ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້

- furniture show - ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້
- Untitled design - ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້

ຄາດ​ວ່າງານວາງສະແດງຜະລິດ​ຕະພັນ​ເຟີ​ນີ​ເຈີ​ລາວຈະໄດ້ຈັດຂຶ້ນໃນວັນທີ 13-21 ມັງກອນນີ້, ທີ່ສູນການຄ້າລາວ-ໄອເຕັກນະຄອນຫລວງວຽງຈັນ, ເພື່ອເຮັດໃຫ້ສັງຄົມໄດ້ຮູ້ຈັກກັບຜະລິດຕະພັນເຟີນີເຈີໄມ້ລາວ ແລະ ກວ້າງຂວາງຫລາຍ​ຂຶ້ນ, ທັງເປັນການອະນຸລັກຮັກສາປ່າໄມ້, ການນຳໃຊ້ໄມ້ໃຫ້ເກີດປະໂຫຍດສູງສຸດ ແລະ ມີໄມ້ໄວ້ໃຊ້ຢ່າງຢືນຍົງ, ໂດຍການປຸງແຕ່ງໃຫ້ເປັນຜະລິດຕະພັນສຳເລັດຮູບຈາກໄມ້້, ຫວາຍ ແລະ ໄມ້ປ່ອງໃຫ້ມີຫຼາກຫຼາຍຜະລິດຕະພັນຕາມທີ່ສັງຄົມຕ້ອງການ ແລະ ນິຍົມ, ດ້ວຍ​ການ​ນຳ​ໃຊ້​ເຕັກ​ໂນ​ໂລ​ຊີ​ທັນ​ສະ​ໄໝ​ເຂົ້າ​ໃນ​ການ​ຜະລິດ​ເພື່ອ​ແນ​ໃສ່​ສ້າງມູນ​ຄ່າ​ເພີ່ມ​ໃຫ້​ຜະລິດ​ຕະພັນ​ໄມ້​ລາວ ກາຍ​ເປັນ​ສິນຄ້າ​ທີ່​ມີ​ຄຸນະພາບ ​ແລະ ຕອບ​ສະໜອງຄວາມ​ຕ້ອງການ​ຂອງ​ລູກ​ຄ້າ ​ແລະ ຕະຫລາດ​ໄດ້.

ທ່ານ ກອງ​ມາລາ ພົມມາ​ໄລ ຮອງ​ປະທານ​ສະມາຄົມ​ເຟີ​ນີ​ເຈີ​ລາວ ​ໃຫ້​ຮູ້​ວ່າ: ງານ​ວາງສະ​ແດງ​ຜະລິດ​ຕະພັນ​ເຟີ​ນີ​ເຈີ​ລາວຄັ້ງ​ນີ້, ຈັດ​ຂຶ້ນ​​ໃນ​ໂອກາດ​​ເປີດ​ປີ​ທ່ອງ​ທ່ຽວລາວ, ​ເຊິ່ງ​ເປັນ​ກາລະ​ໂອກາດ​ອັນ​ດີທີ່​ຈະ​ໃຫ້​ນັກ​ທ່ອງ​ທ່ຽວ​ໄດ້​ເຫັນ​ສີ​ໄມ້​ລາຍ​ມື, ເອກະລັກ​ໃນ​ການ​ຜະລິດ​ເຟີ​ນີ​ເຈີ​ລາວ ​ແລະ ​ເປັນ​ການ​ສົ່ງ​ເສີມ​ການທ່ອງທ່ຽວ. ມາ​ຮອດ​ປັດຈຸບັນ​ເຫັນ​ວ່າ​ມີ​ຄວາມ​ພ້ອມ 100% ​ແລະ ມີ​ຫົວໜ່ວຍທຸລະ​ກິດ​ຈາກ​ພາຍ​ໃນ ​ແລະ ຕ່າງປະ​ເທດ​ເຂົ້າ​ມາ​ຮ່ວມ​ວາງສະ​ແດງຫລາຍ​ກວ່າ 170 ບໍລິສັດ. ສຳລັບກິດຈະກຳໃນງານກໍ​ຈະ​ມີການສາທິດການຜະລິດເຄື່ອງເຟີນີເຈີໄມ້ ແລະ ແກະສະຫຼັກໄມ້, ການຈົກສະຫຼາກຊິງລາງວັນ, ການສະແດງສິລະປະ ແລະ ລາຍການອື່ນໆ, ຄາດວ່າຈະມີມວນຊົນເຂົ້າຮ່ວມຊົມປະມານ 2-3 ແສນຄົນ ແລະ ຈະມີເງິນໝູນວຽນຫລາຍກວ່າ 40 ຕື້ກີບ.

ທ່ານ​ເຈົ້າ​ຂອງ​ໂຮງງານ​ເຟີ​ນີ​ເຈີ​ເຄ&ບີ ​ໃຫ້​ຮູ້​ວ່າ: ​​​ເພື່ອ​ກຽມຄວາມ​ພ້ອມ​ເຂົ້າ​ຮ່ວມ​ງານ​ວາງສະ​ແດງ​ເຟີ​ນີ​ເຈີ​ລາວປີ 2018 ນີ້, ທາງ​ໂຮງງານ​ໄດ້​ເລັ່ງຜະລິດ​ສິນຄ້າ​ກວ່າ 100 ລາຍ​ການ​ມາ​ວາງສະ​ແດງ​ໃນ​ງານ ​ເປັນ​ຕົ້ນ: ​ໂຕະ, ຕັ່ງ ​ແລະ ​ເຄື່ອງ​ປະດັບ​ພາຍ​ໃນ​ເຮືອນ​ອີກ​ຫລາຍ​ລາຍການ, ​ເພື່ອ​ໃຫ້​ມວນ​ຊົນ ​ແລະ ນັກ​ທ່ອງ​ທ່ຽວ ​ໄດ້​ມີ​ຄວາມ​ປະ​ທັບ​​ໃຈ​ກັບ​ຜົນງານ​ດັ່ງກ່າວ.

- Wave100S AD to Website 2020 0 - ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້
- WhatsApp Image 2020 05 27 at 5 - ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້
- WhatsApp Image 2020 05 27 at 5 - ງານວາງສະແດງຜະລິດຕະພັນເຟີນີເຈີລາວປີ 2018  ຈະ​ຈັດ​ຂຶ້ນ​ໃນ​ວັນ​ທີ 13-21 ມັງກອນ​ນີ້
error: Alert: ເນື້ອຫາຂ່າວມີລິຂະສິດ !!