5 ອາການຫຶງຫວງທີ່ບໍ່ໜ້າຮັກທີ່ສຸດ

- 050301 2018 - 5 ອາການຫຶງຫວງທີ່ບໍ່ໜ້າຮັກທີ່ສຸດ
- Untitled design - 5 ອາການຫຶງຫວງທີ່ບໍ່ໜ້າຮັກທີ່ສຸດ

ຖ້າການຫຶງຫວງຢ່າງມີເຫດຜົນກໍຍັງພໍທົນໄດ້, ແຕ່ຖ້າຫຶງຫວງເຖິງຂັ້ນຈະເປັນບ້າ ຕ້ອງລະວັງໂຕແລ້ວ. ມາເບິ່ງກັນດີກ່ວາ ວ່າອາການຫຶງຫວງຈົນເກີນພໍດີມີຫຍັງແດ່ ?

  1. ໂທລະສັບມາຖາມຕອນກາງເດິກ : ຖ້າໂທລະສັບມາເຈາະແຈະແບບຫວານໆກໍບໍ່ເປັນຫຍັງ, ແຕ່ຖ້າໂທລະສັບມາເພື່ອເບິ່ງວ່າເຮົາຢູ່ເຮືອນຫລືບໍ່ກໍເປັນອີກເລື່ອງໜຶ່ງ ເຊິ່ງຖ້າພົບບັນຫານີ້ເລື້ອຍໆກໍຄົງບໍ່ມີໃຜທົນໄດ້ດົນ.
  2. ຢາກຮູ້ຢາກເຫັນ : ຕອນທຳອິດກໍເບິ່ງຄືຈະຫລົງຮັກເຮົາຫົວປັກຫົວປຳຈຶ່ງຢາກຮູ້ເລື່ອງຂອງເຮົາ,​ ແຕ່ແລ້ວກໍເລີ່ມຊັກຖາມ ເລື່ອງຜູ້ບ່າວເກົ່າໆ ຫລື ຜູ້ສາວເກົ່າໆຂອງເຮົາ ແລະ ເລີ່ມໝົກໝຸ້ນກັບມັນ ຖ້າເຮົາຮູ້ສຶກອຶດອັດໝຸດໝັດ ນັ້ນກໍເປັນອີກສັນຍານໜຶ່ງທີ່ບອກວ່າເປັນການຫຶງຫວງທີ່ບໍ່ໜ້າຮັກແລ້ວ.
  3. ຕັ້ງໂຕເປັນສັດຕູກັບແຟນເກົ່າ : ເລີກກັນແລ້ວກໍແມ່ນຈົບ, ແຕ່ຄົນຂີ້ຫຶງຫວງຍ່ອມບໍ່ຍອມຈົບ, ເຂົາຈະໝຸດໝັດຫາກເຮົາຍັງຕິດຕໍ່ ຫລື ລົມກັບຄົນເກົ່າໆ, ໃນບາງຄົນທີ່ເປັນໜັກອາດພານໄປເຖິງເລື່ອງພີ່ນ້ອງ, ໝູ່ເພື່ອນ ຫລື ແມ່ນແຕ່ໝາແມວຂອງເຮົາ ເພາະຢ້ານຖືກແບ່ງປັນຄວາມຮັກ.
  4. ຄົ້ນວັດຖຸສິ່ງຂອງໆເຮົາ : ພຶດຕິກຳແບບນີ້ຄົນເຮັດກັນຫລາຍເວລາຮູ້ສຶກບໍ່ໝັ້ນຄົງ ຫລື ສົງໄສວ່າກຳລັງຖືກສວມເຂົາ ເຊິ່ງອາການຫຶງຫວງແບບນີ້ບໍ່ໜ້າຮັກແນ່ນອນ.
  5. ຂູ່ຈະຂ້າໂຕຕາຍ : ຄົນຂີ້ຫຶງຫວງຈະຂູ່່ສາລະພັດ, ດີບໍ່ດີອາດເຖິງຂັ້ນຂູ່ຂ້າໂຕຕາຍຫາກເຮົາເລີກລາ, ຢ່າເບິ່ງຂ້າມການຂົ່ມຂູ່ນັ້ນ ເພາະມັນເປັນເລື່ອງບໍ່ຍຸດຕິທຳເປັນຜະເດັດການແທ້ໆ ຖ້າຫາກອາການໜັກຫລາຍຄວນພາໄປຫາທ່ານໝໍ ເກືອບທຸກຄົນທີ່ມີໄລຍະອ່ອນແອ ແລະ ແອບນຳເບິ່ງພຶດຕິກຳຂອງຄົນຮັກເປັນບາງເວລາ, ແຕ່ສຳລັບຄົນຂີ້ຫຶງຫວງແລ້ວຈະຈອບສືບສວນຢູ່ເລື້ອຍໆ ເຊັ່ນ : ຄົ້ນກະເປົ໋າເຮົາທຸກແຈໂດຍບໍ່ພົບຫຍັງ ຫາກເກີດເລື່ອງແບບນີ້ຂຶ້ນມາຄວນກຽມຮັບມືໄດ້ເລີຍ.
- Wave100S AD to Website 2020 0 - 5 ອາການຫຶງຫວງທີ່ບໍ່ໜ້າຮັກທີ່ສຸດ
- WhatsApp Image 2020 05 27 at 5 - 5 ອາການຫຶງຫວງທີ່ບໍ່ໜ້າຮັກທີ່ສຸດ
- WhatsApp Image 2020 05 27 at 5 - 5 ອາການຫຶງຫວງທີ່ບໍ່ໜ້າຮັກທີ່ສຸດ
error: Alert: ເນື້ອຫາຂ່າວມີລິຂະສິດ !!