ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ

- 11751473 1468583690125047 6865633761180602752 n - ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ
- Untitled design - ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ

ອີງຕາມຄຳແນະນຳຂອງຮອງນາຍົກລັດຖະມົນຕີ, ລັດຖະມົນຕີີກະຊວງການເງິນວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2018 ໃຫ້ບັນລຸຜົນ, ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີໃຫ້ມີປະສິດທິຜົນກວ່າເກົ່າ. ໂດຍສະເພາະແມ່ນຈະມີການປັບປຸງຂັ້ນຕອນການແຈ້ງພາສີຢູ່ບັນດາດ່ານ ແລະ ພາຍໃນລັດຖະການພາສີຄື: ຫລຸດຜ່ອນຂັ້ນຕອນໃຫ້ກະທັດຮັດ, ຮັດກຸມ ແລະ ມີປະສິດທິພາບ, ຮັບປະກັນໃຫ້ສາມາດກວດສອບ, ກວດກາໄດ້ສ້າງເງື່ຶອນໄຂອຳນວຍຄວາມສະດວກໃຫ້ແກ່ບັນດາຫົວໜ່ວຍທຸລະກິດສາມາດເຄື່ຶອນໄຫວໄດ້ຢ່າງຄ່ອງຕົວບົນພື້ນຖານກົດໝາຍ ແລະ ລະບຽບການກຳນົດໄວ້, ເອົາໃຈໃສ່ຄຸ້ມຄອງ,​ ຕິດຕາມ,​ ກວດກາການນຳເຂົ້າ-ສົ່ງອອກສິນຄ້າ ເຄື່ອງຂອງຜ່ານດ່ານພາສີຊາຍແດນໃຫ້ເຂັ້ມງວດຖືກຕ້ອງຕາມກົດໝາຍ ແລະ ລະບຽບການ, ມູນຄ່າແຈ້ງພາສີໃຫ້ປະຕິບັດຕາມລາຄາຊື້-ຂາຍສິນຄ້າຕົວຈິງ, ຈັດເກັບລາຍຮັບຈາກສິນຄ້າທີ່ເປັນລັກສະນະຍຸດທະສາດ ໂດຍພັດທະນາລະບົບຖານຂໍ້ມູນແຈ້ງພາສີ, ແຫລ່ງກຳເນີດສິນຄ້າ, ເອົາໃຈໃສ່ກວດສອບບັນດາຂໍ້ມູນສິນຄ້າໃຫ້ຖືກຕ້ອງກັບລະບຽບການ ແລະ ບັນຊີຫລຸດຜ່ອນອັດຕາພາສີທີ່ ສປປ ລາວ ເຂົ້າເປັນພາຄີຢ່າງເຂັ້ມງວດ, ເພີ່ມທະວີຄຸ້ມຄອງສິນຄ້າເຄື່ອງຂອງຜ່ານດ່ານສາກົນ, ສິນຄ້າປອດພາສີ ແລະ ເຂດເສດຖະກິດພິເສດໃຫ້ຖືກຕ້ອງສອດຄ່ອງກັບກົດໝາຍ ແລະ ລະບຽບການ, ໂດຍສ້າງກົນໄກການຄຸ້ມຄອງທີ່ຮັດກຸມ ເປັນຕົ້ນ: ພັດທະນາລະບົບຕິດຕາມເຄື່ອນຍ້າຍ, ການຕິດຕາມລະບົບສາງ, ຮ້ານປອດພາສີ ແລະ ວັດຖຸອຸປະກອນທີ່ນຳເຂົ້າເຂດເສດຖະກິດຢ່າງເປັນລະບົບ.​

