ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້

- 23601935 1598585700202641 856821088 n - ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້
- Untitled design - ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້

ສະຫະພັນ​ປິ່ງປ໋ອງ​ແຫ່ງ​ຊາດ​ລາວ ກຽມ​ຈັດການ​ແຂ່ງຂັນ​ປິ່ງປ໋ອງ​ຊີງ​ຂັນ​ລັດຖະມົນຕີ ກະຊວງ​ສຶກສາທິການ ​ແລະ ກິລາ (ສສກ) ຂຶ້ນ​ໃນ​ທ້າຍ​ເດືອນມັງກອນນີ້ ​ເພື່ອ​ຝຶກ​ຊ້ອມ ​ແລະ ຄັດ​ເລືອກ​ນັກ​ກິລາ ບັນຈຸ​ເຂົ້າ​​ທີ​ມຊາດ​ລາວ ​ໂດຍ​ຈະ​ມີ​ການ​ແຂ່ງຂັນ 4 ຮຸ່ນ​ຄື: ຮຸ່ນ​ອາຍຸ 13 ປີ, 18 ປີ, ທົ່ວ​ໄປ ​ແລະ ຮຸ່ນ​ອາວຸ​ໂສ​ຍິງ+ຊາຍ.

ທ່ານນາງ ດາລາ​ວອນ ມະນີ​ຈັນ ​ເລຂາສະຫະພັນ​ປິ່ງ​ປ໋ອງ​ແຫ່ງ​ຊາດ​ລາວ ​ໄດ້​ໃຫ້​ສໍາພາດ​ວ່າ: ພາຍຫລັງ​ສໍາ​ເລັດ​ການ​​​ເຂົ້າ​ຮ່ວມ​ແຂ່ງຂັນ​ທີ່ ສປ ຈີນ​ ທ້າຍ​ເດືອ​ນທັນວາ 2017 ​ແລ້ວ ທາງ​ຄະນະ​ສະຫະພັນ​ຂອງ​ພວກ​ເຮົາ​ຈຶ່ງ​ໄດ້​ປຶກສາຫາລື ​ແລະ ນໍາ​ເອົາ​ບົດຮຽນ​ມາ​ຖອດ​ຖອນ​ໃຫ້​ບັນດາ​ນັກ​ກິລາ​ທີ່​ບໍ່​ໄດ້​ເຂົ້າ​ຮ່ວມ​ການ​​ແຂ່ງຂັນ​ດັ່ງກ່າວ. ສະນັ້ນ, ທາງ​ຄະນະ​ສະຫະພັນ​ຂອງ​ພວກ​ເຮົາ​ຈຶ່ງ​ໄດ້​ຕົກລົງ​ກັນຈັດການ​ແຂ່ງຂັນ​ຊີງ​ຂັນ​ທ່ານ​ລັດຖະມົນຕີກະຊວງ ສສກ ຂຶ້ນໃນ​ລະຫວ່າງ​ວັນ​ທີ 26-28 ມັງກອນ​​ນີ້ ທີ່​ສະ​ໂມ​ສອນ​ລ້ານ​ຊ້າງ​ໃນ​ຮົ່ມ ບ້ານ​ໂພນ​ປາ​ເປົ້າ ​ເມືອງສີ​ສັດຕະ​ນາກ ນະຄອນຫລວງ​ວຽງ​ຈັນ ​ເພື່ອ​ເປັນ​ການ​ຄັດ​ເລືອ​ກ​ເອົາ​ນັກກິລາບັນຈຸ​​ເຂົ້າ​ທີ​ມຊາດ ພ້ອມ​ທັງ​ຝຶກ​ຊ້ອມ​ນັກ​ກິລາ​ທີ່​​ເປັນ​ເປົ້າ​ໝາຍ​ເຂົ້າ​ຮ່ວມ​ການ​ແຂ່ງຂັນ​ລະດັບ​ພາກ​ພື້ນ ​ແລະ ສາກົນ. ສໍາລັບ​ການ​ແຂ່ງຂັນ​ຄັ້ງ​ນີ້​ພວກ​ເຮົາ​ໄດ້​ແຈ້ງ​ເຊີນ​ໃຫ້​ບັນດາ​ສະ​ໂມ​ສອນ​ທົ່ວ​ປະ​ເທດ​​ເຂົ້າຮ່ວມ ໂດຍ​ຄາດ​ວ່າ​ຈະ​ມີ​ນັກ​ກິລາ​ເຂົ້າ​ຮ່ວມ​ຈໍານວນ​ຫລວງຫລາຍ ​ເຊິ່ງມາ​ຈາກ 5 ​ແຂວງ ​ແລະ 10 ສະ​ໂມ​ສອນ​ທົ່ວປະ​ເທດ,  ການ​ແຂ່ງຂັນ​ຈະ​ມີ​ທັງ​ໝົດ 4 ຮຸ່ນ​ຄື: ຮຸ່ນ​ອາຍຸ 13 ປີ, 18 ປີ, ທົ່ວ​ໄປ ​ແລະ ຮຸ່ນ​ອາວຸ​ໂສ​ຍິງ+​ຊາຍ; ສ່ວນ​ຮູບ​​ແບບ​ການ​ແຂ່ງຂັນ​ແມ່ນ​ລະ​ບົບ​ແບ່ງ​ສາຍ​ຕີ​ໝູນວຽນ​ໂດຍ​ນໍາ​ໃຊ້​ລະບົບ ABC ຊະນະ 3 ​ໃນ 5 ​ເກ​ມ.

