ຢາກຮຽນເກັ່ງຕ້ອງເຮັດແນວໃດ ?

- 060501 2018 - ຢາກຮຽນເກັ່ງຕ້ອງເຮັດແນວໃດ ?
- Untitled design - ຢາກຮຽນເກັ່ງຕ້ອງເຮັດແນວໃດ ?
  1. ຄົນຮຽນເກັ່ງແບ່ງເວລາເປັນ : ໂດຍເລີ່ມຈາກຮຽນ 25%, ເຮັດກິດຈະກຳ 25%, ເຮັດວຽກບ້ານ 25% ແລະ ພັກຜ່ອນ 25% ໂດຍເຄັດລັບຂ້ໍທຳອິດ ເຖິງວ່າເຮົາຈະມັກຫລິ້ນເກມ, ອ່ານກາຕູນ, ຫລິ້ນກິລາ, ເບິ່ງໜັງ, ຟັງເພງ, ເລາະຫ້າງສັບພະສິນຄ້າແລະອື່ນໆ ພຽງແຕ່ເຮົາແບ່ງເວລາໃຫ້ເປັນ ວ່າເວລາໃດຄວນຫລິ້ນ ແລະ ເວລາໃດຄວນຮຽນ.
  2. ຄົນຮຽນເກັ່ງທົບທວນລ່ວງໜ້າ ແລະ ທົບທວນຫລັງຈາກຮຽນແລ້ວ : ເຊື່ອວ່າຂໍ້ນີ້ຖືກໃຈຄົນຂີ້ຄ້ານຈື່ ເຄັດລັບງ່າຍໆອ່ານລ່ວງໜ້າກ່ອນເຂົ້າຫ້ອງຮຽນປະມານ 10 – 15 ນາທີ, ອ່ານຜ່ານໆພຽງແຕ່ຫົວຂໍ້ ໃຫ້ພໍຮູ້ວ່າມື້ນີ້ເຮົາຈະຮຽນຫຍັງ ເມື່ອຮອດຕອນແລງກໍອ່ານທົບທວນຜ່ານໆອີກຮອບໜຶ່ງ ວ່າມື້ນີ້ເຮົາຮຽນຫຍັງໄປແດ່.
  3. ຄົນຮຽນເກັ່ງບໍ່ເລື່ອນໄປມື້ນັ້ນມື້ນີ້ : ເຖິງວ່າຫລາຍໆຄົນຈະຮູ້ຢູ່ວ່າການເລື່ອນອອກໄປເລື້ອຍໆ ບໍ່ແມ່ນເລື່ອງທີ່ດີ ເພາະເກີດການສະສົມ. ດັ່ງນັ້ນ, ເມື່ອມີວຽກຫຍັງຕ້ອງເຮັດກໍຄວນຈັດການໃຫ້ຮຽບຮ້ອຍໄປເທື່ອລະຢ່າງ.
  4. ຄົນຮຽນເກັ່ງບໍ່ຮຽນອັດໃສ່ບາດດຽວກ່ອນສອບເສັງ : ຖ້າບໍ່ຍອມຕັ້ງໃຈຮຽນນັບແຕ່ເລີ່ມເປີດບົດທີສອງ ກໍລືມບົດທຳອິດ ເມື່ອອ່ານບົດທີສາມກໍລືມທົດທີສອງແບບນີ້ເອີ້ນວ່າໄດ້ໜ້າລືມຫລັງ.
  5. ຄົນຮຽນເກັ່ງລົງມືແກ້ບົດຝຶກຫັດ ແລະ ເຮັດວຽກບ້ານ : ເຮົາໃຊ້ເວລາຮຽນທິດສະດີໜ້ອຍດຽວ ເອົາໃຫ້ໄດ້ຄົບແລ້ວໃຊ້ເວລາທີ່ເຫລືອໄປທຸ້ມເທໃຫ້ກັບການເຮັດບົດຝຶກຫັດ ຫລື ເຮັດວຽກບ້ານຫລາຍໆທຸກມື້ ຖ້າຢາກຮຽນເກັ່ງ ເຮົາກໍຕ້ອງໝັ່ນແກ້ບົດຝຶກຫັດ ແລະ ເຮັດວຽກບ້ານຫລາຍໆ.
