2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ

- newss 19 e1513075298573 - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ
- Untitled design - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ

ໃນ​ປີ 2017 ຜ່ານ​ມາ, ຖ້າ​ຈະ​ເວົ້າ​ເຖິງ​ໝາກຜົນ​ໃນ​ການ​ສ້າງສາ​ພັດທະນາ​ປະ​ເທດ​ຊາດ​ນັບ​ທັງ​ການ​ແກ້​ໄຂ​ບັນຫາ​ຕ່າງໆ ພວກ​ເຮົາ​ມີ​ໄຊຊະນະ ​ແລະ ​ໄດ້​ຮັບ​ຜົນ​ຢ່າງ​ໃຫຍ່​ຫລວງ ກ່ອນ​ອື່ນ​ໝົດ​ຖ້າ​ເບິ່ງ​ໃນ​ດ້ານ​ການ​ເມືອງ​ກໍ​ນັບ​ມື້ມີ​ສະ​ເຖຍລະ​ພາບ​ໝັ້ນຄົງ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ​ກໍ​ເຫັນ​ວ່າ​ນັບ​ມື້ດີ​ຂຶ້ນ. ສີສັນ ​ແລະ ປັດ​ໄຈ​ແຫ່ງ​ການ​ສ້າງ​ສັງຄົມ​ນິຍົມ​ໃນ ປະ​ເທດ​ເຮົາ​ກໍ​ມີ​ການ​ປ່ຽນ​ແຜງ​ທັງ​ສອດຄ່ອງ​ໄປ​ຕາມ​ຍຸກ​ສະ​ໄໝ​ດີ​ຂຶ້ນ​ເທື່ອ​ລະ​ກ້າວ. ບາດກ້າວ​ທີ່​​ໂດດ​ເດັ່ນຢ່າງ​ເຫັນ​ໄດ້​ຊັດ​ກໍ​ແມ່ນ​ທາງ​ດ້ານ​ຊີວິດ​ການ​ເປັນ​ຢູ່​ຂອງ​ປະຊາ​ຊົນ​ບັນດາ​ເຜົ່າ​ກໍ​ນັບ​ມື້ມີ​ການ​ປ່ຽນ​ແປງ ​ແລະ ດີ​ຂຶ້ນ. ຈຳນວນ​ຄອບຄົວ​ພົ້ນທຸກ, ຄອບຄົວ​ພັດທະນາ, ບ້ານ​ພົ້ນທຸກ​ ​ແລະ ບ້ານ​ພັດທະນາ​ໄດ້​ເພີ່ມ​ຂຶ້ນ​ໃນ​ແຕ່ລະ​ປີ. ສິ່ງ​ດັ່ງກ່າວ​ໄດ້​ພິ​ສູດ​ໃຫ້​ເຫັນ​ເຖິງ​ໝາກຜົນ​ແຫ່ງ​ການຈັດຕັ້ງປະຕິບັດ​ສະຫະ​ວັດ​ແຫ່ງ​ການ​ພັດທະນາ​ຂອງ​ອົງການ​ສະຫະ​ປະຊາ​ຊາດ ​ແລະ ລັດຖະບານ ສປປ ລາວ​ໄດ້​ວາງ​ອອກ.

 

+ ປີໃໝ່ແຂວງສະຫວັນນະເຂດຕັ້ງເປົ້າໃຫ້ເສດຖະກິດຂະຫຍາຍຕົວ 10,2%

+ ປີ 2017 ເສດຖະກິດແຂວງ ຈຳປາສັກຂະຫຍາຍຕົວກວ່າ 8%

 

