ເມື່ອແສບກະເພາະອາຫານຕ້ອງເຮັດແນວໃດ ?

- 020501 2018 - ເມື່ອແສບກະເພາະອາຫານຕ້ອງເຮັດແນວໃດ ?
- Untitled design - ເມື່ອແສບກະເພາະອາຫານຕ້ອງເຮັດແນວໃດ ?

ໃນຍຸກທີ່ຕ້ອງແຂ່ງຂັນກັນເຮັດວຽກແບບນີ້ ຫລາຍໆທ່ານອາດເຖິງຂັ້ນບໍ່ໄດ້ກິນເຂົ້າເປັນບາງຄາບ ໄປໆມາໆຈາກບາງຄາບກາຍເປັນຫລາຍຄາບ ກິນແດ່ບໍ່ກິນແດ່ຢູ່ຕະຫລອດ ສຸດທ້າຍກໍເປັນພະຍາດກະເພາະອາຫານ ເຊິ່ງຈະມີອາກການເຈັບທ້ອງ ແລະ ແສບກະເພາະອາຫານ ເຊິ່ງທໍລະມານຫລາຍສຳລັບຜູ້ທີ່ເປັນ.

ວິທີທີ່ທ່ານຈະສາມາດບຳບັດຫລຸດອາການປວດແສບໃຫ້ເຊົາໄປໄດ້ກໍຄືການກິນອາຫານແຕ່ລະຄາບໃນແຕ່ລະມື້ພຽງແຕ່ພໍອີ່ມ, ຢ່າກິນຫລາຍຈົນແໜ້ນທ້ອງ, ກິນຄາບລະໜ້ອຍ, ແຕ່ກິນໃຫ້ຫລາຍຄາບ ພ້ອມທັງຫລີກເວັ້ນ ຫລື ຫລຸດຜ່ອນການກິນອາຫານລົດ  ຊາດເຄັມໆ, ເຜັດໆ ແລະ ສົ້ມຈົນເກີນໄປ.

ອາຫານທີ່ມີສ່ວນປະສົມຂອງໝາກກ້ວຍ, ນຳ້ເຜິ້ງ ຫລື ເນີຍຖົ່ວຈະເປັນອາຫານທີ່ດີໃນການປ້ອງກັນ ແລະ ຫລຸດຜ່ອນບັນຫາອາການເຈັບແສບກະເພາະອາຫານ, ແຕ່ກໍບໍ່ຕ້ອງກິນຫລາຍຈົນເກີນໄປ ພຽງແຕ່ກິນເປັນບາງເທື່ອ ເພາະວ່າຫົວໃຈໃນການຫລຸດຜ່ອນອາການກໍແມ່ນຕ້ອງກິນອາຫານຄາບລະໜ້ອຍໆ. ຍັງມີອີກວິທີໜຶ່ງທີ່ຈະຊ່ວຍຫລຸດຜ່ອນອາການໄດ້ກໍຄື ຕ້ອງບໍ່ສູບຢາເດັດຂາດ ໂດຍຈະຕ້ອງຢຸດສູບທັນທີຫລັງຈາກທີ່ເລີ່ມມີອາການເຈັບ ຫລື ແສບກະເພາະອາຫານ.

ແນວໃດກໍຕາມ, ເມື່ອຮູ້ວ່າໂຕເອງເປັນພະຍາດກະເພາະອາຫານ ຫລື ມີບາດແຜໃນກະເພາະອາຫານແລ້ວ ກໍຕ້ອງໄປໂຮງໝໍເພື່ອຮັບການປິ່ນປົວ ແລະ ຮັບຢາຕາມທ່ານໝໍສັ່ງ. ນອກຈາກນີ້, ກໍຕ້ອງບຳບັດອາການ ໂດຍການກິນອາຫານທີ່ອ່ອນໆ, ອາຫານທີ່ຍ່ອຍງ່າຍ, ອາຫານທີ່ມີປະໂຫຍດ ພ້ອມທັງຫລີກເວັ້ນຈາກອາຫານທີ່ຈະເພີ່ມຄວາມຮຸນແຮງຂອງພະຍາດ ໂດຍສະເພາະອາຫານຍ່ອຍຍາກ, ເຄື່ອງດື່ມທີ່ມີແກ໊ສ ແລະ ມີອານກໍຮໍ, ອາຫານເຄັມ, ອາຫານເຜັດ ແລະ ອາຫານມັນ ເປັນຕົ້ນ, ທ່ານຄວນຫຍຳ້ອາຫານແຕ່ລະຄຳໃຫ້ດົນຂຶ້ນ ເພື່ອຊ່ວຍຫລຸດພາລະຂອງລະບົບຍ່ອຍອາຫານໃນກະເພາະ ຈຶ່ງຈະຊ່ວຍໃຫ້ບາດແຜພາຍໃນ ກະເພາະອາຫານເຊົາໄວຂຶ້ນ ແລະ ຫລຸດອາການເຈັບແສບກະເພາະອາຫານໄດ້.

- Wave100S AD to Website 2020 0 - ເມື່ອແສບກະເພາະອາຫານຕ້ອງເຮັດແນວໃດ ?

ຫວັງວ່າບົດຄວາມເຫລົ່ານີ້ຈະຊ່ວຍທ່ານຫລຸດຜ່ອນອາການເຈັບແສບກະເພາະອາຫານໄດ້, ແຕ່ທາງທີ່ດີສຸດຖ້າທ່ານຍັງບໍ່ມີອາ ການໃດໆ ແລະ ມີສຸຂະພາບແຂງແຮງດີກໍໃຫ້ກິນອາຫານໃຫ້ກົງເວລາ ເພື່ອປ້ອງກັນໂຕເອງບໍ່ໃຫ້ເປັນພະຍາດກະເພາະອາຫານ ແລະ ບາດແຜໃນກະເພາະອາຫານ.

- WhatsApp Image 2020 05 27 at 5 - ເມື່ອແສບກະເພາະອາຫານຕ້ອງເຮັດແນວໃດ ?
- WhatsApp Image 2020 05 27 at 5 - ເມື່ອແສບກະເພາະອາຫານຕ້ອງເຮັດແນວໃດ ?
error: Alert: ເນື້ອຫາຂ່າວມີລິຂະສິດ !!