20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ

- 26539981 1894430944031751 917644545 o - 20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ
- Untitled design - 20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ

ສຳມະນາກອນຈາກ 20 ສະຫະພັນກິລາແຫ່ງຊາດ ໄດ້ຮັບໃບຢັ້ງຢືນດ້ານວິທະຍາສາດການກິລາພາຍຫລັງສຳເລັດການຍົກລະດັບຄວາມຮູ້ຄວາມສາມາດມາ​ເປັນ​ເວລາ 5 ວັນ ກ່ອນຈະນຳເອົາບົດຮຽນທີ່ໄດ້ຮຽນມາໄປຖ່າຍທອດຕໍ່ໃຫ້ນັກກິລາລາວໄດ້ມີຄວາມຮູ້ຄວາມສາມາດ, ພິບໄຫວ ແລະ ເຕັກ​ນິກອື່ນໆ ເຂົ້າຮ່ວມຍາດເອົາຜົນງານໃນການແຂ່ງຂັນກິລາລາຍການລະດັບນາໆຊາດ​ໃນ​ລະດັບ​ພາກ​ພື້ນ ​ແລະ ສາກົນ, ພິທີມອບ-ຮັບໃບຢັ້ງຢືນດັ່ງກ່າວໄດ້ຈັດຂຶ້ນເມື່ອວັນທີ 29 ທັນວາຜ່ານມາ ທີ່ສູນເຝິກກິລາແຫ່ງຊາດ ບ້ານສີເກີດ ເມືອງນາຊາຍທອງ ນະຄອນຫລວງວຽງຈັນ ໂດຍໃຫ້ກຽດເຂົ້າຮ່ວມ ແລະ ມອບຂອງທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ.

ທ່ານ ວັນໄຊ ອຸດົມຜົນ ຮອງຫົວໜ້າສູນຝຶກກິລາແຫ່ງຊາດລາວ ລາຍງານໃຫ້ຮູ້ວ່າ: ສໍາລັບການເຝິກອົບຮົມໃນຄັ້ງນີ້ມີ 3 ຫົວຂໍ້ໃຫຍ່ຄື: ການຝຶກສະມັດຖະພາບຮ່າງກາຍນັກກິລາ ໂດຍເອົາຫລັກການດ້ານວິທະຍາສາດການກິລາມານຳໃຊ້, ການກະກຽມຄວາມພ້ອມນັກກິລາ ແລະ ປັດໄຈອົງປະກອບສຳຄັນເພື່ອຄວາມເປັນເລີດ ແລະ ຫລັກການປະຕິບັດໃນການເຝິກຍົກນໍ້າໜັກ, ເຕັກນິກພື້ນຖານ ແລະ ການຈັດລຳດັບຂອງການເຝິກ ໂດຍມີທັງພາກທິດສະດີ ແລະ ການປະຕິບັດຕົວຈິງຄຽງຄູ່ກັນໄປ ລະຫວ່າງວັນທີ 25-29 ທັນວາ 2017 ມີສຳມະນາກອນ ຈຳນວນ 25 ຄົນ ທີ່ມາຈາກ 20 ສະຫະພັນກິລາແຫ່ງຊາດ ປະກອບມີ ແລ່ນ-ລານ, ລອຍນໍ້າ, ວູຊູ, ປັນຈັກສີລັດ, ເທຄວັນໂດ, ກາຣາເຕໂດ, ມວຍປໍ້າ, ຢູໂດ, ມວຍລາວ, ມວຍສາກົນ, ກະຕໍ້, ລົດຖີບ, ຍິງທະນູ, ຍິງປືນ, ເຕັນນິດ, ປິ່ງປ່ອງ, ເຕະບານ, ຣັກບີ້, ບານສົ່ງ ແລະ ດອກປີກໄກ່ ເຊິ່ງໃນໄລຍະເວລາ 5 ວັນດັ່ງກ່າວ ສຳມະນາກອນສາມາດຍາດແຍ່ງເອົາຄວາມຮູ້ຄວາມສາມາດນຳວິທະຍາກອນຜູ້ຊ່ຽວຊານຈາກປະເທດໄທໄດ້ຫລາຍດ້ານ ເປັນຕົ້ນການຮຽນຮູ້ອົງປະກອບຂອງສະມັດຖະພາບຮ່າງກາຍນັກກິລາ, ການສ້າງຄວາມແຂງແຮງຂອງກ້າມຊີ້ນ, ຫລັກການຝຶກຍົກນໍ້າໜັກ, ການຈັດລຳດັບທ່າໃນການຝຶກດ້ວຍນໍ້າໜັກ, ການຈັດທ່າການເຄື່ອນໄຫວ, ຊະນິດ ແລະ ການ​ເຮັດ​ວຽກຂອງກ້າມຊີ້ນ, ລະບົບພະລັງງານໃນການເຄື່ອນໄຫວຂອງຮ່າງກາຍ, ຄວາມແຂງແຮງ, ການວິເຄະ ແລະ ວາງແຜນການຝຶກ, ການຝຶກກ້າມຊີ້ນສະເພາະນັກກິລາ, ການກຳນົດນ້ຳໜັກ ແລະ ຄວາມອ່ອນເພຍໃນການຝຶກຊ້ອມຂອງນັກກິລາ.

- Wave100S AD to Website 2020 0 - 20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ
- WhatsApp Image 2020 05 27 at 5 - 20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ
- WhatsApp Image 2020 05 27 at 5 - 20 ສະຫະພັນກິລາແຫ່ງຊາດລາວ ຮັບໃບຢັ້ງຢືນດ້ານວິທະຍາສາດການກິລາ
error: Alert: ເນື້ອຫາຂ່າວມີລິຂະສິດ !!