ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ

- Center - ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ
- Untitled design - ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ

ຫ້ອງການ​ກວດກາ ​ແລະ ຄວບ​ຄຸມ​ຢາ​ເສບ​ຕິດ, ກົມ​ໃຫຍ່​ຕຳຫລວດ​ໄດ້​ເຝິກອົບຮົມເພື່ອ​ສ້າງ​ຄູ​ຝຶກ​ລະດັບ​ຊາດ​ກ່ຽວກັບ​ວຽກງານ​ປິ່ນປົວ ​ແລະ ​ໃຫ້​ຄໍາປຶກສາ​​ຜູ້​ຕິດ​ຢາ​ເສບ​ຕິດ, ຊຶ່ງ​ຈັດ​ຂຶ້ນ​ໃນ​ວັນ​ທີ 5 ມັງກອນນີ້ຢູ່ນະຄອນຫລວງ​ວຽງຈັນ ​ໂດຍ​ການ​ເປັນ​ປະທານ​ຂອງທ່ານຫົວໜ້າຫ້ອງການ​ກວດກາ ​ແລະ ຄວບ​ຄຸມ​ຢາ​ເສບ​ຕິດ ​ແລະ ມີນັກ​ສຳ​ມະ​ນາ​ເຂົ້າ​ຮ່ວມ 10 ກ່ວາ​ຄົນ.

ທ່ານຫົວຫນ້າຫ້ອງ​ກວດກາ ​ແລະ ຄວບ​ຄຸມ​ຢາ​ເສບ​ຕິ​ດ ​ໃຫ້​ຮູ້​ວ່າ: ການ​ຝຶກ​ອົບຮົມ​ຄັ້ງ​ນີ້, ​ແມ່ນ​​ມີ​ຄວາມໝາຍສຳຄັນຫລາຍ, ເນື່ອງ​ຈາກ​ວຽກງານ​ດັ່ງກ່າວ​ເປັນວຽກ​ໃໝ່ ເພື່ອ​ສ້າງ​ໃຫ້​ເຈົ້າໜ້າທີ່​ແພດໝໍພວກ​ເຮົາ​ກາຍ​ເປັນ​ຄູ ຫລື ຜູ້​ສຳ​ນານ​ງາ​ນກ່ຽວກັບ​ວຽກງານ​ການ​ປິ່ນປົວ ​ແລະ ​ໃຫ້​ຄຳ​ປຶກສາ​ຜູ້​ຕິດ​ຢາ​ເສບ​ຕິດ ​ໄປ​ສິດສອນ​ຕໍ່​ໃຫ້​ແກ່​ພາກສ່ວນ​ກ່ຽວຂ້ອງຕ່າງໆ, ​ເພື່ອ​ນຳ​ໄປ​ຟື້ນຟູ​ສຸຂະພາບຂອງ​ຜູ້​ທີ່​ຮັບ​​ເຄາະ​ຮ້າຍ​ຈາກ​ຢາ​ເສບ​ຕິດ, ຊຶ່ງ​ປັດຈຸບັນ​, ສູນ​ປິ່ນປົວ ​ແລະ ຟື້ນຟູ​ສຸຂະພາບ​ຂອງ​ຜູ້​ທີ່​ຕິດ​ຢາ​ເສບ​ຕິດ​ມີ 17 ​ແຫ່ງ​​ໃນທົ່ວ​ປະ​ເທດ, ​ເຊິ່ງ​ແຕ່ລະ​ປີ​ໄດ້​ບຳບັດ​ປິ່ນປົວ​ຜູ້​ຕິດ​ຢາ​ເສບ​ຕິດ​ປະ​ເພດ​ຕ່າງໆສະ​ເລ່ຍ 4 ພັນ​ເທື່ອ​ຄົນ, ​ເພື່ອ​ຊ່ວຍ​ກອບ​ກູ້​ເຂົາ​ເຈົ້າ​ເຫລົ່ານີ້, ພາຍຫລັງ​ທີ່​ໄດ້​ຮັບ​ການ​ບຳບັດ​ປິ່ນປົວ​ຈາກ​ສູນ​ໄດ້​ກັບກາຍ​ເປັນ​ຄົນ​ດີ​ຂອງ​ສັງຄົມ, ​ເປັນ​ພົນລະ​ເມືອງ​ດີ​ຂອງ​ປະ​ເທດ​ຊາດ, ການ​ຝຶກ​ອົບ​ຮົມ​ໃນ​ຄັ້ງ​ນີ້, ຈຶ່ງ​ມີ​ຄວາມ​ສຳຄັນ​ຫລາຍ, ​ເພາະ​ພາຍຫລັງ​ທີ່​ສຳ​ເລັດ​ການ​ຝຶກ​ອົບຮົມ​ແລ້ວກໍ​ຈະ​ມີ​ການ​ສອບ​ເສັງ​ເອົາ​​ໃບ​ປະກາດ​ຫລັກສູດ​ການ​ບຳບັດ​ປິ່ນປົວ ​ແລະ ​ໃຫ້ຄໍາປຶກສາ​ຜູ້​ຕິດ​ຢາ​ເສບ​ຕິດຈາກ​ສາກົນ​ນຳ​ອີກ.

- Wave100S AD to Website 2020 0 - ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ
- WhatsApp Image 2020 05 27 at 5 - ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ
- WhatsApp Image 2020 05 27 at 5 - ລາວ​ເລັ່ງ​ສ້າງ​ຄູ​ຝຶກ​ລະດັບ​ຊາດ​ປິ່ນປົວ ​ແລະ ​ໃຫ້​ຄຳ​ປຶກສາ​​ຜູ້​ຕິດ​ຢາ​ເສບ​ຕິດ
error: Alert: ເນື້ອຫາຂ່າວມີລິຂະສິດ !!