ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ

- Meeting - ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ
- Untitled design - ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ

ໃນວັນທີ 5 ມັງກອນນີ້, ຄະນະບໍລິຫານງານພັກສະພາແຫ່ງຊາດໄດ້ຈັດກອງປະຊຸມສະຫລຸບການເຄື່ອນໄຫວວຽກງານປະຈໍາປີ 2017 ແລະ ວາງທິດທາງແຜນການ ປີ 2018 ຂອງຕົນຂຶ້ນທີ່ຫ້ອງປະຊຸມໃຫຍ່ຄະນະເລຂາທິການສະພາແຫ່ງຊາດ (ຫຼັກ 6), ໂດຍການເປັນປະທານຂອງທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ.

ກອງປະຊຸມໄດ້ຊີ້ໃຫ້ເຫັນວ່າ: ໃນ 1 ປີຜ່ານມາ, ສະພາແຫ່ງຊາດສາມາດຮັບຮອງເອົາການສ້າງ ແລະ ປັບປຸງກົດໝາຍໄດ້ທັງໝົດ 28 ສະບັບ, ໃນນີ້ກົດໝາຍສ້າງໃຫມ່ມີ 12 ສະບັບ, ນີ້ແມ່ນຍ້ອນຄວາມພະຍາຍາມຂອງຄະນະກໍາມາທິການກົດໝາຍໄດ້ເປັນເຈົ້າການຊຸກຍູ້ບັນດາກະຊວງ, ອົງການ ແລະ ຂະແໜງການຕ່າງໆໃນການຄົ້ນຄວ້າກະກຽມຮ່າງກົດໝາຍດັ່ງກ່າວເຂົ້າພິຈາລະນາຮັບຮອງໃນກອງປະຊຸມສະໄໝສາມັນເທື່ອທີ 3 ແລະ ເທື່ອທີ 4 ຂອງສະພາແຫ່ງຊາດຊຸດທີ VIII ແລະ ກອງປະຊຸມດັ່ງກ່າວໄດ້ຕົກລົງບັນຫາສໍາຄັນພື້ນຖານຂອງຊາດຄື: ພິຈາລະນາວຽກງານຂອງລັດຖະບານ ເປັນຕົ້ນ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນປີ 2017 ແລະ ແຜນປີ 2018, ພິຈາລະນາວຽກງານຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ, ເປັນເຈົ້າການຄົ້ນຄວ້າບັນຫາສໍາຄັນຕ່າງໆທີ່ລັດຖະບານ, ສານ, ໄອຍະການ, ອົງການກວດສອບເພື່ອພິຈາລະນາ ແລະ ຮັບຮອງໃນກອງປະຊຸມຄະນະປະຈໍາສະພາແຫ່ງຊາດຮັບປະກັນຄຸນນະພາບ, ໄດ້ຕິດຕາມກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປະຈໍາປີ 2017 ໂດຍໄດ້ລົງເກັບກໍາຂໍ້ມູນຢູ່ 10 ເປົ້າໝາຍ, ໂດຍສະເພາະແມ່ນວຽກງານພັດທະນາຊົນນະບົດລຶບລ້າງຄວາມທຸກຍາກຕິດພັນກັບການພັດທະນາແບບຍືນຍົງ, ນະໂຍບາຍສົ່ງເສີມ ແລະ ພັດທະນາວິສາຫະກິດຂະໜາດນ້ອຍ ແລະ ກາງ ແລະ ອື່ນໆ. ​ຕິດຕາມກວດກາການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ແລະ ໄດ້ເອົາໃຈໃສ່ແກ້ໄຂຄໍາຮ້ອງຂໍຄວາມເປັນທໍາຂອງປະຊາຊົນ, ປະກອບສ່ວນສ້າງຄວາມເຂັ້ມແຂງໃຫ້ແກ່ການປົກຄອງລັດດ້ວຍກົດໝາຍ, ເພີ່ມປະສິດທິພາບຂອງການບໍລິຫານລັດຕາມທິດນໍາຍຸດທະສາດກ່ຽວກັບການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ.

- Wave100S AD to Website 2020 0 - ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ

ໃນໂອກາດດັ່ງກ່າວ, ເລຂາຄະນະບໍລິຫານງານພັກສະພາແຫ່ງຊາດໄດ້ເນັ້ນໃຫ້ຄະນະພັກເອົາໃຈໃສ່ຕື່ມອີກໃນການຊື້ນໍາ-ນໍາພາບັນດາຮາກຖານພັກ, ປຸກລະດົມສະມາຊິກພັກ-ພະນັກງານໃນຂອບເຂດຄວາມຮັບຜິດຊອບຂອງຕົນ, ພ້ອມກັນເປັນເຈົ້າການປະຕິບັດໜ້າທີ່ວິຊາສະເພາະຕາມພາລະບົດບາດຂອງສະພາແຫ່ງຊາດໃຫ້ມີຜົນສໍາເລັດດີຂຶ້ນກວ່າເກົ່າ.

- WhatsApp Image 2020 05 27 at 5 - ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ
- WhatsApp Image 2020 05 27 at 5 - ຄະນະບໍລິຫານງານພັກສະພາແຫ່ງຊາດ ດໍາເນີນກອງປະຊຸມປະຈໍາປີ
error: Alert: ເນື້ອຫາຂ່າວມີລິຂະສິດ !!