ທາງ​ດ້ານ​ເສດຖະກິດ​ໃນ​ຫລາຍ​ປີຜ່ານມາ, ກໍ​ເຫັນ​ວ່າ​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ. ສະ​ເລ່ຍລວມຍອດ​ຜະລິດ​ຕະພັນ​ແຕ່ 6 ຫາ 7% ຕໍ່​ປີ ​ແລະ ສະ​ເລ່ຍລາຍ​ຮັບ​ຕໍ່​ຫົວ​ຄົນ​ໃນ​ປີ 2017 ນີ້​ກໍ​ຢູ່​ໃນ​ລະດັບ 1.400 ກວ່າ​ໂດ​ລາ​ຕໍ່​ຄົນ​ຕໍ່​ປີ, ອັນ​ສຳຄັນ​ກ່ອນ​ອື່ນ​ໝົດ​ໃນ​ປີ 2017 ຜ່ານ​ມາ​ແມ່ນ​ໄດ້​ດັດສົມ​ການ​ຄຸ້ມ​ຄອງ​ເສດຖະກິດ​ມະຫາ​ພາກ​ໄດ້​ເປັນ​ຢ່າງ​ດີ, ອັດຕາ​ເງິນ​ເຟີ້ກໍ​ຢູ່​ໃນ​ເກນ​ປົກກະຕິ. ບັນດາ​ກົດໝາຍ, ນິຕິ​ກຳ​ລຸ່ມ​ກົດໝາຍ, ນັບ​ທັງ​ດຳລັດ ​ແລະ ຂໍ້​ກົດ​ນົດຕ່າງໆ ​ໄດ້​ຮ່າງ​ອອກ​ມາ​ເກືອບ​ຫລາຍ​ຮ້ອຍ​ສະບັບ​ອັນ​ທີ່​ໂດດ​ເດັ່ນ ​ແລະ ​ໄດ້​ຮັບ​ການ​ຈັດ​ຕັ້ງປະຕິບັດ​ຢ່າງ​ໄດ້​ໝາກ​ໄດ້ຜົນ​ຫລາຍ​ອີ່ຫລີ​ອີ່​ຫລໍກໍ​ແມ່ນ​ຄຳ​ສັ່ງ​ເລກທີ 15/ນຍ, ມາດ​ຕະການ​ກ່ຽວ​ກັບ​ການ​ປະ​ຫຍັດ, ການ​ປາບ​ປາມ​ການ​ຕ້ານ ​ແລະ ສະກັດ​ກັ້ນການ​ສໍ້​ລາດ​ບັງ​ຫລວງ, ການ​ຕ້ານ ​ແລະ ປາບ​ປາມ​ຂະ​ບວນຄ້າຂາຍ​ຢາ​ເສບ​ຕິດ ​ແລະ ບັນຫາ​ອື່ນໆ. ສຳລັບ​ທາງ​ດ້ານ​ສັງຄົມ​ນັ້ນກໍ​ເຫັນ​ວ່າ​ນັບ​ມື້ມີ​ການ​ປັບປຸງປ່ຽນ​ແປງ ​ແລະ ມີ​ການ​ພັດທະນາ​ທີ່​ດີ​ຂຶ້ນ, ດ້ານ​ຮີດຄອງ​ປະ​ເພນີ, ຮີດ​ສິບ​ສອງ​ຄອງ​ສິບ​ສີ່, ຮີດ​ຍີ່​ຄອງ​ຈຽງ, ບຸນ​ສິນ​ກິນ​ທານ, ສິລະ​ປະ​ວັນນະຄະດີ​ຕ່າງ​ໆ  ກໍ​ໄດ້​ຮັບ​ການ​ຟື້ນຟູ​ໃຫ້​ກາຍ​ເປັນ​ວັດທະນະທຳ​ອັນ​ດີງາມ​ຂອງ​ຊາດ, ​ເປັນ​ຂອງ​ປະຊາຊົນ​ບັນດາ​ເຜົ່າ. ພິ​ເສດ, ​ໃນຕົ້ນ​ເດືອນ​ທັນວາ​ທີ່​ຜ່ານ​ມາ (4-9/12/2017) ທາງ​ອົງການ​ຢູ​ແນ​ສ​ໂກ​ກໍ​ໄດ້​ຮັບ​ເອົາ​ທຳນອງ​ສຽງ​ແຄນ​ທີ່​ຈັບ​ຕ້ອງ​ບໍ່​ໄດ້​ເຂົ້າ​​ເປັນ​ມໍລະດົກ​ທາງ​ດ້ານ​ວັດທະນະທຳ​ຂອງ​ໂລກ. ຕໍ່​ເຫັນ​ການ​ດັ່ງກ່າວ, ມັນ​ເປັນ​ຜົນງານ​ອັນ​ໃຫຍ່​ຫລວງ ​ແລະ ທັງ​ເປ​ັນຄວາມ​ພາກພູມ​ໃຈ​ຂອງ​ຄົນ​ລາວ, ​ເຊື້ອຊາດ​ລາວ​ທີ່ຢູ່​ພາຍ​ໃນ ​ແລະ ຕ່າງປະ​ເທດ. ນີ້​ຄື​ສິ່ງ​ຢັ້ງຢືນ​ວ່າ​ດ້ານ​ສິລະ​ປະວັດ​ທະນະ​ທຳ​ຂອງ​ຊາດ​ລາວ​ຄົນ​ລາວ​ເຮົາ​ໄດ້​ກາຍ​ເປັນ​ອະລິຍະ​ທຳ​ທີ່​ດີງາມ​ທີ່​ຫາ​ໄດ້​ຍາກ, ​ເປັນ​ພູມ​ປັນຍາ​ມໍລະດົກ​ຕົກ​ທອດ​ມາ​ແຕ່​ເຊັ່ນ​ປູ່ຍ່າ​ຕາ​ຍາຍ ​ເຊິ່ງພວກ​ເຮົາ​ທັງຫລາ​ຍຍັງ​ຄົງ​ອານຸລັກ​ຮັກສາ​ໃຫ້​ຢູ່​ຄຽງ​ຄູ່​ກັບ​ຄົນ​ລາວ​ຊາດ​ລາວ​ຕະຫລອດ​ໄປ. ນອກຈາກ​ສິ່ງ​ທີ່​ໄດ້​ກ່າວ​ມາ​ຂ້າງ​ເທິງ​ນີ້​ແລ້ວ, ​ໃນ​ດ້ານ​ສະຖາປັດຕະຍະກຳ, ວັດວາອາ​ຮາມ, ຫ້ວຍ​ນ້ຳລຳ​​ເຊ, ພູຜາ​ປ່າ​ໄມ້, ຖ້ຳຮູ​ພູ​ເຂົາ​ອັນ​ສວຍ​ສົດ​ງົດ​ງາມ, ລຶກລັບ​ມະຫັດສະຈັນ​ກໍ​ໄດ້​ມີ​ການ​ປັບປຸງ, ບູລະນະ​ສ້າງສາ​ໃຫ້​ກາຍ​ເປັນ​ມໍລະດົກ​ຂອງ​ຊາດ, ຂອງ​ທ່ອງ​ຖິ່ນ ​ແລະ ກາຍ​ເປັນ​ແຫ​ລ່ງທ່ອງ​ທ່ຽວ​ແຫ່ງ​ມູນ​ເຊື້ອປະຫວັດສາດ, ​ແຫ​ລ່ງທ່ອງ​ທ່ຽວ​ທາງ​ດ້ານ​ວັດທະນະທຳ ​ແລະ ທຳ​ມະ​ຊາດ​ຂອງ​ຊາດ​ລາວ​ຄົນ​ລາວ. ນີ້​ຄື​ສິ່ງ​ທີ່​ດີ ​ແລະ ຜ່ານ​ພາລະ​ຜິດ​ທາງ​ດ້ານ​ປະຫວັດສາດ​ທີ່​ພວກ​ເຮົາ​ພ້ອມ​ກັນ​ສ້າງ ​ແລະ ຫາ​ມາ​ໄດ້.

