ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ

- 050401 2018 - ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ
- Untitled design - ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ

ຜົນການສຶກສາວິໄຈຫລ້າສຸດ ໂດຍຄະນະນັກວິທະຍາສາດໃນສະຫະລັດອາເມລິກາ ພົບວ່າ : ການຫລິ້ນວີດີໂອເກມປະເພດຍິງ ລ້າງຜານ ເຊັ່ນ : ເກມຮ໊ອດໄລ໌ ແລະ ເມດັນ ອອຟ ຮໍເນີ ເປັນປະຈຳ ຈະຊ່ວຍຝຶກທັກສະດ້ານການເບິ່ງເຫັນ ແລະ ການສັງເກດຂອງຜູ້ຫລິ້ນໄດ້, ແຕ່ຄາດວ່າຜູ້ປົກຄອງສ່ວນຫລາຍອາດຈະບໍ່ຍິນດີກັບຜົນການວິໄຈດັ່ງກ່າວນີ້.

ນັກວິໄຈສະແດງໃຫ້ເຫັນວ່າ : ບັນດານັກຫລິ້ນເກມມີທັກສະພິເສດໃນດ້ານການສັງເກດລາຍລະອຽດໃນສະພາບແວດລ້ອມທີ່ວຸ້ນວາຍສັບສົນ ແລະ ສາມາດຮັບມືກັບສະຖານະການສຸກເສີນໄດ້ດີກ່ວາມາດຕະຖານ ໂດຍສະເລ່ຍນັກວິໄຈຍັງພົບວ່າ ການຫລິ້ນວີດີໂອເກມພຽງແຕ່ມື້ລະໜ້ອຍກໍຈະສາມາດຊ່ວຍຝຶກຝົນທັກສະຂອງຜູ້ຫລິ້ນໄດ້. ນັກວິໄຈທີ່ສຶກສາໃນເລື່ອງນີ້ໄດ້ທົດລອງທາງຈິດຕະວິທະຍາ ບັນດານັກຫລິ້ນເກມປຽບທຽບກັບບຸກຄົນທົ່ວໄປທີ່ບໍ່ເຄີຍຫລິ້ນເກມໃນດ້ານທັກສະພື້ນຖານໃນການເບິ່ງ ແລະ ການສັງເກດ ເຊິ່ງພົບວ່າ ບັນດານັກຫລິ້ນເກມສາມາດສະແດງຄວາມໂດດເດັ່ນໃນດ້ານການໃຊ້ທັກສະໃນການສັງເກດໄດ້ເປັນຢ່າງດີ ແລະ ໄວກ່ວາບຸກຄົນທີ່ບໍ່ເຄີຍຫລິ້ນເກມ. ນັກຫລິ້ນເກມຍັງສະແດງໃຫ້ເຫັນທັກສະໃນດ້ານການຕອບສະໜອງຕໍ່ສະຖານະການໄດ້ຢ່າງໄວວາ ແລະ ຖືກຕ້ອງນຳອີກ.

ປະຈຸບັນ ການທົດລອງດັ່ງກ່າວສາມາດໃຫ້ຄຸນປະໂຫຍດໄດ້ໃນວົງແຄບ ເນື່ອງຈາກພໍ່ແມ່ຜູ້ປົກຄອງຫລາຍໆພາກສ່ວນຍັງບໍ່ເຫັນດີເຕັມ 100% ກ່ຽວກັບແນວທາງການເສີມສ້າງພັດທະນາການດັ່ງກ່າວໃຫ້ແກ່ລູກໂດຍການຫລິ້ນເກມ ເນື່ອງຈາກວ່າຢ້ານລູກຕິດເກມຈົນບໍ່ຮຽນໜັງສື ຈຶ່ງຍັງບໍ່ຢາກສົ່ງເສີມໃນດ້ານນີ້ພໍປານໃດ.

- Wave100S AD to Website 2020 0 - ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ
- WhatsApp Image 2020 05 27 at 5 - ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ
- WhatsApp Image 2020 05 27 at 5 - ວີດີໂອເກມຊ່ວຍໃຫ້ການເບິ່ງເຫັນ ແລະ ການສັງເກດດີຂຶ້ນ
error: Alert: ເນື້ອຫາຂ່າວມີລິຂະສິດ !!