ນາຍົກເນັ້ນຜູ້ບໍລິຫານການສຶກສາ ແລະ ກິລາຕ້ອງເອົາໃຈໃສ່ພັດທະນາດ້ານຄຸນນະພາບເປັນກົກ

- advert banner 728 90 728x90 - ນາຍົກເນັ້ນຜູ້ບໍລິຫານການສຶກສາ ແລະ ກິລາຕ້ອງເອົາໃຈໃສ່ພັດທະນາດ້ານຄຸນນະພາບເປັນກົກ

ໃນໂອກາດໃຫ້ກຽດໂອ້ລົມຕໍ່ກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວປະເທດປີ 2017 ແລະ ກອງປະຊຸມຄົບຄະນະກຳມາທິການແຫ່ງຊາດເພື່ອການພັດທະນາຊັບພະຍາກອນມະນຸດຄັ້ງທີ 6 ເມື່ອບໍ່ດົນມານີ້ຂອງທ່ານນາຍົກລັດຖະມົນຕີ ທອງລຸນ ສີສຸລິດ, ໂດຍໄດ້ເນັ້ນໃຫ້ຜູ້ບໍລິຫານການສຶກສາ ແລະ ກິລາໃນທົ່ວປະເທດສືບຕໍ່ເອົາໃຈໃສ່ປັບປຸງລະບົບການຮຽນ-ການສອນໃຫ້ມີຄຸນນະພາບ ເພື່ອແນໃສ່ສ້າງຊັບພະຍາກອນມະນຸດໃຫ້ມີປະສິດທິພາບ ແລະ ຕອບສະໜອງໃຫ້ແກ່ໂຄງປະກອບເສດຖະກິດ ແລະ ການພັດທະນາຂອງປະເທດຊາດໄດ້ຢ່າງພຽງພໍ ແລະ ມີປະສິດທິຜົນ.

- new3 - ນາຍົກເນັ້ນຜູ້ບໍລິຫານການສຶກສາ ແລະ ກິລາຕ້ອງເອົາໃຈໃສ່ພັດທະນາດ້ານຄຸນນະພາບເປັນກົກ

ທ່ານນາຍົກຊີ້ນໍາວ່າ: ໃນຕໍ່ໜ້ານີ້, ຕ້ອງໄດ້ສຸມໃສ່ສ້າງໃຫ້ຜູ້ບໍລິຫານ ແລະ ຄູ-ອາຈານມີຄວາມຮູ້ຄວາມເຂົ້າໃຈດ້ານການເມືອງ, ທິດສະດີ, ແນວທາງນະໂຍບາຍຂອງພັກ, ລະບຽບກົດໝາຍຂອງລັດຢ່າງໜັກແນ້ນ, ໄປຄຽງຄູ່ການປັບປຸງຄຸນນະພາບການສຶກສາ, ພາຍໃຕ້ອຸດົມການທີ່ວ່າ: ສ້າງຄູເພື່ອສ້າງຄົນ, ພ້ອມທັງສືບຕໍ່ປັບປຸງການສິດສອນຂອງຄູ-ອາຈານແຕ່ລະຊັ້ນແຕ່ລະສາຍໃຫ້ບັນລຸຕາມຄາດໝາຍ, ສືບຕໍ່ຄົ້ນຄວ້າວິໄຈ ແລະ ແກ້ໄຂບັນຫາຄວາມແຕກໂຕນດ້ານການສຶກສາລະຫວ່າງຕົວເມືອງ ແລະ ຊົນນະບົດ, ເຊິ່ງບັນຫາທີ່ຕ້ອງໄດ້ຮີບຮ້ອນແກ້ໄຂໂດຍໄວໃນສະເພາະໜ້ານີ້ແມ່ນບັນຫາຄູເຫລືອບໍ່ພໍ, ບັນຫາຂາດເຂີນຄູສອນ ແລະ ເອົາໃຈໃສ່ຊຸກຍູ້ໃຫ້ຄູໄປສອນຢູ່ເຂດຊົນນະບົດຫ່າງໄກສອກຫລີກໃຫ້ຫລາຍຂຶ້ນ.

