3 ພືດຊ່ວຍຫລຸດສານພິດ

- 010201 2018 -  3 ພືດຊ່ວຍຫລຸດສານພິດ
- Untitled design -  3 ພືດຊ່ວຍຫລຸດສານພິດ
  1. ຫວ້ານຈືດ : ເປັນພືດພື້ນເມືອງທີ່ຮູ້ຈັກກັນກວ້າງຂວາງໃນເລື່ອງສັບພະຄຸນຊ່ວຍຫລຸດສານພິດ ໂດຍສະເພາະບັນດາຄົນມັກ ດື່ມເຫລົ້າທັງຫລາຍ ເຊິ່ງຈະນິຍົມເອົາໄປຕົ້ມເພື່ອແກ້ອາການເມົາຄ້າງ ຫລື ຖອນພິດເມົາຄ້າງ. ນອກຈາກນີ້ຍັງນິຍົມອົມກ່ອນໄປ ກິນເຫລົ້າ ເພາະເຊື່ອວ່າຈະຊ່ວຍໃຫ້ບໍ່ເມົາເຫລົ້າ ແລະ ຍັງສາມາດໃຊ້ເປັນຢາຖອນພິດເມົາເບື່ອຈາກເຫັດໄດ້ ເຊິ່ງໝໍຢາພື້ນເມືອງຈະຕົ້ມຫວ້ານຈືດໃຫ້ດື່ມແກ້ພິດເບື່ອເຫັດບໍ່ດົນອາການກໍດີຂຶ້ນ. ສັບພະຄຸນຂອງຫວ້ານຈືດຕາມຕຳລາໃຊ້ເຫງົ້າມາປຸງເປັນຢາຖອນພິດ, ແກ້ພິດເບື່ອເມົາ, ແກ້ພິດໄຂ້ ຫລື ໃຊ້ເປັນຢາແກ້ຮ້ອນໃນກະຫາຍນຳ້ ໂດຍທົ່ວໄປຈະຊອຍຕາກແຫ້ງຕົ້ມດື່ມ ຫລື ຊົງດື່ມເປັນນຳ້ຊາ. ວິທີໃຊ້ແມ່ນໃຫ້ເລືອກເອົາແຕ່ຫົວແກ່ໆມາລ້າງໃຫ້ສະອາດ ແລ້ວຊອຍເປັນຕ່ອນຕາກແດດ ຫລື ອົບໃຫ້ແຫ້ງ ໃຊ້ດື່ມ ຫລື ຊົງຊາເປັນປະຈຳ ເຊົ້າ – ແລງ ມື້ລະ 1 ຈອກ.
  2. ຢານາງ : ເປັນພືດອີກຊະນິດໜຶ່ງທີ່ຮູ້ຈັກກັນໂດຍທົ່ວໄປມີຄຸນຄ່າທາງໂພຊະນາການ ຄື : ມີວິຕາມິນອາ ແລະ ທາດການຊຽມຫລາຍ, ສາມາດໃຊ້ນຳ້ຄັ້ນຈາກໃບຢານາງເພື່ອປຸງແຕ່ງອາຫານເປັນການຂ້າລິດຂອງສານບາງຢ່າງທີ່ເປັນອັນຕະລາຍຕໍ່ສຸຂະພາບ ເຊັ່ນ : ຊ່ວຍຫລຸດຄວາມຂົມຝາດ, ຊ່ວຍໃຫ້ໜໍ່ໄມ້ມີລົດຊາດຫວານແຊບຂຶ້ນ ແລະ ຫລຸດຄວາມຂົມຂອງຜັກຂີ້ເຫລັກໄດ້.

ຄຸນປະໂຫຍດທາງຢານັ້ນຈະໃຊ້ຮາກ ເຊິ່ງມີລົດຊາດຈືດໃຊ້ແກ້ໄຂ້ທຸກຊະນິດ ເຊັ່ນ : ໄຂ້ພິດ ຫລື ໄຂ້ທີ່ເກີດຈາກການກິນອາຫານທີ່ເປັນພິດຕໍ່ຮ່າງກາຍ, ໄຂ້ໜາວ ຖືເປັນຢາໄລ່ພິດໄຂ້. ຄົນບູຮານຕົ້ມຢານາງໃສ່ກັບຫວ້ານຈືດໃຫ້ຄົນປ່ວຍດື່ມ ແລະ ໃຊ້ເຊັດໂຕເພື່ອແກ້ໄຂ້ໂຕຮ້ອນ. ປະຈຸບັນ, ຢານາງໄດ້ຮັບຄວາມນິຍົມສູງໃນການດູແລສຸຂະພາບ, ຫລຸດຄວາມຮ້ອນໃນຮ່າງກາຍ ໂດຍເອົານຳ້ຄັ້ນໃບຢານາງມາດື່ມ ຫລື ຄັ້ນປະສົມກັບພືດພື້ນເມືອງອື່ນໆທີີ່ມີລິດເປັນຢາເຢັນຄືກັນ ເຊັ່ນ : ໃບເຕີຍ ແລະ ຜັກບົ້ງ.

  1. ຜັກບົ້ງ : ເປັນຜັກຊະນິດໜຶ່ງທີ່ມີສັບພະຄຸນແກ້ພິດ, ຖອນພິດ. ແພດບູຮານແນະນຳໃຫ້ດື່ມນຳ້ຕົ້ມຜັກບົ້ງເພື່ອລ້າງສານພິດ ຈາກຢາຂ້າແມງໄມ້.

ຮາກຜັກບົ້ງມີລົດຊາດຈືດຝາດຖອນພິດໄຂ້, ແພ້ອາຫານເປັນພິດ. ສ່ວນລຳຕົ້ນ ແລະ ໃບມີລົດຊາດເຢັນໃຊ້ຖອນພິດເບື່ອເມົາ. ນອກຈາກນີ້, ຍັງມີສັບພະຄຸນເປັນຢາຂ້າເຊື້ອ ສາມາດປິ່ນປົວບາດແຜເປັນໜອງໄດ້ ແລະ ຫລຸດອາການຄັນຈາກພິດແມງໄມ້ກັດຕອດໄດ້.

ການດື່ມນຳ້ຕົ້ມຜັກບົ້ງ ຫລື ກິນ ລວກຜັກບົ້ງກໍສາມາດລ້າງສານພິດໃນຮ່າງກາຍໄດ້ຄືກັນ.

- Wave100S AD to Website 2020 0 -  3 ພືດຊ່ວຍຫລຸດສານພິດ
- WhatsApp Image 2020 05 27 at 5 -  3 ພືດຊ່ວຍຫລຸດສານພິດ
- WhatsApp Image 2020 05 27 at 5 -  3 ພືດຊ່ວຍຫລຸດສານພິດ
error: Alert: ເນື້ອຫາຂ່າວມີລິຂະສິດ !!