ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ

- 26772000 1162309603904517 762271442 o - ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ
- Untitled design - ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ

ສະໂມສອນເປຕັງ ຕຸ່ນຈິເວີຣີ ກຽມຈັດການແຂ່ງຂັນກິລາເປຕັງປະເພດທີມຄູ່ຊາຍ ຮຸ່ນທົ່ວໄປ ຂຶ້ນລະຫວ່າງກາງເດືອນມັງກອນ 2018 ທີ່ສະໂມສອນເປຕັງຕຸ່ນຈິເວີຣີ ບ້ານທົ່ງຂັນຄໍາ ເມືອງ ຈັນທະບູລີ ນະຄອນຫລວງວຽງຈັນ ເພື່ອຊີງຂັນປະທານສະ​ໂມ​ສອນເປຕັງຕຸ່ນຈິເວີຣີ ຄັ້ງທີ 1 ພ້ອມທັງຊີງເງິນລາງວັນ 15 ລ້ານກີບ.

ຕາມການເປີດເຜີຍຂອງທ່ານ ວັນສີ ສີໃສແກ້ວ ປະທານສະໂມສອນເປຕັງ ຕຸ່ນຈິເວີຣີ ໃຫ້ສໍາພາດວ່າ: ໃນລະຫວ່າງວັນທີ 20-21 ມັງກອນ 2018 ນີ້ ສະໂມສອນເປຕັງ ຕຸ່ນຈິເວີຣີ ຈະເປີດການແຂ່ງຂັນກິລາເປຕັງຮຸ່ນທົ່ວໄປຊີງຂັນປະທານສະ​ໂມ​ສອນເປຕັງ ຕຸ່ນຈິເວີຣີ ຄັ້ງທີ 1 ປະຈຳປີ 2018 ຊີງເງິນລາງວັນລວມ 15 ລ້ານກີບ, ໃນນັ້ນທີມຊະນະເລີດຈະໄດ້ຮັບຂັນເງິນທີ່ຜະລິດຈາກຮ້ານຂາຍຄຳ ແລະ ເງິນຄົບວົງຈອນ ຕຸ່ນຈິເວີຣີ ສະເພາະ 1 ໜ່ວຍ ພ້ອມເງິນສົດ 10 ລ້ານກີບ, ຮອງຊະນະເລີດ ຈະໄດ້ຮັບຂັນໂລ້ ແລະ ເງິນສົດ 3 ລ້ານກີບ, ທີ 3 ຈະໄດ້ຮັບຂັນໂລ້ ພ້ອມເງິນສົດ 2 ລ້ານກີບ ແລະ ທີ 4 ຈະໄດ້ຮັບລາງວັນຊົມເຊີຍ ຈຳນວນໜຶ່ງ. ການແຂ່ງຂັນຄັ້ງນີ້ຄາດວ່າຈະມີບັນດາສະໂມສອນທີ່ມີຊື່ສຽງໃນຂອບເຂດທົ່ວປະເທດ​ເຂົ້າຮ່ວມ.

ປະທານສະໂມສອນ ເປຕັງຕຸ່ນຈິເວີຣີ ບອກຕື່ມອີກວ່າ: ການແຂ່ງຂັນຄັ້ງນີ້ຈັດຂຶ້ນ ເຊິ່ງມີຈຸດປະສົງຫລັກ ເພື່ອສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບ ປະຊາຊົນ ປະຕິວັດລາວ ຄົບຮອບ 69 ປີ (ວັນທີ 20 ມັງກອນ 1949 ຫາ 20 ມັງກອນ 2018) ພ້ອມທັງສ້າງໂອກາດໃຫ້ນັກກິລາເປຕັງລາວໄດ້ເຄື່ອນໄຫວຮ່ວມກິດຈະກຳເພື່ອພັດທະນາຕົນເອງກ້າວຂຶ້ນໄປເປັນນັກກິລາລະດັບອາຊີບ ແລະ ຮັບໃຊ້ທີມຊາດໃນອະນາຄົດ. ຄຽງຄູ່ກັນນັ້ນ, ກໍຍັງເປັນການກຽມຄວາມພ້ອມໃຫ້ທຸກພາກສ່ວນເຂົ້າຮ່ວມງານມະຫາກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າໃນທ້າຍປີ 2018 ອີກດ້ວຍ.

- Wave100S AD to Website 2020 0 - ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ
- WhatsApp Image 2020 05 27 at 5 - ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ
- WhatsApp Image 2020 05 27 at 5 - ກຽມຈັດແຂ່ງຂັນເປຕັງຊາວໜຸ່ມທົ່ວໄປ ຊີງຂັນປະທານສະໂມສອນຕຸ່ນຈິເວີຣີ
error: Alert: ເນື້ອຫາຂ່າວມີລິຂະສິດ !!