ການແຂ່ງຂັນສິ່ງປະດິດຈາກຂອງເສດເຫລືອ

- DSC 2268 - ການແຂ່ງຂັນສິ່ງປະດິດຈາກຂອງເສດເຫລືອ
- Untitled design - ການແຂ່ງຂັນສິ່ງປະດິດຈາກຂອງເສດເຫລືອ

ໃນວັນທີ 28 ທັນວານີ້, ສູນກາງ ຊາວໜຸ່ມປະຊາຊົນປະຕິວັດລາວ  (ຊປປລ) ຮ່ວມກັບກະຊວງວິທະຍາສາດ ແລະ ເຕັກໂນໂລຊີ, ໄດ້ຈັດງານແຂ່ງຂັນສິ່ງປະດິດຈາກສິ່ງຂອງເສດເຫລືອ ແລະ ວາງສະແດງຜົນງານປະດິດ ຂອງຊາວໜຸ່ມທົ່ວນະຄອນຫລວງວຽງຈັນ, ຂຶ້ນມະຫາວິທະຍາໄລແຫ່ງຊາດ, ເພື່ອສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງຊາດ, ທັງເປັນການຊອກຫາຊາວໜຸ່ມຕົວແບບທີ່ມີແນວຄວາມຄິດສ້າງສັນ, ມີຫົວຄິດປະດິດສ້າງ ແລະ ສົ່ງເສີມພອນສະຫວັນທາງດ້ານແນວຄິດສ້າງສັນໃຫ້ແກ່ຊາວໜຸ່ມ ແລະ ເພື່ອປຸກຈິດສໍານຶກທີ່ດີໃຫ້ແກ່ຊາວໜຸ່ມ.

ໃນການແຂ່ງຂັນດັ່ງກ່າວ, ມີຜູ້ເຂົ້າຮ່ວມທັງໝົດ 18 ທີມ, ປະກອບມີ 12 ພາກກສ່ວນທີ່ມາຈາກໂຮງຮຽນ, ສະຖາບັນ ແລະ ວິທະຍາໄລຕ່າງໆໃນນະຄອນຫຼວງວຽງຈັນຄື: ມສ ຈອມຄໍາ 1 ທີມ, ມສ ໂພນທັນ, ມປ ທ່າເດື່ອ, ມຕ ດອນໜູນ, ວິທະຍາໄລ ສິລະປະສຶກສາ, ຄະນະສະວະກໍາສາດ, ທະນາຄານຂີ້ເຫຍື້ອຣີໄຊໂຄຣ ຄະນະສະວະກໍາສາດ, ກຸ່ມວິທະຍາອາສາ ຄະນະວິທະຍາສາດທໍາມະຊາດ, ກະຊວງປ້ອງກັນຄວາມສະຫງົບ, CCAM, ສະຖາບັນວິຈິດສິນແຫ່ງຊາດ ແລະ ວິທະຍາໄລຄູດົງຄໍາຊ້າງ ຊຶ່ງຜົນການແຂ່ງຂັນຜູ້ຊະນະເລີດໄດ້ແກ່: ວິທະຍາໄລ ສິລະປະສຶກສາ ສິ່ງປະດິດ “ສະບາຍສະບາຍ ”(ໂຊຟາທີ່ຜະລິດຈາກຕຸກນໍ້າດື່ມຫົວເສືອ) ໄດ້ຮັບຂັນລາງວັນ ແລະ ເງິນສົດ 3 ລ້ານກີບ, ລາງວັນທີ 2 ໄດ້ແກ່ ສິ່ງປະດິດ ສັນຍາລັກ ຄຊປປລ ໝັ່ນຍືນ ໄດ້ຮັບຂັນລາງວັນ ແລະ ເງິນສົດ 2,5 ລ້ານກີບ ແລະ ລາງວັນທີ 3 ໄດ້ແກ່ ມສ ຈອມຄໍາ ສິ່ງປະດິດ ຕຽງນອນເຮັດດ້ວຍຕຸກນໍ້າດື່ມຫົວເສືອ ໄດ້ຮັບຂັນລາງວັນ ແລະ ເງິນສົດ 2 ລ້ານກີບ.

- Wave100S AD to Website 2020 0 - ການແຂ່ງຂັນສິ່ງປະດິດຈາກຂອງເສດເຫລືອ
- WhatsApp Image 2020 05 27 at 5 - ການແຂ່ງຂັນສິ່ງປະດິດຈາກຂອງເສດເຫລືອ
- WhatsApp Image 2020 05 27 at 5 - ການແຂ່ງຂັນສິ່ງປະດິດຈາກຂອງເສດເຫລືອ
error: Alert: ເນື້ອຫາຂ່າວມີລິຂະສິດ !!