ສໍາລັບ​ລາງວັນ ອັນ​ດັບ​ທີ 1 ຮຸ່ນ​ອາຍຸ 13 ປີ ຈະ​ໄດ້​ຂັນ​ລາງວັນ​ ພ້ອມ​ດ້ວຍ​ເງິ​ນສົດ 2.000.000 ກີບ, ອັນ​ດັບ​ທີ 2 ​ຈະ​ໄດ້​ຮັບ​ເງິນສົດ 1.500.000 ກີບ, ອັນ​ດັບ​ທີ 3 ຈະ​ໄດ້​ຮັບ​ເງິ​ນສົດ 1.200.000 ກີບ; ຂະນະ​ທີ່​ຮຸ່ນ​ອາຍຸ 18 ປີ ​ແລະ ຮຸ່ນ​ທົ່ວ​ໄປ​ໄດ້​ເທົ່າ​ກັນ​ຄື ອັນ​ດັບ​ທີ 1 ຈະ​ໄດ້​ຮັບ​ຂັນ​ລາງວັນ ​ພ້ອມ​ເງິນສົດ 1.500.000 ກີບ, ອັນ​ດັບ​ທີ 2 ຈະ​ໄດ້​ຮັບ​ເງິນສົດ 1.200.000 ກີບ, ອັນ​ດັບ​ທີ 3 ຈະ​ໄດ້​ຮັບ​ເງິນສົດ 900.000 ກີບ, ຮຸ່ນ​ອາວຸ​ໂສ ອັນ​ດັບ​ທີ 1 ຈະ​ໄດ້​ຮັບ​ຂັນ​ລາງວັນ ​ພ້ອມ​ເງິນສົດ 1.200.000 ກີບ, ອັນ​ດັບ​ທີ 2 ຈະ​ໄດ້​ຮັບ​ເງິ​ນສົດ 1.000.000 ກີ​ບ, ອັນ​ດັບ​ທີ 3 ຈະ​ໄດ້​ຮັບ​ເງິນສົດ 800.000 ກີບ.

- Wave100S AD to Website 2020 0 - ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້
- WhatsApp Image 2020 05 27 at 5 - ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້
- WhatsApp Image 2020 05 27 at 5 - ກຽມຈັດແຂ່ງຂັນປີ່ງປ໋ອງຊີງຂັນ ລັດຖະມົນຕີ ກະຊວງ ສສກ ທ້າຍເດືອນນີ້
error: Alert: ເນື້ອຫາຂ່າວມີລິຂະສິດ !!