ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້

- 26169803 10155101670794149 6897423644750156736 n - ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້
- Untitled design - ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້

ທ່ານຜູ້ປະສານງານໂຄງການກໍ່ສ້າງເສັ້ນທາງດ່ວນແຕ່ນະຄອນຫລວງວຽງຈັນ-ບໍ່ເຕັນ ແຂວງຫລວງນໍ້າທາ ຊາຍແດນ ສປ ຈີນ ໃຫ້ຮູ້ວ່າ:  ໂຄງການທາງດ່ວນດັ່ງກ່າວຈະຜ່ານ 5 ແຂວງຄື: ນະຄອນຫລວງວຽງຈັນ, ແຂວງວຽງຈັນ, ຫລວງພະບາງ, ອຸດົມໄຊ ແລະ ຫລວງນໍ້າທາ. ສະເພາະການກໍ່ສ້າງໃນໄລຍະທີ 1 ແຕ່ນະຄອນຫລວງວຽງຈັນ-ເມືອງວັງວຽງ ທີ່ມີຄວາມຍາວ 113,5 ກິໂລແມັດ, ຈະເລີ່ມກໍ່ສ້າງໃນປີ 2018 ນີ້ ເປັນທາງກວ້າງ 23 ແມັດ, ມີ 4 ຊ່ອງຈະລາຈອນ ແລະ ຄາດວ່າຈະມີມູນຄ່າການກໍ່ສ້າງຫລາຍກວ່າ 1,3 ຕື້ໂດລາສະຫະລັດ, ເຊິ່ງຈະເລີ່ມຕົ້ນແຕ່ບ້ານສີເກີດເມືອງນາຊາຍທອງ ນະຄອນຫລວງວຽງຈັນ ເປັນແລວທາງຄູ່ຂະໜານກັບທາງເລກ 13 ເໜືອ ແລະ ໂຄງການກໍ່ສ້າງເສັ້ນທາງລົດໄຟລາວ-ຈີນ, ໂດຍຈະຕັດຜ່ານຫລາຍພື້ນທີ່ໃນເຂດບ້ານນາຊອນ, ບ້ານບົວ, ສະກ້າ, ໂພນໂຮງ, ໜອງໄຄ້ ແລະ ລອດພູພະອອກສູ່ຫີນເຫີບ, ວັງຄີ, ທ່າເຮືອ ແລະ ໄປສຸດຢູ່ເບື້ອງຕາເວັນອອກຂອງເມືອງວັງວຽງ, ເພື່ອຈະກໍ່ສ້າງເຊື່ອມຕໍ່ໄປສູ່ແຂວງຫລວງພະບາງ, ອຸດົມໄຊ ແລະ ຫລວງນໍ້າທາເປັນໄລຍະທີຕໍ່ໄປ, ໂດຍແມ່ນກຸ່ມບໍລິສັດກໍ່ສ້າງແຂວງຢຸນນານ ສປຈີນ ເປັນຜູ້ລົງທຶນໃນຮູບແບບ (BOT), ຊຶ່ງຄາດວ່າຈະໃຫ້ສໍາເລັດໃນປີ 2020.

ຜູ້ປະສານງານໂຄງການດັ່ງກ່າວ ໃຫ້ຮູ້ວ່າ: ໂຄງການສໍາຄັນນີ້, ຈະຊ່ວຍຍົກລະດັບຕາໜ່າງການຄົມມະນາຄົມຂົນສົ່ງຂອງປະເທດເຮົາມີຄວາມສະດວກ ແລະ ມີຄຸນນະພາບດີຂຶ້ນ, ທັງສາມາດເຊື່ອມຈອດກັບບັນດາປະເທດໃນພາກພື້ນໄດ້ເປັນຢ່າງດີ.

- Wave100S AD to Website 2020 0 - ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້
- WhatsApp Image 2020 05 27 at 5 - ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້
- WhatsApp Image 2020 05 27 at 5 - ທາງດ່ວນວຽງຈັນ-ວັງວຽງຈະເລີ່ມລົງມືກໍ່ສ້າງໃນປີນີ້
error: Alert: ເນື້ອຫາຂ່າວມີລິຂະສິດ !!