ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ

- sikeut dongdok way - ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ
- Untitled design - ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ

ການ​ກໍ່ສ້າງ​​ເສັ້ນທາງ​​ແຕ່​ສີ່​ແຍກຕານ​ມີ​ໄຊ​-ສີ​ເກີດນະຄອນຫລວງ​ວຽງຈັນ, ຍາວຫລາຍ​ກວ່າ 9 ​​ກິ​ໂລ​ແມັດ, ​​ໂດຍ​ແມ່ນກຸ່ມບໍລິສັດຕັ້ງ​ຈະ​ເລີ​ນຈຳກັດ ​ເປັນ​ຜູ້​ລົງທຶນ​ກ່ອນໃນ​ມູນ​ຄ່າ 45​ ລ້ານ​ໂດ​ລາ​ສະຫະລັດ​, ​ໂດຍ​ຄາດ​ວ່າ​ຈະ​ໃຫ້​ສຳ​​ເລັດ​ພາຍໃນ​​​ເວລາ 2 ​ປີ​​, ​ແຕ່​ປີນີ້​ກໍເປັນ​ປີ​ສຸດ​ທ້າຍ​ຂອງ​ໂຄງການ​ແລ້ວ,​ ແຕ່​ສາມາດ​​ເຮັດ​ຕົວ​ຈິງຄືບ​ໜ້າພຽງ 30%,​ ຕໍ່​ຄວາມຫລ້າ​ຊ້າ​ດັ່ງກ່າວ​ຜູ້​ເປັນ​​ເຈົ້າ​ຂອງ​ໂຄງການ​​ອອກ​ມາ​ຊີ້​ແຈງ​ຕໍ່​ນັກ​ຂ່າວ​ລາວ​ພັດ​ທະນາ​ໃນ​ມື້ວານ​ນີ້ວ່າ: ການ​ປະຕິບັດ​ບໍ່​ເປັນ​ໄປ​ຕາມ​ສັນຍາ, ​ຍັງ​ມີ​ຫລາຍ​ບັນຫາຕິດ​ພັນເຮັ​ດ​ໃຫ້​​ເກີດ​ຄວາມຫລ້າ​ຊ້າ, ປັດຈຸ​ບັນ​ປະຊາຊົນ​ວອນ​ໃຫ້ຜູ້​ໃຊ້​ລົດ​ໃຊ້​ຖະໜົນຄ່ອຍ​ແລ່ນ​ຍ້​ອນຂີ້ຝຸ່ນ​ໄງ່​​.

ດ້ານ​ຜູ້​ລົງທຶນ​ ກ່າວວ່າ: ພວກ​ເຮົາ​ໄດ້​ສຸມ​ທຸກ​ກຳລັງ​​ແຮງທັງ​ດ້ານ​ການ​ເງິນ,​ແຮງງານ​, ກົນ​ຈັກ ແລະ​​ ອຸປະກອນ​ຕ່າງໆ ເພື່ອ​​ໃຫ້ສຳ​ເລັດ​ຕາມ​​ສັນຍາ​ຂອງ​ໂຄງ​ການທີ່​ກຳນົດ​ໄວ້, ​ແຕ່​ຜ່ານການ​ປະຕິບັດຕົວ​ຈິງ​ເຫັນ​ວ່າ​ມີຫລາຍ​ອັນຫຍຸ້ງຍາກ, ໂດຍ​ສະ​ເພາະການ​ຍົກຍ້າຍ​ສິ່ງ​ກີດ​ຂວາງກໍຍັງ​ບໍ່​ທັນ​ສຳ​ເລັດ, ການ​ຊຳລະ​​ເງິນ​ຂອງ​ລັດຄືນ​ໃຫ້​ບໍລິສັດ​ບໍ່​ເປັນ​ໄປ​ຕາມ​ສັນຍາ, ກໍໃຫ້​ເກີດ​ການ​ຂາດ​ສະພາບ​ຄ່ອງ​ທຶນ​ໝູນວຽນ​ ແລະ​ ບັນຫາ​ອື່ນໆອີກທີ່ເຮັດ​ໃຫ້​ເກີດ​ຄວາມ​ຊັກ​ຊ້າ, ​ແນວ​ໃດ​ກໍຕາ​ມ, ພວກ​ເຮົາ​​ຍັງ​ຈະສືບ​ຕໍ່​ເຮັດ​ເພື່​ອ​ໃຫ້​ແລ້ວ​ຕາມ​ແຜນ​ ແລະ ​ສ່ວນ​ໜຶ່ງ​ກໍ​ໄດ້​ເທ​ຄອນ​ກຣີດ​ແລ້ວ ​ແລະ ​​ເລັ່ງໜ້າ​ວຽກ​ສ່ວນ​ທີ່​ເຫຼືອ​ໃຫ້​ແລ້ວ​ຕາມກຳ​ນົດ.

