ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ

- Silk road - ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ
- Untitled design - ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ

ກອງປະຊຸມອິນເຕີເນັດໂລກຄັ້ງທີ 4 “The 4th World Internet Conference” ໄດ້ຈັດຂຶ້ນທີ່ເມືອງວູເຈິ້ນ ສປຈີນ ເມື່ອບໍ່ດົນນີ້, ຊຶ່ງແມ່ນຄະນະກຳມະການພັດທະນາ ແລະ ປະຕິຮູບແຫ່ງຊາດຈີນຮ່ວມກັບຄະນະກຳມະການບໍລິຫານອິນເຕີເນັດ ສປຈີນ ເປັນຜູ້ຈັດຂຶ້ນ. ຄະນະຜູ້ແທນລາວນໍາໂດຍທ່ານ ບຸນສະເຫລີມໄຊ ເຄນນາວົງ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ພ້ອມທັງໄດ້ຂຶ້ນມີຄໍາເຫັນໃນຫົວຂໍ້: “ລິເລີ່ມການຮ່ວມມືສາກົນດ້ານເສດຖະກິດດີຈີຕອນຕາມໜຶ່ງແລວທາງໜຶ່ງເສັ້ນທາງ” ໂດຍໃຫ້ເຫັນວ່າຂໍ້ລິເລີ່ມດັ່ງກ່າວເປັນເງື່ອນໄຂອັນດີໃຫ້ກັບຫລາຍປະເທດໃນພາກພື້ນ ແລະ ສາກົນ ລວມທັງ ສປປ ລາວ ທີ່ເປັນສ່ວນໜຶ່ງຂອງເສັ້ນທາງສາຍໄໝດີຈີຕອນ, ທີ່ຈະຊ່ວຍຫັນປະເທດລາວຈາກບໍ່ມີຊາຍແດນຕິດຈອດທະເລໃຫ້ກາຍເປັນປະເທດທີ່ມີການເຊື່ອມໂຍງ, ເປັນທາງຜ່ານດ້ານໂທລະຄົມ ມະນາຄົມ ແລະ ອິນເຕີເນັດ, ພ້ອມທັງເປັນສ່ວນສຳຄັນໃນການກ້າວເຂົ້າສູ່ການພັດທະນາເສດຖະກິດດີຈີຕອນ, ຊຶ່ງທັງເປັນບາດກ້າວໃໝ່ໃນການຈັດຕັ້ງປະຕິບັດບົດບັນທຶກຄວາມເຂົ້າໃຈ (MOU) ລະຫວ່າງກະຊວງໄປສະນີ, ໂທລະຄົມມະນາຄົມ ແລະ ການສື່ສານລາວ ແລະ ອົງການ NDRC ສປຈີນ ທີ່ໄດ້ລົງນາມຮ່ວມກັນໃນລະຫວ່າງການຢ້ຽມຢາມລັດຖະກິດ ສປປ ລາວ ຂອງທ່ານ ສີ ຈິ້ນຜິງ ປະທານປະເທດແຫ່ງ ສປຈີນ ລະຫວ່າງວັນທີ 13-14 ພະຈິກ 2017 ຜ່ານມາ. ນອກຈາກນີ້, ຄະນະຜູ້ແທນລາວຍັງໄດ້ເຂົ້າຮ່ວມກອງປະຊຸມປິ່ນອ້ອມທີ່ສຳຄັນຫລາຍຫົວຂໍ້ຄື: IoT (Internet of Things), ການເຊື່ອມຕໍ່ອິນເຕີເນັດຄວາມໄວສູງ (Internet Plus), ປັນຍາປະດິດ (Arificial Intelligent) ແລະ ການຄ້າທາງເອເລັກໂຕຣນິກ (E-Commerce), ພ້ອມທັງຮັບຟັງການບັນຍາຍກ່ຽວກັບການພັດທະນາອຸດສາຫະກຳໄອຊີທີຂອງໂລກເຂົ້າໃນເສດຖະກິດຈາກຜູ້ອຳນວຍການໃຫຍ່ບໍລິສັດ ອາລີບາບາ (Alibaba), ສີສໂກ (Cisco), ແອບເປີນ (Apple) ແລະ ກູເກິນ (Google).

- WhatsApp Image 2020 05 27 at 5 - ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ
- WhatsApp Image 2020 05 27 at 5 - ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ
- Wave100S AD to Website 2020 0 - ລາວມີບົດບາດສໍາຄັນໃນເສັ້ນທາງສາຍ​ໄໝດີຈີຕອນ
error: Alert: ເນື້ອຫາຂ່າວມີລິຂະສິດ !!