ວິທີການສ້າງລະບຽບວິໄນໃຫ້ລູກ

-                                                                                                  - ວິທີການສ້າງລະບຽບວິໄນໃຫ້ລູກ
- Untitled design - ວິທີການສ້າງລະບຽບວິໄນໃຫ້ລູກ

 

  1. ບອກເຕືອນເຂົາດ້ວຍຄໍາເວົ້າ: ຄໍາເວົ້າຖືເປັນເຄື່ອງເຕືອນໃຈທໍາອິດທີ່ສາມາດບອກເຂົາໄດ້ຢ່າງງ່າຍດາຍທີ່ສຸດ ແຕ່ຈະຕ້ອງໃຊ້ຄໍາເວົ້າທີ່ອ່ອນໂຍນ, ໃຈເຢັນ, ບໍ່ດ່າເຂົາແບບແຮງໆ ເຂົາກໍຈະເກີດຄວາມອ່ອນນ້ອມ ແລະ ເຊື່ອຟັງ.
  2. ເປັນແບບຢ່າງທີ່ດີໃຫ້ກັບລູກ: ເພາະພໍ່ແມ່ຄືຄູຄົນທໍາອິດ ໝາຍເຖິງການກະທໍາຂອງພໍ່ແມ່ເປັນຕົວຢ່າງທີ່ດີທີ່ສຸດຂອງລູກ ເພາະສະນັ້ນ ເຮົາຈຶ່ງຕ້ອງປະພຶດໃຫ້ດີເປັນແບບຢ່າງທີ່ດີໃຫ້ກັບລູກ ຕ້ອງໃສ່ໃຈກັບລະບຽບວິໄນຂອງຕົວເອງເຊັ່ນ: ເກັບມ້ຽນເຄື່ອງເປັນບ່ອນເປັນທີ່, ເປີດ-ປິດໄຟ ຫຼື ໂທລະພາບເປັນເວລາ ເພື່ອໃຫ້ລູກເຫັນແບບຢ່າງທີ່ດີ ແລະ ປະຕິບັດຕາມໄດ້ຢ່າງງ່າຍດາຍ.
  3. ການຕໍານິ: ພໍ່ແມ່ຄວນຕໍານິແຕ່ພຶດຕິກໍາທີ່ບໍ່ຖືກຕ້ອງ ແລະ ເປັນການຕໍານິຢ່າງມີເຫດຜົນ ບໍ່ດຶງເລື່ອງອື່ນມາກ່ຽວຂ້ອງ ຫຼື ເໝົາລວມວ່າລູກເປັນຄົນບໍ່ດີ.
  4. ບໍ່ຄວນຂູ່ລູກໃຫ້ຢ້ານ: ຫາກພໍ່ແມ່ໃຊ້ການຂູ່ເປັນປະຈໍາເຮັດໃຫ້ເດັກມີທັດສະນະຄະຕິໃນແງ່ລົບກັບພໍ່ແມ່ຫຼາຍຂຶ້ນ ຄວນໃຫ້ຄວາມສໍາຄັນກັບການສອນລະບຽບວິໄນລູກຢ່າງຄ່ອຍໆເປັນໄປສະໝໍ່າສະເໝີດີກວ່າ ບໍ່ຄວນຂູ່ດ້ວຍຄໍາເວົ້າທີ່ຮ້າຍແຮງ ເພື່ອໃຫ້ເຂົາຮູ້ສຶກຢ້ານກົວ ເພາະມັນຈະກາຍເປົນປົມດ້ອຍທີ່ເຊື່ອງຢູ່ໃນໃຈເຂົາເລິກໆ.
  5. ເສີມສຸຂະພາບຈິດທາງບວກໃຫ້ກັບລູກ: ອາດຈະຫາສິ່ງທີ່ເປັນແຮງຈູງໃຈໃຫ້ກັບລູກເຊັ່ນ: ໃຫ້ສິ່ງຂອງຕອບແທນຫາກປະຕິບັດຕາມກົດລະບຽບໄດ້ຄົບອາທິດ ຫຼື ຄົບເດືອນ ອາດຈະພາໄປທ່ຽວສະຖານທີ່ທີ່ລູກຢາກໄປ ຫຼື ຊື້ຂອງຫຼິ້ນໃຫ້ເປັນລາງວັນ.
  6. ສອນເຕັກນິກການຈັດການຕົວເອງໃຫ້ກັບລູກ: ກໍຄືເມື່ອລູກຮູ້ສຶກຄຽດ ກໍໃຫ້ຢູ່ຄົນດຽວງຽບໆ ສະຫງົບສະຕິອາລົມ ເພື່ອໃຫ້ໃຈເຢັນເອງ ຫຼື ຊອກເພງໃຫ້ຟັງ, ເບິ່ງໂທລພາບ ເພື່ອຜ່ອນຄາຍອາລົມເຫຼົ່ານັ້ນໃຫ້ດີຂຶ້ນ ເມື່ອພໍ່ແມ່ຝຶກລູກໄດ້ແບບນີ້ກໍຈະເຮັດໃຫ້ລູກເຕີບໂຕມາພ້ອມກັບວິທີບໍລິຫານຈັດການອາລົມໄດ້ເປັນຢ່າງດີ ແລະ ເຮັດໃຫ້ລູກຢູ່ຮ່ວມສັງຄົມກັບຜູ້ອື່ນໄດ້ຢ່າງບໍ່ມີບັນຫາອີກດ້ວຍ.

 

 

 

 

- Wave100S AD to Website 2020 0 - ວິທີການສ້າງລະບຽບວິໄນໃຫ້ລູກ

 

 

- WhatsApp Image 2020 05 27 at 5 - ວິທີການສ້າງລະບຽບວິໄນໃຫ້ລູກ
- WhatsApp Image 2020 05 27 at 5 - ວິທີການສ້າງລະບຽບວິໄນໃຫ້ລູກ
error: Alert: ເນື້ອຫາຂ່າວມີລິຂະສິດ !!