ທ່ານ ຫຸມພັນ ພະ​ດວງ​ເດດ ຫົວໜ້າ​ໂຄງການ​ກໍ່ສ້າງເສັ້ນທາງດັ່ງກ່າວ ໃຫ້ຮູ້ວ່າ: ​ໂຄງການ​ນີ້​ຈະ​ສີ້ນສຸດ​ໃນ​ເດືອນ​ພະຈິກ 2018 ​ນີ້, ​ແຕ່​ການ​ກໍ່ສ້າງ​​ໄດ້ພຽງ 30% ​ແລ​ະ ພວກ​ເຮົາ​ກຳລັງ​ເລັ່ງ​ໃຫ້​ບໍລິສັດ​ເສີ​ມ​ແຮງ​ງານ ​ແລະ​ ກົນຈັກ​ເຂົ້າ​ຕື່ມ​ເພື່ອ​ໃຫ້​ສຳ​ເລັດ​ຕາມ​ແຜນ, ​ແຕ່​ຄວາມ​ຫລ້າ​ຊ້າທີ່​ເກີ​​ດຂື້ນກໍ​ບໍ່​ໄດ້​ໂທດ​ແຕ່​ບໍລິສັດ​ພຽງ​ຝ່າ​ຍດຽວ, ການ​ຍົກຍ້າຍ​ສິ່ງ​ກີດ​ຂວາງ​ກໍ​ຍັງ​​ບໍ່​ທັນ​ສຳ​ເລັດ​, ໂດຍສະ​ເພາະ​ໄຟຟ້າ, ນ້ຳ​ປະ​ປາ, ສາຍ​​ໄຍ​ແກ້ວ​ຕ່າງໆ, ລວມທັງ​ການ​ຊຳລະ​ເງິນ​ຂອງ​ລັດ​ຄືນ​ໃຫ້​ບໍລິສັ​ດກໍ​ບໍ່​ທ່ວງທັນ​ ແລະ ​ເປັນ​ໄປ​ຕາມ​ສັນຍາ,​ ແນວ​ໃດ​ກໍຕາມ​ໃນ​ນາມ​ຜູ້​ຕິດ​ຕາມ​ໂຄງການ​ກໍ​ຈະ​ພະຍາຍາມ​ເຮັດ​ໃຫ້​ດີ​ທີ່​ສຸດ ​ແລະ ​ທັນ​ເວລາ ​ເພື່ອ​ສ້າງ​ໃບ​ໜ້າ​ໃໝ່​ຕ້ອນຮັບປີ​ທ່ອງ​ທ່ຽວ​ລາວ 2018.

- Wave100S AD to Website 2020 0 - ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ

ດ້ານ​ປະຊາຊົນ​ກໍອອກ​ມາ​ຂໍ​ວອນ​ໃຫ້ຜູ້​ໃຊ້​ລົດ​ໃຊ້​ຖະໜົນ​ຄ່ອຍ​ແລ່ນ​ລົດ,​ ​ເພາະ​ຂີ້​ຝຸ່ນ​ໄງ່​ຫລາຍ, ຜູ້​ຢູ່​ໃກ້​ລຳບາກ​ຫາຍ​ໃຈ​ກໍ​ຍາກ, ທ່ານຮອງ​ປະທານ​ບໍລິສັດ​ຊີ້​ແຈງ​ວ່າ: ພວກ​ເຮົາ​ກໍ​ມີ​ໜ່ວຍ​ງານ​ລົດ​ຫົດ​ທາງ​ຮັບ​ໃຊ້​ຢູ່ ​3 ​ຄັນ​, ມື້ໜຶ່ງ​ຫົດ​ຫລາຍ​ຖ້ຽວ​ຈົນ​ເປັນ​ຕົມ, ​ແຕ່ບ່ອນ​ຫົດ​ຜູ້​ຂັບ​ຂີ່​ພັດ​ບໍ່​ໄປ, ບາງ​ບ່ອນ​ຫົດ​ແລ້ວ​ກໍແຫ້ງ​ໄວຍ້​ອນລົດ​ທຽວຫລາຍເຮັດ​ໃຫ້​​ເກີດ​ຂີ້​ຝຸ່ນ​ໄງ່, ​ແຕ່​ເຖິງ​ຢ່າງ​ໃດ​ກໍຕາມ, ​ເບື້ອງ​ຜູ້​ຮັບ​ເໝົາ​ກໍ​ຈະ​ເຮັດ​ໃຫ້​ດີ​ທີ່​ສຸດ​ເພື່ອ​ຄວາມ​ສະດວກ​ຂອງ​ປະຊາຊົນ.

+ຜູ້ຮັບເໝົາກໍ່ສ້າງທາງຕານມີໄຊ-ໜອງບຶກຊີ້ແຈງກໍລະນີຊັກຊ້າ

- WhatsApp Image 2020 05 27 at 5 - ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ
- WhatsApp Image 2020 05 27 at 5 - ທາງ​ຕານ​ມີ​ໄຊ-ສີ​ເກີດຫລ້າ​ຊ້າຍ້ອນຫລາຍ​ບັນຫາ​ຖ່ວງດຶງ
error: Alert: ເນື້ອຫາຂ່າວມີລິຂະສິດ !!