ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ

- corruption - ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ
- Untitled design - ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ

ອົງການ​ເພື່ອ​ຄວາມ​ໂປ່​ງ​ໃສ (ທີ​ໄອ) ​ໄດ້​ເປີດ​ເຜີຍ​ລາຍ​ງານ​ດັດ​ສະ​ນີພາ​ບລັກສໍ້​ລາດ​ບັງ​ຫລວງ​ທົ່ວ​ໂລກປະຈຳ​ປີ 2017 ​ຈາກການ​ສຳ​ຫລວດ​ຂອງ 76 ປະ​ເທດພົບ​ວ່າ​ປະ​ເທດ​ທີ່​ມີ​ຄວາມ​ໂປ່​ງ​ໃສ​ທີ່​ສຸດ​ຄື: ປະ​ເທດ​ນູ​ແວນ​ເຊ​ລັງ ​ແລະ ດານ​ມາກ ທີ່​ໄດ້​ຄະ​ແນນ​ຄວາມ​ໂປ່​ງ​ໃສ​ເຖິງ 90 ຄະ​ແນນຈາກ​ຄະ​ແນນ​ເຕັມ 100 ຄະ​ແນນ, ສຳລັບ ສປປ ລາວ ມີ​ອັນ​ດັບ​ທີ່​ດີ​ຂຶ້ນ​ໃນ​ເລື່ອງດັດ​ສະ​ນີຄວາມ​ໂປ່​ງ​ໃສ​ຈາກ 136​ ​ໃນ​ປີ 2016 ມາ​ຢູ່​ອັນ​ດັບ 134 ​ເຊິ່ງ​ເຫັນ​ວ່າ: ການ​ແກ້​ໄຂ​ບັນຫາ​ສໍ້​ລາດ​ບັງ​ຫລວງ ຫລື ​ເອີ້ນວ່າ: ຄໍ​ລັບ​ຊັນ ພາຍ​ໃນ​ປະ​ເທດມີ​ຄວາມ​ເຂັ້ມ​ງວດ​ຫລາຍ​ຂຶ້ນ.

ການ​ສໍ້​ລາດ​ບັງ​ຫລວ, ​ເປັນ​ອຸປະສັກ​ກົດໜ່ວງການ​ພັດທະນາ, ​ເປັນ​ຊ່ອງ​ຫວ່າງ​ໃຫ້​ຄົນ​ບໍ່ດີ​ເຄື່ອນ​ໄຫວ​ສ້າງ​ຄວງາມ​ບໍ່ສະຫງົບ, ຍ້ອນ​ແນວ​ນັ້ນການ​ສະກັດ​ກັ້ນ ​ແລະ ຕ້ານ​ສໍ້​ລາດ​ບັງ​ຫລວງ​ແມ່ນ​ຄວາມ​ຈຳ​ເປັນ​ພາວະ​ວິ​ໃສ, ​ເປັນໜ້າທີ່ ​ແລະ ຄວາມ​ຮັບຜິດຊອບຂອງ​ທຸກ​ພາກສ່ວນຕ້ອງ​ເປັນ​ເຈົ້າ​ການຈັດ​ຕັ້ງ​ນຳພາ​ແກ້​ໄຂ​ຢ່າງ​ຕັ້ງໜ້າ​ໃນ​ແຕ່ລະ​ຂົງ​ເຂດ, ຂະ​ແຫນງ​ການ ​ແລະ ທ້ອງ​ຖິ່ນ, ຜ່ານ​ມາ ອົງການ​ຈັດ​ຕັ້ງພັກ-ລັດ, ອົງ​ການ​ກວດກາ​ລັດຖະບານ, ສື່​ມວນ​ຊົນ, ປະຊາຊົນ​ລວມທັງ​ພາກສ່ວນ​ກ່ຽວຂ້ອງຕ່າງໆ​ໄດ້​ມີ​ຄວາມ​ພະຍາຍາມຢ່າງ​ຕັ້ງໜ້າ​ໃນ​ການ​ດຳ​ເນີນ​ການ​ຕິດຕາມ, ກວດ​ສອບ, ກວດກາ​ບັນຫາ​ຕ່າງໆ​ໃນ​ສັງຄົມ, ​ເຊິ່ງພົບ​ເຫັນ​ການ​ກະທຳ​ຜິດ​ໃນ​ຫລາຍ​ພາກສ່ວນ ​ແລະ ​ໄດ້​ດຳ​ເນີນ​ການ​ຕາມ​ຂະ​ບວນການ​ຍຸຕິ​ທຳ ​ແລະ ​ເປັນ​ການ​ອັດ​ຊ່ອງ​ຫວ່າງ​ຂອງ​ການ​ຮົ່ວ​ໄຫລ​ໄດ້​ຈຳນວນໜຶ່ງ, ​ໂດຍ​ສະ​ເພາະ​ຜົນ​ການກວດ​ສອບ​ບົດ​ສະຫລຸບ​ຂາດ​ຕົວ​ການຈັດ​ຕັ້ງ​ປະຕິບັດ​ແຜນ​ງົບປະມານ​ແຫ່ງ​ລັດ​ສົກ​ປີ 2015-2016, ອົງ​ການກວດ​ສອບ​ແຫ່ງ​ລັດສາມາດ​ກວດ​ສອບ​ເຫັນ​ເພີ່ມ​ລາຍຮັບ​ສ່ວຍ​ສາ​ອາກອນ, ລາຍ​ຮັບ​ຊັບສິນ​ຂອງ​ລັດ, ​ເງີ​ນກອງ​ທຶນ​ລັດ ​ແລະ ອື່ນໆ, ​ເຊິ່ງ​ໄດ້​ມອບ​ເຂົ້າ​ງົບປະມານ​ຂອງ​ລັດ​ເປັນ​ຈຳນວນ​ຫລາຍ​ສົມຄວນ, ກວດ​ສອບ​ເຫັນໜີ້ຕ້ອງ​ຮັບທີ່​ສະ​ສົມ​ຢູ່​ຫລາຍ​ກົມ​ກອງ​ຂອງ​ຂະ​ແຫນງ​ການ​ເງິ​ນ, ​ເຊິ່ງຕ້ອງ​ໄດ້​ເລັ່ງທວງ​ເຂົ້າ​ງົບປະມານ​ເປັນ​ຈຳນວນ​ຫລວງຫລາຍ ​ແລະ​ ບັນຫາ​ອື່ນໆອີກ​ຈຳນວນໜຶ່ງ.

