ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ

- pw - ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ
- Untitled design - ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ

ໃນວັນທີ 15 ທັນວາຜ່ານມາບໍລິສັດເທີນຫີນບູນພາວເວີຈໍາກັດ (THPC) ໄດ້ມອບເຮືອຈັກ 141 ລໍາ ແລະ ລົດໄຖນາເດີນຕາມຈໍານວນ 8 ຄັນ ລວມມີມູນຄ່າ 2,5 ລ້ານບາດ (ສະກຸນເງິນໄທ) ໃຫ້ແກ່ປະຊາຊົນບ້ານແກ້ວແສນຄໍາແຂວງບໍລິຄໍາໄຊ ເພື່ອອໍານວຍຄວາມສະດວກໃຫ້ເຂົາເຈົ້າໄດ້ນໍາໃຊ້ເຂົ້າໃນການກະກຽມດິນເພື່ອຜະລິດກະສິກໍາ.

ບ້ານແກ້ວແສນຄໍາ, ຕັ້ງຢູ່ໃກ້ກັບອ່າງໂຕ່ງນໍ້າຍວງ, ເຊິ່ງເປັນເຂດເນີນສູງ, ປະຊາຊົນໄດ້ນໍາໃຊ້ດິນລຽບຕີນພູ ແລະ ຕາມເນີນພູເປັນບ່ອນຜະລິດກະສິກໍາ ເຊັ່ນ: ການປູກເຂົ້າ, ສາລີ ແລະ ພືດຜັກອື່ນໆ, ແຕ່ເຫັນວ່າການກະກຽມດິນເພື່ອການຜະລິດກະສິກໍາ ແລະ ການໄປມາຜ່ານແມ່ນໍ້າດັ່ງກ່າວແມ່ນມີຄວາມຫຍຸ້ງຍາກລໍາບາກຫລາຍ, ດັ່ງນັ້ນ THPC ຈຶ່ງໄດ້ສະໜອງອຸປະກອນດັ່ງກ່າວ ເພື່ອໃຫ້ແທດເໝາະກັບສະພາບຄວາມເປັນຈິງ.

ຫົວໜ້າຂະແໜງພັດທະນາຊຸມຊົນຂອງບໍລິສັດ ໃຫ້ຮູ້ອີກວ່າ: ບ້ານຍົກຍ້າຍຈັດສັນອື່ນໆ ແມ່ນບໍລິສັດໄດ້ສ້າງເສັ້ນທາງເພື່ອຮັບປະກັນໃຫ້ເຂົາເຈົ້າໄດ້ເຂົ້າເຖິງດິນກະສິກໍາ ແລະ ດິນນາໄດ້ສະດວກ, ເຖິງຢ່າງໃດກໍຕາມ, ບ້ານແກ້ວແສນຄໍາ ເປັນບ້ານທີ່ອ້ອມຮອບດ້ວຍພູ ເຮັດໃຫ້ຖະໜົນຫົນທາງເຂົ້າເຖິງມີຄວາມຫຍຸ້ງຍາກລໍາບາກຈຶ່ງໄດ້ໃຫ້ການຊ່ວຍເຫລືອດັ່ງກ່າວ.

THPC ໄດ້ສ້າງຕັ້ງບ້ານແກ້ວຄໍາແສນໃນປີ 2010-2011 ເພື່ອໃຫ້ປະຊາຊົນຈາກ 4 ບ້ານທີ່ຢູ່ລຽບຕາມລ່ອງແມ່ນໍ້າຍວງທີ່ໄດ້ຮັບຜົນກະທົບຈາກໂຄງການພາກຂະຫຍາຍ, ຕາມແຜນການເບື້ອງຕົ້ນແລ້ວປະຊາຊົນດັ່ງກ່າວຄາດວ່າຈະໄດ້ຍົກຍ້າຍໄປຢູ່ບ້ານທີ່ຂຶ້ນກັບເມືອງຄໍາເກີດ, ແຕ່ລັດຖະບານໄດ້ຮຽກຮ້ອງໃຫ້ THPC ສ້າງຕັ້ງບ້ານແກ້ວແສນຄໍາຂຶ້ນ ເພື່ອເປັນການເພີ່ມປະຊາກອນໃຫ້ແກ່ການສ້າງຕັ້ງເມືອງໃໝ່ໄຊຈໍາພອນ.

- Wave100S AD to Website 2020 0 - ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ

ນາຍບ້ານບ້ານແກ້ວແສນຄໍາ ກ່າວວ່າ: ຜ່ານການປຶກສາຫາລືກັບຊາວບ້ານທຸກຄົວເຮືອນ,​ ອໍານາດການປົກຄອງເມືອງ ແລະ THPC ຈຶ່ງໄດ້ຕົກລົງເຫັນດີເປັນເອກະພາບກັນວ່າບໍລິສັດຈະສະໜອງອຸປະກອນຂົນສົ່ງໃຫ້ແກ່ຊາວບ້ານ ເພື່ອທົດແທນການກໍ່ສ້າງເສັ້ນທາງໄປຫາທີ່ດິນກະສິກໍາ ແລະ ປະຊາຊົນເອງ ກໍມີຄວາມເພິ່ງພໍໃຈໃນການສະໜອງດັ່ງກ່າວຂອງບໍລິສັດ.

ທ່ານນາຍບ້ານເວົ້າວ່າ: ປັດຈຸບັນພວກເຮົາມີຄວາມສະດວກຫລາຍໃນການຫາປາເຂດອ່າງໂຕ່ງຂອງເຂື່ອນດັ່ງກ່າວ ແລະ ຍັງໃຊ້ເຮືອໃນການຂົນສົ່ງສີນຄ້າໄປຫາຕະຫລາດດ້ວຍເຮືອຈັກທີ່ຮັບປະກັນ ແລະ ມີປະໂຫຍດຫລາຍຢ່າງ, ໃນຂະນະດຽວກັນລົດໄຖນາເດີນຕາມກໍເປັນທ່າແຮງທີ່ດີຕໍ່ການຜະລິດເຊັ່ນກັນ ແລະ ຈະມີການແບ່ງປັນການນໍາໃຊ້ລະຫວ່າງກຸ່ມທີ່ມີ 5 ຄອບຄົວຕໍ່ຄັນ, ໂດຍສະເພາະຊ່ວງລະດູການເກັບກ່ຽວເຂົ້າ.

- WhatsApp Image 2020 05 27 at 5 - ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ
- WhatsApp Image 2020 05 27 at 5 - ບໍລິສັດເທີນຫີນບູນມອບເຮືອຈັກ ແລະ ລົດໄຖນາໃຫ້ປະຊາຊົນບ້ານແກ້ວແສນຄໍາ
error: Alert: ເນື້ອຫາຂ່າວມີລິຂະສິດ !!