- Wave100S AD to Website 2020 0 - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ

​        ແຕ່​ໄປ​ຄຽງ​ຄູ່​ກັບ​ຄວາມ​ກ້າວໜ້າ ​ແລະ ຈະ​ເລີ​ນຮຸ່ງ​ເຮືອງ​ນັ້ນ, ສິ່ງ​ທີ່​ ທິດ​ກ່ຳ ຄິດ​ອີກ​ຢ່າງ​ໜຶ່ງ​ຄົນ​ລາວ​ເຮົາ​ໃນ​ຍຸກ​ສະ​ໄໝ​ນີ້​ເບິ່ງ​ຢ່າງ​ໜຶ່ງ​ຄື​ເກີດ​ກໍ​ຫລາຍ​ຕາຍ​ກໍ​ຫລາຍ. ຄວາມ​ຕາຍ​ທີ່​ກາຍ​ເປັນ​ມັດຈຸລາດ​ທີ່​ເບິ່ງ​ບໍ່​ເຫັນ​ໂຕນັ້ນສ່ວນ​ຫລາຍ​ເກີດ​ມາ​ຈາກ​ຄວາມ​ປະໝາດ, ການ​ຂາດ​ສະຕິ​ເປັນຕົ້ນດື່ມ​ເຫລົ້າ​ເມົາ​ແລ້ວ​ຂັບ​ລົດ, ລະ​ເມີດ​ກົດ​ຈາລະ​ຈອນ ​ແລະ ຕິດ​ຢາ​ບ້າ​ຄ້າ​ຢາ ​ເມົາ​ແລ້ວ​ກໍ​ຂ້າ​ກັນ​ຢ່າງ​ໜ້າ​ອະ​ໜາດ. ສະ​ນັນ, ປີ 2018 ຂໍ​ໃຫ້​ເປັນ​ປີ​ແຫ່ງ​ຄວາມສຸກ, ຄວາມ​ປອດ​ໄພ ​ແລະ ຄວາມ​ຍືນ​ຍົງ. ສ່ວນ​ຄວາມ​ຕາຍ ​ແລະ ​ໄພ​ອັນຕະລາຍ​ຕ່າງໆ ນັ້ນ​ໃຫ້​ໜີ​ໄກ​ຫ່າງ.

 

ໂດຍ: ກ້ອງສ່ອງ ອິດສະຫລະ

 

- newss 19 e1513075298573 - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ
(ພາບປະກອບ)
- WhatsApp Image 2020 05 27 at 5 - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ
- WhatsApp Image 2020 05 27 at 5 - 2018 ຄວາມໝັ້ນຍືນໃຫ້ຫລາຍໆ ໄພອັນຕະລາຍໃຫ້ໜີຫ່າງ
error: Alert: ເນື້ອຫາຂ່າວມີລິຂະສິດ !!