ພ້ອມນັ້ນ, ກໍຕ້ອງໄດ້ເອົາໃຈໃສ່ຄຸ້ມຄອງ,​ ຕິດຕາມກວດກາການນຳເຂົ້າວັດ ຖຸ,​ ອຸປະກອນ, ພາຫານະ, ນ້ຳມັນເຊື້ອໄຟຂອງບັນດາໂຄງການລົງທຶນຕ່າງໆທີ່ໄດ້ຮັບການຍົກເວັ້ນຄ່າພາສີ-ອາກອນ ຕາມນະໂຍບາຍສົ່ງເສີມການລົງທຶນໃຫ້ນຳໃຊ້ຖືກຕ້້ອງຕາມເປົ້າໝາຍ,​ ເອົາໃຈໃສ່ປະສານງານ ແລະ ພົວພັນກັບສາກົນໃນການຈັດຕັ້ງປະຕິບັດສັນຍາ ແລະ ອານຸສັນຍາທີ່ ສປປ ລາວ ໄດ້ເຂົ້າຮ່ວມເປັນພາຄີ ເປັນຕົ້ນ: ວຽກງານຜ່ານດ່ານສາກົນ (TRANSIT), ວຽກງານກວດກາຮ່ວມກັນຈຸດດຽວ (CCA), ວຽກງານປົກປ້ອງຊັບສິນທາງປັນຍາ (IPR), ວຽກງານອະນຸລັກປົກປ້ອງສັດໃກ້ສູນພັນ (CITES), ວຽກງານຕ້ານການຟອກເງິນ ແລະ ອື່ນໆ (RKC) ເງື່ອນໄຂຂອງ WTO ແລະ (AEO), ມີການກວດກາ ແລະ ສະກັດກັ້ນການລັກລອບ, ເພີ່ມທະວີວຽກງານກວດສອບຄືນການແຈ້ງພາສີ,​ ການຕ້ານ ແລະ ສະກັດກັ້ນການລັກລອບສິນຄ້າຫລີກພາສີໃນທຸກຮູບແບບທັງໃນດ່ານ ແລະ ນອກດ່ານໃຫ້ເຂັ້ມແຂງ, ຕິດຕາມຄຸ້ມຄອງການເຄື່ອນຍ້າຍພາຍໃນຕາມກົດໝາຍ ແລະ ລະບຽບການກຳນົດ, ເອົາໃຈໃສ່ການຄຸ້ມຄອງການຈັດເກັບພັນທະຈາກການສົ່ງອອກຜະ ລິດຕະພັນໄມ້, ສືບຕໍ່ຈັດຕັ້ງປະຕິບັດຄຳສັ່ງນາຍົກລັດຖະມົນຕີ ເລກທີ 15/ນຍ, ວ່າດ້ວຍການເພີ່ມທະວີການເຂັ້ມງວດໃນການຄຸ້້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍ ແລະ ທຸລະກິດໄມ້. ພ້ອມນີ້, ທຸກລາຍຮັບຈາກຂະແໜງພາສີເປັນລາຍຮັບຂອງສູນກາງທັງໝົດ, ໂດຍບໍ່ອະນຸຍາດໃຫ້ທ້ອງຖິ່ນຈົດເຂົ້າເປັນລາຍຮັບຂອງຕົນ ແລະ ໃຫ້ມອບລາຍຮັບທັງໝົດ (ດ່ານສາກົນ, ດ່ານທ້ອງຖິ່ນ ແລະ ດ່ານປະເພນີ) ທີ່ຈັດເກັບໄດ້ລວມສູນເຂົ້າບັນຊີລາຍຮັບສູນກາງ 100%, ໂດຍຜ່ານບັນຊີເງິນຝາກຂອງຄັງເງິນແຫ່ງຊາດສູນກາງ, ລະອຽດໃຫ້ປະຕິບັດຕາມແຈ້ງການຂອງກົມພາສີເລກທີ 7284/ກພສ.

 

- Wave100S AD to Website 2020 0 - ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ

 

- WhatsApp Image 2020 05 27 at 5 - ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ
- WhatsApp Image 2020 05 27 at 5 - ປີໃໝ່ກະຊວງການເງິນຈະເລັ່ງປະຕິຮູບການຄຸ້ມຄອງ ແລະ ກົນໄກດ້ານລາຍຮັບໃນຂະແໜງການພາສີ
error: Alert: ເນື້ອຫາຂ່າວມີລິຂະສິດ !!