ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່

- New Building - ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່
- Untitled design - ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່

ນັບຈາກນີ້ໄປອີກ 36 ເດືອນ, ຕຶກນອນຄົນເຈັບຫລັງໃໝ່ຂອງໂຮງໝໍມິດຕະພາບກໍຈະສາມາດເປີດນຳໃຊ້ ແລະ ອຳນວຍຄວາມສະດວກໃຫ້ແກ່ຜູ້ທີ່ມາໃຊ້ບໍລິການປາກົດຜົນເປັນຈິງ ດ້ວຍນະວັດຕະກຳການອອກແບບທີ່ງົດງາມ, ເປັນການລົງທຶນຂອງກຸ່ມບໍລິສັດ ມາລີນີ ຈຳກັດຜູ້ດຽວ, ຫລັງມີພິທີວາງສີລາລຶກໃນວັນທີ 30 ທັນວາ 2017 ດ້ວຍມູນຄ່າຫລາຍກວ່າ8,2 ລ້ານໂດລາສະຫະລັດ, ເຂົ້າ​ຮ່ວມ​ໃນ​ພິທີ​ມີ​ທ່ານ ສິນ​ລະ​ວົງ ຄຸດ​ໄພທູນ ​ເຈົ້າ​ຄອງ​ນະ​ຄອນຫລວງ​ວຽງຈັນ, ທ່ານ ບຸນ​ກ​ອງ ສີ​ຫາ​ວົງ ລັດຖະມົນຕີ​ກະຊວງ​ສາທາລະນະ​ສຸກ,ພ້​ອມດ້ວຍ​ພາ​ກສ່ວນ​ກ່ຽວ​ຂອງ​ຕ່າງໆ.

ທ່ານຜູ້ອໍານວຍການ​ໂຮງໝໍ​ດັ່ງກ່າວ​ ໃຫ້ຮູ້​ວ່າ: ​ເພື່ອ​ຕອບ​ສະໜອງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ສັງຄົມ​ຕໍ່​ການ​ບໍລິການທາງ​ດ້ານ​ການ​​ແພດ​ທີ່​ດີ ​ແລະ ​ມີ​ຄຸນ​ນະພາ​ບນັ້ນ​, ຜ່ານ​ມາ​ພວກ​ເຮົາ​ຍັງ​ເຮັດ​ບໍ່​ທັນ​ໄດ້​ດີ​​ເທົ່າ​ທີ່ຄວນ, ​ເນື່ອງ​ຈາກ​ຂໍ້​ຈຳກັດຫລາຍໆ​ດ້ານ, ດັ່ງ​ນັ້ນ ການ​ຮ່ວມ​ມື​ກັບ​ບໍລິສັດ​ດັ່ງກ່າວ ​ເພື່ອ​ປຸກ​ສ້າງ​ອາຄານ​ນອນ​ສຳລັບ​ຄົນ​ເຈັບຈະ​ເປັນ​ການ​ປັບປຸງ​ຂອດ​ບໍລິການ​ທາງ​ດ້ານ​ສາ​ທາ​ລະນະ​ສຸກ​ມີ​ຄວາມ​ສະດວກ​ດີ​ຂື້ນ ​ແລະ ​ຈະ​ຊ່ວຍຫລຸດ ຜ່ອນ​ການ​ໄປ​ໃຊ້​ບໍລິການ​ທາງ​ດ້ານການ​​ແພດ​ຢູ່​ຕ່າງ​ປະ​ເທດ​ຫລຸດ​ລົງ.

- Wave100S AD to Website 2020 0 - ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່

ທ່ານປະທານກຸ່ມ​ບໍລິສັດ ​ມາລີ​ນີ ກ່າວ​ວ່າ: ​ໃນ​ນາມ​ເປັນ​ຜູ້​ລົງທຶນ​ກໍ່ສ້າງ ​​ແລະ ​ບໍລິການ​ຕຶກ​ປິ່ນປົວ​ດັ່ງກ່າວ​​ຕາມ​​ຮູ​ບ​ແບບ BOT​ ໃນ​ຂະ​ໜາດ​ຂອບ​ເຂດ​ໂຄງການ 3.990 ​ຕາ​ແມັດ,ມີ​ອາຄານ​ກວ້າງ 20​X50 ​ແມັດ, ສູງ 7 ​ຊັ້ນ ລວມທັງ​ຊັ້ນ​ໃຕ້​ດິນ, ຊັ້ນ​ທີ1 ​ແມ່ນ​ຊັ້ນ​ອາ​​ເນກປະສົງ ​ແລະ ​ບໍລິການຮັບ​ຕ້ອນ​ທົ່ວ​ໄປ, ຊັ້ນ​ທີ​ສອງ ​ແລະ ​ສາມ ​ແມ່ນ​ສຳລັບ​ຫ້​ອງນອນ​ຄົນ​ເຈັບ, ຊັ້ນ​ທີ​ສີ​ ແລະ ​ຊັ້ນ​ທີ​ຫ້າ ​ເປັນ​ຫ້​ອງນອນ​ສຳລັບ​ພີ່ນ້​ອງມາ​ເຝົ້າຄົນ​ເຈັບ, ສ່ວນ​ຊັ້ນ​ທີ​ຫົກ​ເປັນ​ຊັ້ນ​ຮ້ານ​ອາຫານ ​ແລະ ຫ້ອງປະຊຸ​ມ, ມີ​ຈຳນວນ​​ທັງ​ໝົດ 200 ​ກວ່າ​ຫ້ອງ, ​ໃນ​ນີ້​ມີ​ທັງ​ຫ້ອງ​​ສຳລັບ​ຄົນ​ເຈັບ ​​ແລະ ​ຄົນ​ເຝົ້າ, ຊຶ່ງ​ປະກອບ​ມີ​ສິ່ງ​ອຳ​ນວຍ​ຄວາມສະດວກ​ຕ່າງໆ​ ແລະ ມີ​ໄລຍະ​ການ​ສຳ​ປະທານ 39 ​ປີ.

- WhatsApp Image 2020 05 27 at 5 - ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່
- WhatsApp Image 2020 05 27 at 5 - ເລີ່ມສ້າງຕຶກນອນຄົນເຈັບໂຮງໝໍມິດຕະພາບຫລັງໃໝ່
error: Alert: ເນື້ອຫາຂ່າວມີລິຂະສິດ !!