ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ

- DSy2t6RWkAAAeuk - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ
- Untitled design - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ

ກອງ​ທຶນ​ສຸກ​ເສີນ​ຂອງ​ສະຫະ​ປະຊາ​ຊາດຈັດ​ສັນ​ງົບປະມານ​ສູງ​ສຸດ​ເປັນ​ປະຫວັດສາດ 50 ລ້ານ​ໂດ​ລາ​ສະຫະລັດ ​ເພື່ອ​ຊ່ວຍ​ເຫລືອ​ຊາວ​ເຢ​ເມນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 7 ມັງກອນ​ວ່າ: ສຳນັກງານ​ເພື່ອ​ການ​ປະສານ​ງານ​ດ້ານ​ມະນຸດສະທຳ​ແຫ່ງ​ສະຫະ​ປະຊາ​ຊາດ (OCHA) ອອກ​ຖະ​ແຫລ​ງການ​ໃນ​ວັນ​ທີ 5 ມັງກອນ ຈັດຕັ້ງກອງ​ທຶນ​ຕອບ​ສະໜອງ​ສຸກ​ເສີນ​ສ່ວນ​ກາງ ມູນ​ຄ່າ 50 ລ້ານ​ໂດ​ລາ​ສະຫະລັດ ​ເພື່ອ​ຈັດ​ສັນ​ການ​ຊ່ວຍ​ເຫລືອ​ດ້ານ​ມະນຸດສະທຳ​ໃຫ້​ແກ່​ຊາວ​ເຢ​ເມນ. ຖື​ເປັນ​ງົບປະມານ​ສຸກ​ເສີນ​ດ້ານ​ມະນຸດສະທຳ​ມູນ​ຄ່າ​ສູງ​ສຸດ​ເປັນ​ປະຫວັດສາດ ທີ່ ສປຊ ຈັດ​ສັນ​ຈາກ​ກອງ​ທຶນ​ສຸກ​ເສີນ ​ເພື່ອ​ນຳ​ໄປ​ຊ່ວຍ​ເຫລືອ​ລັດ​ໃດ​ລັດ​ໜຶ່ງ​ໃນ​ໂລກ.

- Wave100S AD to Website 2020 0 - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ

- DSyfU1UX4AAb3LP - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ

ຂະນະ​ດຽວ​ກັນ, ຖະ​ແຫລ​ງການ​ຂອງ ສປຊ ຍັງ​ຮຽກຮ້ອງ​ໃຫ້​ອາຣັບບີ ຊາ​ອຸ​ດິດ “ຍົກ​ເລີກ” ການ​ປິດ​ກັ້ນຊາຍ​ແດນ​ທັງ​ທາງບົກ, ທາງ​ທະ​ເລ ​ແລະ ທາງ​ອາກາດ ​ໃນ​ພື້ນທີ່​ຍຶດຄອງ​ຂອງ​ກຸ່ມ​ກະບົດ​ຮູ​ຕີ “​ແບບ​ບໍ່​ມີ​ເງື່ອນ​ໄຂ” ​ໂດຍ​ເຕືອນ​ວ່າ​ເຖິງ​ວ່າ​ລັດຖະບານ​ຣິຍາດ ​ແລະ ພັນທະ​ມິດ​ຈະ​ຫລຸດຜ່ອນ​ມາດ​ຕະການ​ປິດ​ກັ້ນ​ໃນ​ທ້າຍ​ເດືອນ​ພະຈິກ​ຜ່ານ​ມາ, ​ແຕ່​ຫລາຍ​ຝ່າຍ​ຢືນຢັນ​ວ່າ “ຍັງ​ບໍ່​ພຽງພໍ” ພ້ອມ​ທັງ​ເນັ້ນວ່າ: ອາຣັບບີ ຊາ​ອຸ​ດິດ ​ແລະ ພັນທະ​ມິດ ກຳລັງ​ຈະ​ເຮັດ​ໃຫ້​ຊາວ​ເຢ​ເມນ​ທົ່ວ​ປະ​ເທດ​ທີ່​ມີ​ປະມານ 22 ລ້ານ​ຄົນ ຕ້ອງ​ເສຍ​ຊີວິດ​ຈາກ​ສະພາບ​ອຶດຫິວ ​ແລະ ພະຍາດ​ລະບາດ ​ໂດຍ​ພະຍາດ​ອະຫິວາ​ຂ້າ​ຊີວິດ​ຊາວ​ເຢ​ເມນ​ແລ້ວ​ຫລາຍ​ກວ່າ 2.000 ຄົນ​ໃນ​ປີ 2017. ນອກ​ເໜືອ​ຈາກ​ຈຳນວນ​ຜູ້​ເສຍ​ຊີວິດ​ຫລາຍ​ກວ່າ 10.000 ຄົນ ຈາກ​ສົງຄາມ​ທີ່​ເກີດ​ຂຶ້ນ​ ​ເມື່ອ​ອາຣັບບີ​ ຊາ​ອຸ​ດິດ ​ແລະ ພັນທະ​ມິດ ​ເຂົ້າ​ແຊກ​ແຊງ​ໃນ​ເດືອນ​ມີນາ 2015.

- WhatsApp Image 2020 05 27 at 5 - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ
- WhatsApp Image 2020 05 27 at 5 - ສປຊ ຈັດສັນເງິນສຸກເສີນສູງສຸດ ເປັນປະຫວັດສາດຊ່ວຍເຢເມນ
error: Alert: ເນື້ອຫາຂ່າວມີລິຂະສິດ !!