ສຳລັບສະຖາບັນການສຶກສາພາກເອກະຊົນຕ້ອງຊຸກຍູ້ສົ່ງເສີມຄຸ້ມຄອງໃຫ້ຖືກຕ້ອງຕາມພາລະບົດບາດ, ສ່ວນຜູ້ບໍລິຫານການສຶກສາພາກເອກະຊົນ, ເຈົ້າຂອງໂຮງຮຽນ ແລະ ສະຖາບັນ ຕ້ອງຕັ້ງໜ້າປັບປຸງຕົນເອງໃຫ້ມີຄຸນນະພາບ, ກວດຄືນບັນດານິຕິກຳ, ກົນໄກ, ຂໍ້ກຳນົດ ແລະ ລະບຽບການຕ່າງໆທີ່ນຳໃຊ້ໃນ ປັດຈຸບັນໃຫ້ມີຄວາມສອດຄ່ອງ, ສືບຕໍ່ຊຸກຍູ້້ຂະບວນການແຂ່ງຂັນຮັກຊາດຕິດພັນກັບວຽກງານສາມສ້າງຂອງຂະແໜງການສຶກສາ ແລະ ກິລາ, ເອົາໃຈໃສ່ດ້ານນະໂຍບາຍ, ແຜນການສຶກສາ ແລະ ຝຶກອົບຮົມ, ລວມທັງການສຶກສາຊັ້ນສູງ, ທຶນການສຶກສາຕ່າງປະເທດ, ອາຊີວະສຶກສາ, ການສຶກສາຫລັງມັດທະຍົມ, ການສຶກສານອກໂຮງຮຽນ ແລະ ການຝຶກອົບຮົມອື່ນໆ ຕ້ອງໄປຕາມບຸລິມະສິດຂອງຍຸດທະສາດພັດທະນາຊັບພະຍາກອນມະນຸດແຫ່ງຊາດ ແລະ ສອດຄ່ອງກັບຄວາມຕ້ອງການຂອງຕະຫລາດແຮງງານຢູ່ປະເທດເຮົາ, ພ້ອມນັ້ນກໍກຳນົດຄືນໃໝ່ກ່ຽວກັບການກໍ່ສ້າງພະນັກງານວິຊາສະເພາະໃນຂະແໜງວິຊາຕ່າງໆ, ຕ້ອງກຳນົດແຜນການຄັກແນ່, ທັງໃຫ້ມີລະບຽບການລະອຽດຮັດກຸມຕື່ມກ່ຽວກັບການຄຸ້ມຄອງ, ເພື່ອຕອບສະໜອງຄວາມຕ້ອງການທາງດ້ານປະລິມານ ແລະ ຄຸນນະພາບ, ພ້ອມນີ້ກໍໃຫ້ເພີ່ມທະວີຄວາມເອົາໃຈໃສ່ໃນການປະສານສົມທົບກັບຂະແໜງແຮງງານ ແລະ ສະຫວັດດີການສັງຄົມ ເພື່ອພັດທະນາລະບົບຂໍ້ມູນຂ່າວສານຕະຫລາດແຮງງານແຫ່ງຊາດ ແລະ ຄວາມຕ້ອງການແຮງງານ-ການສະໜອງກຳລັງແຮງງານ, ພ້ອມກັບການພັດທະນາຂີດຄວາມສາມາດ ແລະ ຍົກລະດັບສີມືແຮງງານລາວ ແລະ ການເຊື່ອມໂຍງກັບສາກົນ ແລະ ໃຫ້ເອົາ ໃຈໃສ່ປະຕິບັດການຕິດຕາມກວດກາ, ກວດສອບ ແລະ ປະເມີນຜົນການຈັດຕັ້ງປະຕິບັດໃຫ້ເປັນປົກກະຕິ, ເພື່ອໃຫ້ເຫັນໄດ້ຜົນສຳເລັດ ແລະ ດ້ານອ່ອນຂໍ້ຄົງຄ້າງເພື່ອປັບປຸງແກ້ໄຂໃຫ້ທັນການ.

- lattana 1 - ນາຍົກເນັ້ນຜູ້ບໍລິຫານການສຶກສາ ແລະ ກິລາຕ້ອງເອົາໃຈໃສ່ພັດທະນາດ້ານຄຸນນະພາບເປັນກົກ
error: Content is protected !!