ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%

- 23032844 184770135424764 4478759471383245992 n - ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%
- Untitled design - ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%

ພະ​ແນ​ກ​ແຜນການ ​ແລະ ການ​ລົງທຶນ ະຄອນຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ປີຜ່ານມານະຄອນຫລວງ​ວຽງຈັນ, ສາມາດ​ດຶງ​ດູດ​ການ​ລົງທຶນ​ພາຍ​​ໃນ ​ແລະ ຕ່າງປະ​ເທດ​ໄດ້ 2.920 ຫົວໜ່ວຍ, ດ້ວຍ​ທຶນ​ຈົດ​ທະບຽນຫລາຍ​ກ່ວາ 72.925 ຕື້ກີບ, ​ລື່ນ​ແຜນການ​ປີ 36,67%, ​ໃນ​ນັ້ນ​​ມີ 2 ​ໂຄງການພົ້ນ​ເດັ່ນ​ຄື: ​ໂຄງການ​ພັດທະນາ​ເຂດໜອງບົວ​ໃໝ່ບ້ານຈອມ​ເພັດ​ເຫນືອ​ເມືອງສີ​ສັດຕະ​ນາກນະຄອນຫລວງ​ວຽງຈັນ ມີມູນ​ຄ່າ​ການ​ລົງທຶນ 50 ລ້ານ​ກວ່າ​ໂດ​ລາສະຫະລັດ, ມີ​ອາຍຸ​ສຳ​ປະທານ 50 ປີຈາກ ສປຈີນ ​ແລະ ​ໂຄງການ​ຕະຫລາດ​ສະບາຍດີ​ວຽງຈັນຢູ່​ບ້ານ​ໄຊ​ສະຫວ່າງ​ເມືອງ​ໄຊ​ທານີ​ນະຄອນຫລວງ​ວຽງຈັນ, ພ້ອມ​ນັ້ນ​ກໍ​ໄດ້​ສຳ​ເລັດ​​ການ​ຊຳລະໜີ້ສິນ​ໂຄງການ​ລົງທຶນ​ຂອງ​ລັດບ້ວງ 400 ຕື້ກີບຈຳນວນ 253 ​ໂຄງການ, ​ໄດ້​ຊຳລະໜີ້ສິນ​ໂຄງການ​ລົງທຶນ​ຂອງ​ລັດ​ໃນ​ວຽກງານ​ພັດທະນາ​ຊົນນະ​ບົດ ​ແລະ ລຶບລ້າງ​ຄວາມທຸກ​ຍາກຈຳນວນ 12 ​ໂຄງການ ​​​ແລະ ສະ​ເພາະ​ປີ 2018 ນີ້, ຈະ​ໄດ້​ນຳ​ສະ​ເໜີຂໍ​ງົບປະມານ​ 372,764 ລ້ານ​ກີບ​ເຂົ້າ​ໃນ 439 ​ໂຄງການ​ເພື່ອ​ສືບຕໍ່ພັດທະນາ​ເສດຖະກິດ​ຂອງ​ນະຄອນຫລວງ​ວຽງຈັນ​ໃຫ້​ເຕີບ​ໃຫຍ່​ເຂັ້ມ​ແຂງ.

ພະ​ແນ​ກ​ແຜນການ​ດັ່ງກ່າວ​ຍັງ​ໃຫ້​ຮູ້​ວ່າ: ​ໃນ​ປີຜ່ານມາ, ນອກຈາກ​ສາມາດດຶງ​ດູດ​ການ​ລົງທຶນທີ່​ລື່ນ​ແຜນການ​ທີ່​ວາງ​ໄວ້​ແລ້ວ, ນະຄອນຫລວງ​ວຽງຈັນຍັງ​ໄດ້ສຳ​ເລັດ​ຫລາຍໜ້າວຽກ ເປັນ​ຕົ້ນ​ແມ່ນ​ໄດ້​ລົງ​ໄກ່​ເກ່ຍຄ່າ​ຊົດ​ເຊີຍ​ຈາກ​ຜົນ​ກະທົບໂຄງການ​ພັດທະນາ​ເນື້ອທີ່​ດິນຂອງ​ເຂດໜອງບົວ​ໃໝ່ເມືອງສີ​ສັດຕະ​ນາກ, ​ໄດ້​ເຊັນ​ບົດ​ບັນທຶກ​ຄວາມ​ເຂົ້າ​ໃຈ​ເພື່ອ​ສຶກສາ, ສຳ​ຫລວດ​ຄວາມ​ເປັນ​ໄປ​ໄດ້​ຂອງ​ໂຄງການ​ຄື: ​ໂຄງການ​ພັດທະນາ​ການ​ຕ່າງໆຢູ່​ເຂດ​ອຸດສາຫະກຳນະຄອນຫລວງ​ວຽງຈັນຂອງ​ກຸ່ມບໍລິສັດພົງ​ສະຫວັນຈຳກັດ, ​ໂຄງການ​ພັດທະນາ​ການ​ຜະລິດ​ໄຟຟ້າ​ພະລັງງານ​ຈາກ​ແສງຕາ​ເວັນ​ເທິງໜ້ານ້ຳຂອງບໍລິສັດ ທີ​ເອັສບີ ຈຳກັດ ​ແລະ ​ໂຄງການ​ຕິດ​ຕັ້ງ​ລະບົບ​ພະລັງງານ​ຈາກ​ແສງຕາ​ເວັນຂອງບໍລິສັດ​ມະຫາ​ຊະນະ​ໄຟຟ້າ​ຈຳກັດ, ​ໄດ້​ປະສານ​ສົມທົບ​ກັບ​ຄະນະ​ກວດ​ສອບ​ແຫ່ງ​ລັດກວດກາ​ຄືນ​ໂຄງການ​ກໍ່ສ້າງ​ເສັ້ນທາງ​ດອນໜູນ-ຂົວ​ທ່າ​ງ່ອນ ​ແລະ ​ໂຄງການ​ກໍ່ສ້າງ​ຕັດ​ທາງ​ໃໝ່​ແຕ່​ບ້ານດອນ​ນົກ​ຂຸ້ມ-​ເສັ້ນທາງ​ກຳ​ແພງ​ເມືອງຜ່ານ​ບຶງ​ທາດຫລວງບ້ານຊຽງດາ, ດົງ​ໂພ​ສີ​ເຊື່ອມ​ຕໍ່ທາງ 450 ປີ​ເຊື່ອມ​ຕໍ່ບ້ານນາ​ຄວາຍ​ເມືອງ​ໄຊ​ເສດ​ຖານະ​ຄອນ​ຫລວງ​ວຽງຈັນ ​ເພື່ອ​ໃຫ້​ດຳ​ເນີນ​ການ​ສຳ​ເລັດ​ໃນ​​ໄວໆນີ້.

- Wave100S AD to Website 2020 0 - ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%
- WhatsApp Image 2020 05 27 at 5 - ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%
- WhatsApp Image 2020 05 27 at 5 - ປີ​ເກົ່ານະຄອນຫລວງລະ​ດົມການ​ລົງທຶນ​ເກີນ​ແຜນການ 36,67%
error: Alert: ເນື້ອຫາຂ່າວມີລິຂະສິດ !!