- Wave100S AD to Website 2020 0 - ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ

ກະຊວງ​ປ້ອງ​ກັນ​ຄວາມ​ສະ​ຫງົບ ​ໃຫ້​ຮູ້​ວ່າ: ​ໃນ​ໄລຍະ 5 ປີຜ່ານມາ, ຄະນະ​ກວດກາ​ກະຊວງ ປກສ ​ໄດ້​ເອົາ​ໃຈ​ໃສ່​ໃນ​ການ​ຕິດຕາມ​ກວດກາ, ຕ້ານ ​ແລະ ສະກັດ​ກັ້ນ​ປາກົດການ​ຫຍໍ້ທໍ້​ຕ່າງໆ​ໃນ​ຖັນ​ແຖວ​ພະນັກງານ​ນັກຮົບ​ກຳລັງ ປສກ ສາມາດ​ພົບ​ເຫັນ​ການລະ​ເມີດ​ກົດໝາຍ, ສໍ້​ລາດ​ບັງ​ຫລວງ ​ແລະ ອື່ນໆ ຈຳນວນ 1.343 ຄົນ, ສ້າງ​ຜົນ​ເສຍ​ຫາຍ​ເປັນ​ເງິນສົດ​ຫລາຍ​ກວ່າ 6 ຕື້ກີບ, 191 ພັນ​ໂດ​ລາສະຫະລັດ, 147 ລ້ານ​ກວ່າ​ບາດ ​ແລະ ຊັບ​ສິນ​ອື່ນໆ, ​ໂດຍ​ບັນຫາ​ທີ່​ກວດ​ພົບ​ສ່ວນ​ຫລາຍ​ແມ່ນ​ການ​ສວຍ​ໃຊ້ໜ້າທີ່​ຫາ​ຜົນ​ປະ​ໂຫຍ​ດສ່ວນ​ຕົວ​ ເຊັ່ນ: ຍັກ​ຢອກ​ຢາ​ເສບ​ຕິດ​ຂອງ​ກາງ​ຄະດີ ​ແລະ ຮັບ​ສິນ​ບົນ​ຈາກ​ຜູ້​ຄ້າຂາຍ​ຢາ​ເສບ​ຕິດ​ດັ່ງ​ກໍລະນີ​ເຈົ້າໜ້າທີ່ ປກສ ​ແຂວງຫົວພັນ ຈຳນວນໜຶ່ງຮັບ​ສິນ​ບົນ​ເປັນ​ເງິນສົດ 120 ພັນ​ໂດ​ລາສະຫະລັດຈາກ​ຂະ​ບວນຄ້າ​ເຮ​ໂຣ​ອິນຈຳນວນ 93 ​ແທ່ງ​, ກໍລະນີ​ເຈົ້າໜ້າທີ່ ປກສ ​ແຂວງຫລວງ​ນ້ຳ​ທາຈຳນວນໜຶ່ງຮັບ​ສິນ​ບົນ​ຈາກ​ນັກ​ໂທດ​ປະຫານ​ຊີວິດ​ໃນ​ຄະດີ​ຢາ​ເສບ​ຕິດຈຳນວນ 14 ລ້ານ​ບາດ, ​ເພື່ອ​ແລກ​ກັບ​ການ​ປ່ອຍ​ຕົວ​ນັກ​ໂທດ ​ແລະ ອີກ​ຫລາຍໆກໍລະນີ, ຈາກ​ການ​ປະພຶດ​ດັ່ງກ່າວຈຶ່ງ​ໄດ້​ມີ​ການ​ປະຕິບັດ​ຕາມ​ວິ​ໄນ​ຄື: ກ່າວ​ເຕືອນ​ຈຳນວນ 144 ຄົນ, ​ໂຈະ​ການ​ຍ້ອງຍໍ-​ເລື່ອນ​ຊັ້ນ 341 ຄົນ, ປົດ​ຕຳ​ແຫນ່​ງ 101 ຄົນ, ຍົກຍ້າຍໜ້າທີ່ 20 ຄົນ, ​ໄລ່​ອອກ​ຈາກ​ກຳລັງ 737 ຄົນ ​ແລະ ສົ່ງ​ໃຫ້​ອົງການ​ສືບສວນ-ສອບ​ສວນ​ດຳ​ເນີນ​ຄະດີ​ຕາມ​ລະບຽບກົດໝາຍ 17 ຄົນ.

- WhatsApp Image 2020 05 27 at 5 - ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ
- WhatsApp Image 2020 05 27 at 5 - ບັນຫາ​ສໍ້​ລາດ​ບັງ​ຫລວງຍັງ​ເປັນ​ໄພ​ອັນຕະລາຍ​ກົດໜ່ວງການ​ພັດທະນາ​ຫລາຍ​ປະ​ເທດ​ໃນ​ໂລກ
error: Alert: ເນື້ອຫາຂ່າວມີລິຂະສິດ !!