ອາຫານເສີມພັດທະນາການລູກດີທີ່ສຸດ

- 010301 2018 - ອາຫານເສີມພັດທະນາການລູກດີທີ່ສຸດ
- Untitled design - ອາຫານເສີມພັດທະນາການລູກດີທີ່ສຸດ

ເດັກນ້ອຍໃນໄວຈະເລີນເຕີບໃຫຍ່ ນອກຈາກພໍ່ແມ່ຈະຕ້ອງໃຫ້ຄວາມສຳຄັນໃນການເສີມສ້າງພັດທະນາການທັງດ້ານຮ່າງກາຍ, ອາລົມ, ສັງຄົມ, ສະຕິປັນຍາແລ້ວ ເລື່ອງອາຫານກໍເປັນສິ່ງສຳຄັນທີ່ບໍ່ຄວນເບິ່ງຂ້າມ ເພາະເປັນພື້ນຖານຂອງພັດທະນາການຫລາຍໆດ້ານ. ດັ່ງນັ້ນ, ເພື່ອໃຫ້ເດັກນ້ອຍໄດ້ຮັບສານອາຫານທີ່ມີປະໂຫຍດ ແລະ ຫລາກຫລາຍ ພໍ່ແມ່ຄວນຝຶກໃຫ້ກິນອາຫານທີ່ພວກເຂົາບໍ່ລຶ້ງເຄີຍນຳ ຈຶ່ງມີວັດຖຸດິບທີ່ຄວນຕື່ມລົງໃນອາຫານ ເຊິ່ງຜົນວິໄຈໃນຕ່າງປະເທດລະບຸວ່າ 5 ອາຫານຕໍ່ໄປນີ້ເປັນທີ່ສຸດຂອງອາຫານທີ່ເໝາະສົມສຳລັບເດັກນ້ອຍ.

  1. ເຕົ້າຫູ້ : ອາຫານຈາກຖົ່ວເຫລືອງ ເຊິ່ງເປັນແຫ່ລງຂອງໂປຣຕິນມີປະໂຫຍດຕໍ່ການປ້ອງກັນພະຍາດມະເຮັງ ອາດຈະຊອຍ ເປັນຕ່ອນສີ່ຫລ່ຽມນ້ອຍໆຂົ່ວໃສ່ກັບຜັກ ຫລື ໃສ່ໃນແກງໃຫ້ເດັກນ້ອຍກິນ.
  2. ໝາກເລັ່ນໃຫຍ່ : ຊ່ວຍຕ້ານອະນຸມູນອິດສະລະ, ຫລຸດຄວາມສ່ຽງຂອງພະຍາດມະເຮັງ, ພະຍາດຫົວໃຈ, ບຳລຸງສາຍຕາ, ດີຕໍ່ສຸຂະພາບຜິວ ທັງຍັງຊ່ວຍພັດທະນາຄວາມສາມາດຂອງຮ່າງກາຍໃນການຕໍ່ສູ້ກັບພະຍາດຫອບຫືດໄດ້ນຳ. ສຳລັບເດັກນ້ອຍທີ່ບໍ່ມັກກິ່ນ ແລະ ລົດຊາດຂອງໝາກເລັ່ນ ອາດເລີ່ມແປຮູບໃຫ້ລອງກິນແບບງ່າຍໆກ່ອນ ເຊັ່ນ : ເຮັດພາສຕ້າໂດຍຊ໊ອດໝາກເລັ່ນ ຫລື ໃຊ້ຊ໊ອດໝາກເອັ່ນເປັນແຈ່ວຈຳ້.
  3. ຜັກກະລໍ່າ, ຜັກກະລໍ່າດອກ ແລະ ຜັກກາດນາ : ມີໄຟໂຕນິວທຣຽນ ຫລຸດຄວາມສ່ຽງສຳລັບພະຍາດມະເຮັງຫລາຍຊະນິດ ທັງຊ່ວຍໃຫ້ລະບົບຍ່ອຍອາຫານເຮັດວຽກໄດ້ດີ ຈະແກງໃສ່ໝີ່ ຫລື ເຮັດແກງຜັກໃສ່ໝູໃຫ້ລູກກິນກໍໄດ້.
  4. ປາແຊວມັອນ : ມີໂອເມກ້າ 3 ບຳລຸງສະໝອງ, ຫົວໃຈ, ສາຍຕາ, ມີໂປຣຕິນຫອາຍ ລວມເຖິງແຮ່ທາດຊີລີນຽມ, ວິຕາມິນອາ, ວິຕາມິນເດ, ວິຕາມິນເບ 6 ທີ່ມີຄວາມຈຳເປັນຕໍ່ຮ່າງກາຍ ອາດໃສ່ຊີ້ນປາໃນເບີເກີ້ ຫລື ເຮັດເປັນຊາຊິມິ (ປາດິບ), ເຂົ້າປັ້ນໜ້າປາແຊວມັອນສົດ (ຊູຊິ), ຍຳສະຫລັດໃສ່ປາແຊວມັອນ, ສະເຕັກປາແຊວມັອນ ຫລື ໃສ່ຊີ້ນປາແຊວມັອນໃນແຊນວິດ.
  5. ຖົ່ວດຳ : ເປັນແຫ່ລງຂອງໂປຣຕິນ ລວມທັງເສັ້ນໄຍ ແລະ ທາດການຊຽມ ຊ່ວຍປ້ອງກັນພະຍາດຫົວໃຈ ແລະ ຄໍເລສເຕີໂຣນ ສາມາດເອົາມາເຮັດເປັນອາຫານຄາວ, ເປັນແກງຖົ່ວດຳ, ຂົ້ວໄກ່ໃສ່ຖົ່ວດຳ ຫລື ໃນອາຫານຫວານ ເຊັ່ນ : ຊານົມໃສ່ຖົ່ວດຳ, ເຂົ້າໜົມໄສ້ຖົ່ວດຳ, ຖົ່ວດຳປັ່ນເຢັນ, ເຂົ້າໜຽວຖົ່ວດຳ ຫລື ນຳ້ຫວານຖົ່ວດຳກໍດີ.
- Wave100S AD to Website 2020 0 - ອາຫານເສີມພັດທະນາການລູກດີທີ່ສຸດ
- WhatsApp Image 2020 05 27 at 5 - ອາຫານເສີມພັດທະນາການລູກດີທີ່ສຸດ
- WhatsApp Image 2020 05 27 at 5 - ອາຫານເສີມພັດທະນາການລູກດີທີ່ສຸດ
error: Alert: ເນື້ອຫາຂ່າວມີລິຂະສິດ !!