ທ່ານ ທຣຳ ຂູ່ຕັດການຊ່ວຍເຫລືອປາແລັສຕິນ

- 1322697156650670624 - ທ່ານ ທຣຳ ຂູ່ຕັດການຊ່ວຍເຫລືອປາແລັສຕິນ
- Untitled design - ທ່ານ ທຣຳ ຂູ່ຕັດການຊ່ວຍເຫລືອປາແລັສຕິນ

ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ຍອມຮັບ​ວ່າ: ຂະ​ບວນການ​ສັນຕິພາບ​ໃນ​ຕາ​ເວັນ​ອອກ​ກາງ​ກຳລັງ​ປະສົບ​ບັນຫາ ​ແລະ ຂູ່​ຈະ​ຕັດ​ການ​ຊ່ວຍ​ເຫລືອ​ປາ​ແລັສຕິນທີ່​ໄດ້​ຮັບ​ຈາກ​ອາ​ເມ​ລິ​ກາປີ​ລະ​ 300 ກວ່າ​ລ້ານ​ໂດ​ລາ​ສະຫະລັດ.

ປະທານາທິບໍດີ ທຣຳ ກ່າວ​ວ່າ: ອາ​ເມ​ລິ​ກາ​ຈ່າຍ​ໃຫ້​ປາ​ແລັສຕິນປີ​ລະ​ຫລາຍ​ຮ້ອຍ​ລ້ານ​ໂດ​ລາ​ສະຫະລັດ, ​ແຕ່​ບໍ່​ໄດ້​ຮັບ​ຄຳ​ຊົມ ຫລື ຄວາມ​ນັບຖື ​ແລະ ​ໃນ​ເມື່ອ​ປາ​ແລັສຕິນບໍ່​ຕ້ອງການ​ເຈລະຈາ​ສັນຕິພາບ​ອີກ​ແລ້ວ ​ເຫດ​ໃດ​ອາ​ເມ​ລິ​ກາ​ຈຶ່ງ​ຕ້ອງ​ຈ່າຍ​ເງິນ​ລ່ວງ​ໜ້າ​ຈຳນວນ​ມະຫາສານ​ໃຫ້​ອີກ. ​ເຖິງ​ຢ່າງ​ໃດ​ກໍ​ດີ ຍັງ​ບໍ່​ແນ່ນອນ​ວ່າ: ການ​ຂູ່​ຂອງ​ທ່ານ ທຣຳ ໝາຍ​ເຖິງ​ການ​ຕັດ​ການ​ຊ່ວຍ​ເຫລືອ​ທັງ​ໝົດ ຫລື ບໍ່ ​ໂດຍ​ໃນ​ປີ 2016 ຢູ່​ທີ່ 319 ລ້ານ​ໂດ​ລາ​ສະຫະລັດ, ອາ​ເມ​ລິ​ກາ​ໃຫ້ການ​ຊ່ວຍ​ເຫລືອ​ເລື່ອງ​ງົບປະມານ ​ແລະ ຄວາມ​ປອດ​ໄພ​ແກ່​ອົງການ​ປາ​ແລັສຕິນມາ​ດົນ ຍັງ​ບໍ່​ລວມ​ເງິນ 304 ລ້ານ​ໂດ​ລາ​ສະຫະລັດ ສະໜັບສະໜູນ​ໂຄງການ​ຂອງ​ສະຫະ​ປະຊາ​ຊາດ​ໃນ​ເຂດ​ເວສ​ແບ​ງ ​ແລະ ​ເຂດ​ກາຊາ.

ທ່ານ ທຣຳ ກ່າວ​ນັບ​ແຕ່​ເຂົ້າຮັບ​ຕຳ​ແໜ່​ງປະທານາທິບໍດີ ​ໃນ​ເດືອນ​ມັງກອນ 2017 ວ່າ: ຈະ​ເຮັດ​ໃຫ້​ເກີດ​ຂໍ້​ຕົກລົງ​ອັນ​ເປັນ​ທີ່​ສຸດ ​ເພື່ອ​ນຳ​ມາ​ເຊິ່ງສັນຕິພາບ​ໃນ​ຕາ​ເວັນ​ອອກ​ກາງ ອັນ​ເປັນ​ບັນຫາ​ຂອງ​ປະທານາທິບໍດີ​ອາ​ເມ​ລິ​ກາ​ທຸກ​ຄົນ​ນັບ​ແຕ່​ທົດ​ສະ​ວັດ​ຫລັງ​ປີ 1960 ບົດບາດ​ຂອງ​ອາ​ເມ​ລິ​ກາ​ຕິດ​ຂັດ​ເມື່ອ​ທ່ານ ທຣຳ ປະກາດ​ຮັບຮອງ​ເຢລູຊາ​ເລ​ມ​ເປັນ​ເມືອງ​ຫລວງ​ຂອງ​ອິດສະ​ລາ​ແອນ ​ໃນຕົ້ນ​ເດືອນ​ທັນວາ​ຜ່ານ​ມາ ສ້າງ​ກະ​ແສ​ປະ​ທ້ວງ ​ແລະ ປະນາມ​ຈາກ​ບັນດາ​ປະ​ເທດ. ຂະນະ​ທີ່​ປະທານາທິບໍດີ ມາ​ມຸດ ອັບ​ບັດ ຂອງ​ປາ​ແລັສຕິນ ຍົກ​ເລີກ​ກຳນົດ​ການ​ພົບ​ກັບ​ຮອງ​ປະທານາທິບໍດີ ​ໄມ ​ເພນ ຂອງ​ອາ​ເມ​ລິ​ກາ.

- WhatsApp Image 2020 05 27 at 5 - ທ່ານ ທຣຳ ຂູ່ຕັດການຊ່ວຍເຫລືອປາແລັສຕິນ
- WhatsApp Image 2020 05 27 at 5 - ທ່ານ ທຣຳ ຂູ່ຕັດການຊ່ວຍເຫລືອປາແລັສຕິນ
error: Alert: ເນື້ອຫາຂ່າວມີລິຂະສິດ !!