ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ

- 2354hggg - ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ
- Untitled design - ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ

ປີເກົ່າ 2017 ຜ່ານພົ້ນໄປ, ປີໃໝ່ 2018 ກ້າວເຂົ້າມາແທນ ສັນໃດ,ກໍເໝືອນດັ່ງອາຍຸຂອງ ຄົນເຮົາກໍນັບມື້ຕື່ມແຖມຜູ້ເປັນ ເດັກກໍນັບມື້ເຕີບໃຫຍ່, ຜູ້ມີອາ ຍຸສູງກໍເພີ່ມຄວາມ ເຖົ້າແກ່ສະ ລາການ, ເຊິ່ງທຸກຄົນຕ່າງ ກໍພາ ກັນຍອມຮັບວ່າສັງຂານຂອງ ຄົນເຮົາມັນບໍ່ທ່ຽງ. ໂລກຂອງ ເຮົາກໍນັບມື້ໝູນວຽນປ່ຽນໄປ ເໝືອນດັ່ງກົງລໍ້ປະຫວັດສາດ.

ໃນປີເກົ່າຜ່ານມານັ້ນ, ເຖິງວ່າ ມັນໄດ້ ຜ່ານພົ້ນໄປແນວໃດ ກໍ ຕາມ, ແຕ່ພວກເຮົາກໍພ້ອມກັນ ຜ່ານຜ່າພາລະກິດການງານທີ່ ຫລາກຫລາຍສາຂາອາຊີບ, ທຸກ ສິ່ງຢ່າງກໍເພື່ອຄວາມ ຢູ່ລອດ ຂອງຊີວິດ ແລະ ເພື່ອພາລະກິດ ຂອງບ້ານເມືອງກໍຄືປະເທດ ຊາດໄດ້ມອບໝາຍພັນທະທາງສັງຄົມໃຫ້. ໜຶ່ງປີຜ່ານມາ, ຖືວ່າ ເປັນການທົດສອບຕໍ່ສະພາວະ ການປ່ຽນແປງຂອງໂລກບໍ່ວ່າໃນດ້ານບວກ ແລະ ດ້ານລົບຕໍ່ ກັບທັງທຳມະຊາດ ແລະ ສັງຄົມ. ໃນດ້ານທຳມະຊາດນັ້ນກໍຕ້ອງ ໄດ້ເວົ້າເຖິງການປ່ຽນແປງ ຂອງດິນຟ້າອາກາດ, ມີພາຍຸ, ມີ ຮ້ອນຫລາຍ, ໜາວຫລາຍ ແລະ ມີແລ້ງມີຖ້ວມ. ສ່ວນໃນດ້ານສັງ ຄົມນັ້ນ, ກໍມີທັງອັນຕັ້ງໜ້າ ແລະ ຫຍໍ້ທໍ້. ດ້ານຕັ້ງໜ້າ ນັ້ນກໍແມ່ນ ການເຊື່ອມໂຍງ, ເຊື່ອມຈອດໃນ ພາກພື້ນ ແລະ ໃນໂລກ. ສ່ວນ ວ່າດ້ານຫຍໍ້ທໍ້ນັ້ນກໍແມ່ນໄພຄຸກ ຄາມຈາກສົງຄາມ, ການແກ້ງ ແຍ້ງແຂ່ງຂັນທາງດ້ານເສດຖະ ກິດ-ສັງຄົມ ແລະ ເຕັກໂນໂລ ຊີທີ່ທັນສະໄໝ. ເວົ້າໄດ້ວ່າປີ 2017 ຜ່ານມາ, ສະພາບການ ຂອງພາກພື້ນ ແລະ ຂອງໂລກ ກໍມີການຂະຫຍາຍຕົວໄປໃນ ເຊິ່ງທາງບວກແລະທາງລົບ.

 

+ ໜັງສືພິມ ແລະ ການຕະຫລາດ

+ ນໍາສະເໜີໜັງສືພິມສາມັກຄີພັດທະນາ

- Wave100S AD to Website 2020 0 - ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ

ແນວໃດກໍຕາມ, ເຖິງວ່າ ສະພາບການໂລກ ແລະ ພາກ ພື້ນຈະມີການຜັນແປໄປຢ່າງ ສັບສົນປານໃດກໍຕາມ, ແຕ່ເວົ້າ ເຖິງສະພາບການສ້າງສາພັດ ທະນາປະເທດຊາດຂອງພວກ ເຮົາກໍຍັງເດີນໜ້າໄປຕິກໆ. ຕາມ ການປະເມີນເສດຖະກິດໃນປີ 2017 ຂອງປະເທດຈະຢູ່ໃນ ລະດັບ 6,8 ຫາ 7%, ຫລາຍ ທ້ອງຖິ່ນ, ຫລາຍເຂດແຂວງ ແລະ ຫລາຍຂະແໜງການສາ ມາດປະຕິບັດແຜນວຽກຂອງ ຕົນຢ່າງໄດ້ໝາກໄດ້ຜົນ. ພິເສດ ຂະແໜງການພາສີອາກອນປີ ຜ່ານມາກໍສາມາດເກັບກູ້ລາຍ ຮັບລື່ນປີ 2016. ເປັນຕົ້ນພຽງ 11 ເດືອນສາມາດກັບລາຍຮັບ ໄດ້ເຖິງ 5.693 ຕື້ກີບ ທຽບໃສ່ປີ 2016 ແມ່ນເພີ່ມຂຶ້ນ 19,52% ຄາດກະໝົດປີ 2017 ຈະສູ້ຊົນ ໃຫ້ໄດ້ 93,52% ແຕ່ເມື່ອທຽບ ໃສ່ຕົວເລກຮອງຮັບຂອງສະພາແມ່ນຢູ່ໃນລະດັບ 6.650 ຕື້ກີບ. ເຖິງວ່າຈະບໍ່ໄດ້ຕາມຄາດໝາຍກໍຕາມ, ແຕ່ເມື່ອທຽບໃສ່ປີຜ່ານ ມາແມ່ນດີກວ່າເກົ່າ ແລະ ເພີ່ມ ຂຶ້ນຫລາຍເທົ່າ.
ໄປຄຽງຄູ່ກັນນັ້ນ, ເມື່ອ ອວ່າຍມາເວົ້າເຖິງໜັງສືພິມ ລາວພັດທະນາຂອງພວກເຮົາ ໃນຖານະເປັນໜັງສືພິມກະ ບອກສຽງຂອງສະມາຄົມນັກ ຂ່າວ, ແຫ່ງ ສປປ ລາວ ລາຍ ວັນກໍໄດ້ເຮັດໜ້າທີ່ຂອງຕົນຕາມ ພາລະບົດບາດ. ອັນສຳຄັນທີ່ ສຸດແມ່ນໄດ້ປະກອບສ່ວນກະ ຈາຍຂໍ້ມູນຂ່າວສານທີ່ມີ ເນື້ອ ຫາສາລະສະໜອງໃຫ້ທ່ານຜູ້ ອ່ານໄດ້ເປັນຢ່າງດີ. ທຸກເນື້ອໃນ ແຫລ່ງຂ່າວ ຫລື ຂໍ້ມູນຂ່າວສານ ຕ່າງໆ ທີ່ໄດ້ລົງໃນໜັງສືພິມ ລ້ວນແລ້ວແຕ່ໄດ້ນຳເອົາແນວ ທາງນະໂຍບາຍຂອງພັກ ແລະ ລັດຖະບານລົງ ສູ່ທ້ອງຖິ່ນ ຮາກຖານ ແລະ ສູ່ສັງຄົມຢ່າງ ກວ້າງຂວາງ ໜຶ່ງປີຜ່ານ ມາສາ ມາດສະໜອງໜັງສືພິມໄດ້ 260 ກວ່າສະບັບ, ມີເນື້ອໃນຂ່າວ ແລະ ປະເພດບົດຕ່າງໆ ຫລາຍ ຮ້ອຍ, ຫລາຍພັນບົດ. ຈາກໝາກ ຜົນທີ່ໄດ້ປະກອບສ່ວນຜ່ານມານັ້ນ, ໜັງສືພິມພວກເຮົາ ຈຶ່ງຍືນ ຍົງຄົງຕົວຢູ່ຄຽງຄູ່ກັບທ່ານຜູ້ ອ່ານ ແລະ ຜູ້ຈັບຈອງ ທັງຫລາຍ ກາຍເປັນຜະລິດຕະພັນທີ່ໃຫ້ ເນື້ອຫາ, ສາລະໜ້າຮູ້, ເປັນຊັບ ສິນທາງປັນຍາເພື່ອປະດັບ ຄວາມເຊື່ອຖື ແລະ ໄວ້ວາງໃຈ ຈາກທ່ານຜູ້ອ່ານ. ເວົ້າແຈ້ງໜັງ ສືພິມພວກເຮົາຈະຍືນຍົງຄົງ ຕົວຢູ່ໄດ້ມາຮອດປັດຈຸບັນກໍຍ້ອນ ທ່ານຜູ້ອ່ານ ໄດ້ໃຫ້ຄວາມສຳຄັນ ແລະ ທັງໃຊ້ບໍລິການຕະຫລອດ ມາ ແຕ່ພ້ອມດຽວກັນນີ້, ໜຶ່ງ ປີຜ່ານມາ ພວກເຮົາບໍ່ສາມາດ ປະຕິເສດໄດ້ຕໍ່ຈຸດອ່ອນ ແລະ ຂໍ້ຂາດຕົກບົກຜ່ອງບາງຢ່າງຕໍ່ ທ່ານຜູ້ອ່ານທັງຫລາຍ. ໃນປີ ຕໍ່ໄປຈະພະຍາຍາມເຮັດໜ້າທີ່ ຂອງຕົນໃຫ້ດີທີ່ສຸດ ໂອກາດ ປີໃໝ່ສາກົນ 2018 ກໍຄືປີຕໍ່ໆ ໄປຄວາມສຸກສົມຫວັງທຸກຢ່າງຈົ່ງມີແກ່ພວກທ່ານດ້ວຍເຖີດ.

 

ໂດຍ: ກ້ອງສ່ອງ ອິດສະຫລະ

- WhatsApp Image 2020 05 27 at 5 - ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ
- WhatsApp Image 2020 05 27 at 5 - ໜຶ່ງປີຜ່ານມາລາວພັດທະນາຢູ່ຄຽງຄູ່ກັບທ່ານຜູ້ອ່ານ
error: Alert: ເນື້ອຫາຂ່າວມີລິຂະສິດ !!