ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ

- MG 3104 - ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ
- Untitled design - ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ

ສະມາຄົມກິລາຄົນເຊື້ອຊາດລາວທີ່ອາ​ໄສຢູ່ແຂວງເກເບັກ ປະເທດການາດາ ​ຮ່ວມ​ກິດຈະ​ກໍາ​​​ບານ​​ເຕະມິດຕະພາບ​ກັບສູນໂຄສະນາຂ່າວສານການສຶກສາ ແລະ ກິລາ ກະຊວງສຶກສາທິການ ແລະ ກິລາ ​ເນື່ອງໃນໂອກາດເດີນທາງມາຢ້ຽມຢາມບ້ານເກີດເມືອງນອນ ເພື່ອ​ຝັງ​ແໜ້ນ​ຄວາມ​​ເປັນ​ລາວ​ຮັກ​ແພງ​ສາມັກ​ຄີ​ກັນ ​ເຊິ່ງຈັດ​ຂຶ້ນ​ຢູ່​ທີ່ສະໜາ​ມຫຍ້າ​ທຽມ​​ລ້ານ​ຊ້າງ​ ບ້ານ​ໜອງ​ໄຮ ນະຄອນຫຼວງ​ວຽງ​ຈັນ ​​ໃນວັນ​ທີ 6 ມັງກອນ 2018 ​ນີ້.

​           ເຂົ້າ​ຮ່ວມ​ເປັນ​ປະທານ​ຂອງທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ພາລັກ ທິຣະກຸນ ຫົວໜ້າສະມາຄົມກິລາຄົນເຊື້ອຊາດລາວ ແຂວງເກເບັກ ປະເທດການາດາ, ມີອະດີດນັກກິລາທີມຊາດ ແລະ ນັກກິລາທັງ 2 ຝ່າຍ ເຂົ້າຮ່ວມຢ່າງເປັນຂະບວນຟົດຟື້ນ.

ການແຂ່ງຂັນກິລາບານ​ເຕະມິດຕະພາບດັ່ງກ່າວ ສຳລັບທີມສູນໂຄສະນາຂ່າວສານ ການສຶກສາ ແລະ ກິລາ ກະຊວງສຶກສາທິການ ແລະ ກິລາ ແມ່ນໄດ້​ເຕົ້າ​ໂຮມເອົາບັນດາອະດີດນັກກິລາເຕະບານທີມຊາດຫຼາຍຮຸ່ນມາຮ່ວມ​ເຕະບານແລກປ່ຽນປະສົບການກັບ ທີມສະມາຄົມກິລາຄົນເຊື້ອຊາດລາວ ທີ່ການາດາ ​ເຊິ່ງ​ໄດ້ແບ່ງອອກຝ່າຍ​ລະ 2 ທີມ ຄື: ທີມ A ແລະ ທີມ B ​ເຊິ່ງຜົນການແຂ່ງຂັນປາກົດວ່າ: ທີມ A ​ແລະ ທີມ B ສູນໂຄສະນາ ເອັຟຊີ ເສຍໃຫ້ ທີມ A ​ແລະ ທີມ B ສະມາຄົມກິລາ ຄົນເຊື້ອຊາດລາວທີ່​​ການາ​ດາ.

ທ່ານ ຄຳ​​ແສນ ສີສະ​ຫວົງ ປະທານກຸ່ມ​ການ​ສຶກສາ​ແສງ​ສະຫວັນ ກ່າວ​ວ່າ: ການ​ຈັດ​ກິດຈະ​ກໍາ​ຄັ້ງ​ນີ້ ບໍ່​ໄດ້​ເນັ້ນ​ທີ່​ຜົນ​ການ​ແຂ່ງຂັນ​, ​ແຕ່​ຈະ​ເນັ້ນ​ໃສ່ການ​ສ້າງຄວາມ​ສາມັກຄີຂອງ​ຄົນ​ລາວ​ເຮົາ ​ບໍ່​ວ່າ​ຈະ​ຢູ່​ໃນ​ປະ​ເທດ, ຕ່າງປະ​ເທດ​ໃດ​ກໍຕາມກໍຍັງ​ຮັກ​ແພງ​ກັນ​ຕະຫລອດ​ມາ.

- Wave100S AD to Website 2020 0 - ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ

ທ່ານຮອງລັດຖະມົນຕີ ກ່າວ​ວ່າ: ນີ້​​ເປັນການສ້າງ​ມິດຕະພາບ​ທີ່​ດີ ​ແລະ​ ກໍ​ດີ​ໃຈທີ່​ຄົນ​ລາວ​​ເຮົາ​ຍັງ​ຮັກ​ເຊື້​ອ​ແພງ​ຊາດ​ຄົນ​ລາວ​ບໍ່​ຖິ້ມ​ກັນ ຂໍ​ໃຫ້ສືບ​ຕໍ່​ຮັກສາ​ມູນ​​ເຊື້​ອອັນດີງາມຂອງ​​ລາວ​ໄວ້​ຕະຫຼອດ​ໄປ.

ນີ້ເປັນການສ້າງຂະບວນການຂໍ່ານັບຊົມເຊີຍວັນສຳຄັນຕ່າງໆຂອງຊາດເຊັ່ນ: ວັນສະຖາປະນາ ສປປ ລາວ ຄົບຮອບ 42 ປີ, ວັນຄ້າຍວັນເກີດອະດີດປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ຄົບຮອບ 97 ປີ, ວັນສ້າງຕັ້ງຄະນະກຳມະການໂອແລມປິກແຫ່ງຊາດລາວ ຄົບຮອບ 39 ປີ ໄປຄຽງຄູ່ກັບການສະເຫຼີມສະຫຼອງການເປີດປີທ່ອງທ່ຽວລາວ ປີ 2018.

- WhatsApp Image 2020 05 27 at 5 - ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ
- WhatsApp Image 2020 05 27 at 5 - ຮ່ວມເຕະບານມິດຕະພາບ ຮັດແໜ້ນຄວາມສາມັກຄີ
error: Alert: ເນື້ອຫາຂ່າວມີລິຂະສິດ !!