພາບປະຊົນຊົນບັນດາເຜົ່າໃຫ້ມີ ຊີວິດດີຂື້ນ, ອົງການກາແດງລາວແມ່ນເຮັດວຽກຕາມ 7 ຫຼັກການພື້ນຖານຂອງຂະບວນ ການກາແດງສາກົນ, ອົງການກາແດງລາວປະກອບມີ 5 ພາກສ່ວນໃຫ່ຍຄື: ຫ້ອງການ, ກອງໂຄສະນາ ແລະ ຂົນຂວາຍການກຸສົນ, ກອງຊ່ວຍເຫຼືອບັນເທົາທຸກ, ກອງສົ່ງເສີມສຸ ຂະພາບຊຸມຊົນ ແລະ ສູນເລືອດແຫ່ງຊາດ, ເຊີ່ງມີ 9 ໜ້າວຽກຫຼັກດັ່ງນີ້: ການຊ່ວຍເຫຼືອ ບັນເທົາທຸກເບື້ອງຕົ້ນ, ການບໍລິຈາກເລືອດ-ສະໜອງເລືອດປອດໄພ, ການສົ່ງເສີມສຸຂະ ພາບຂັ້ນພື້ນຖານ, ການປະຖົມພະຍາບານ, ການກູ້ໄພສຸກເສີນ, ການໂຄສະນາ ຂົນຂວາຍ ແຫຼ່ງທຶນ, ການສ້າງອາສາສະໝັກກາແດງ, ການສືບທາວຫາຍາດພີ່ນ້ອງ, ການພົວພັນ ແລະ ຮ່ວມມືສາກົນ, ອົງການກາແດງລາວ ໄດ້ມີການຈັດຕັ້ງແຕ່ສູນກາງຮອດທ້ອງຖິ່ນ, ປະຈຸບັນມີກາແດງແຂວງ 18 ແຂວງ, ກາແດງເມືອງ 87 ເມືອງ, ເຊີ່ງມີພະນັກງານ ທັງໝົດ 583 ຄົນ, ຍິງ 262 ຄົນ.

- Wave100S AD to Website 2020 0 - 63 ປີແຫ່ງການສ້າງຕັ້ງອົງການກາແດງລາວ
- WhatsApp Image 2020 05 27 at 5 - 63 ປີແຫ່ງການສ້າງຕັ້ງອົງການກາແດງລາວ
- WhatsApp Image 2020 05 27 at 5 - 63 ປີແຫ່ງການສ້າງຕັ້ງອົງການກາແດງລາວ
error: Alert: ເນື້ອຫາຂ່າວມີລິຂະສິດ !!