  6. ຄົນຮຽນເກັ່ງຮຽນຮູ້ຈາກຮູບໃຫຍ່ໄປຮູບນ້ອຍ : ມັນຈະງ່າຍກ່ວາຫລາຍຖ້າເຮົາເບິ່ງຄວາມສຳພັນຂອງເນື້ອໃນທັງໝົດໂດຍລວມວ່າມັນກ່ຽວຂ້ອງກັບຫຍັງ ແລ້ວມີຫົວຂໍ້ຫຍັງແດ່, ແຕ່ລະຫົວຂໍ້ກ່ຽວຂ້ອງກັນແນວໃດ ເປັນຕົ້ນແມ່ນການເຮັດ Mind map ຈະຊ່ວຍໄດ້ຫລາຍ.
  7. ຄົນຮຽນເກັ່ງເຮັດສະຫລຸບດ້ວຍຕົນເອງ : ເຊິ່ງຈະເປັນການທົບທວນ ແລະ ສະຫລຸບເນື້ອໃນດ້ວຍຕົນເອງ.
  8. ຄົນຮຽນເກັ່ງຮຽນກັນເປັນກຸ່ມ ປ່ຽນກັນຖາມປ່ຽນກັນຕອບ : ການອ່ານຄົນດຽວບາງເທື່ອເຮົາກໍເບິ່ງຂ້າມເລື່ອງສຳຄັນບາງເລື່ອງໄປ. ການຈັບກຸ່ມກັບໝູ່ສອນໃຫ້ກັນ ຫລື ປ່ຽນກັນຖາມຕອບກ່ອນສອນກໍຊ່ວຍໄດ້.
  9. ໝັ້ນໃຈໃນໂຕເອງ ຢ່າຄິດວ່າໂຕເອງບໍ່ເກັ່ງ ຮຽນແນວໃດກໍບໍ່ໄດ້ : ຂໍ້ຫ້າມທີ່ສຳຄັນຫລາຍໆແມ່ນຫ້າມຄິດວ່າໂຕເອງບໍ່ເກັ່ງ ແລ້ວບໍ່ສາມາດເຮັດໄດ້ ຄົນບໍ່ເກັ່ງກໍມີວິທີຮຽນດີຂອງຄົນບໍ່ເກັ່ງຄືກັນ ທໍ້ໄດ້ແຕ່ຫ້າມຍອມແພ້ເດັດຂາດ.
  10. ຄົນຮຽນເກັ່ງເບິ່ງແຍງດູແລຕົນເອງ, ກິນໃຫ້ພໍ, ນອນໃຫ້ພໍ: ຫລາຍໆຄົນຄິດວ່ານີ້ແມ່ນເຄັດລັບບ່ອນໃດ ແຕ່ຄວາມຈິງແລ້ວມັນເປັນສຸດຍອດເຄັດລັບທີ່ເຮັດໃຫ້ຮຽນເກັ່ງຈາກພາຍໃນຮ່າງກາຍທີ່ແຂງແຮງສົມບູນ, ກິ່ນອີ່ມນອນຫລັບ ຈະສົ່ງຜົນໃຫ້ສະໝອງປອດໂປ່ງໄປນຳ ເມື່ອສະໝອງປອດໂປ່ງ ຈະຄິດຈະຈື່ຫຍັງກໍງ່າຍກ່ວາໄວກ່ວາ ແລະ ຫລາຍກ່ວາ.
- WhatsApp Image 2020 05 27 at 5 - ຢາກຮຽນເກັ່ງຕ້ອງເຮັດແນວໃດ ?
- WhatsApp Image 2020 05 27 at 5 - ຢາກຮຽນເກັ່ງຕ້ອງເຮັດແນວໃດ ?
- Wave100S AD to Website 2020 0 - ຢາກຮຽນເກັ່ງຕ້ອງເຮັດແນວໃດ ?
error: Alert: ເນື້ອຫາຂ່າວມີລິຂະສິດ !!