ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ

- sapha - ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ
- Untitled design - ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ

ວັນ​ທີ 8 ມັງກອນນີ້, ຢູ່​ຫ້ອງການ​ປົກຄອງ​ນະຄອນຫລວງ​ວຽງຈັນ​ໄດ້​ມີ​ກອງ​ປະຊຸມ​ສະຫລຸບ​ວຽກງານ​ປະຈຳ​ປີຂອງ​ສະມາຊິກສະພາ​ແຫ່ງ​ຊາດຊຸດ​ທີ VIII ປະຈຳ​ເຂດ​ເລືອກ​ຕັ້ງ​ທີ 1 ນະຄອນຫລວງ​ວຽງຈັນ, ​ໂດຍ​ການ​ເປັນ​ປະທານ​ຂອງ​ທ່ານ ອານຸພາບ ຕຸ​ນາ​ລົມ ປະທານ​ສະພານະຄອນຫລວງ​ວຽງຈັນ,​ ມີ​ບັນດາ​ສະມາຊິກ​ສະພານະຄອນຫລວງ​ວຽງຈັນ​ເຂົ້າ​ຮ່ວມ​ຢ່າງ​ພ້ອມພຽງ.

ທ່ານປະທານ​ສະພານະຄອນຫລວງ​ວຽງຈັນ​ ໃຫ້​ຮູ້​ວ່າ: ກອງ​ປະຊຸມ​ດັ່ງກ່າວ, ຈັດ​ຂຶ້ນ​ເພື່ອ​ທົບ​ທວນຄືນ​ວຽກງານ​ໃນ​ໄລຍະ​ທີ່​ຜ່ານ​ມາຕາມ​ພາລະ​ບົດບາດ​ຂອງ​ຕົນ​ໃນ​ການຕິດຕາມກວດກາການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​, ການ​ພັດ​ທະນາພຶ້ນຖານ​ໂຄງ​ລ່າງທີ່​ສົ່ງ​ຜົນ​ກະທົບ​ຕໍ່ການ​ດຳລົງ​ຊີວິດ​ຂອງ​ປະຊາຊົນ, ການ​ດຳ​ເນີນ​ງານ​ຂອງ​ຫົວໜ່ວຍທຸລະ​ກິດທີ່​ເຄື່ອນ​​ໄຫວ​ບໍ່ຖືກຕ້ອງ​ຕາມ​ລະບຽບກົດໝາຍ, ​ກວດກາ​​ແກ້​ໄຂ​ຂໍ້​ຂັດ​ແຍ່ງ​ຕ່າງໆທີ່​ເກີດ​ຂຶ້ນ​ໃນ​ສັງຄົມ​, ລົງ​ເຄື່ອນ​ໄຫວ​ຕິດຕາມ​ກວດກາ​​ໂຄງການ​ລົງທຶນ​ຕ່າງໆ​ເຊັ່ນ: ​ໂຄງການ​ສຳ​ປະທານ​​ເນື້ອທີ່​ດິນສະຫນາມຂີ້​ເຫຍື້ອຫລັກ 32 ​ເມືອງ​ໄຊ​ທານີ, ​ໂຄງ​ການ​ສ້ອມ​ແປງ​​ ແລະ ກໍ່ສ້າງ​ຊົນລະປະທານ​ອ່າງ​ເກັບ​ນ້ຳ​ຫ້ວຍໝ້ຽງຢູ່​ບ້ານນາ​ປໍ​ເມືອງສັງ​ທອງ, ​ໂຄງການ​ຕິດ​ຕັ້ງ​ສາຍ​ສົ່ງ​ໄຟຟ້າ​ແຮງ​ສູງຂອງ​ເຂື່ອນ​ໄຟຟ້າ​ນ້ຳ​ງຽບ 1 ​ເຂດ​ເມືອງ​ປາກງື່ມ, ​ໂຄງການ​ສຳ​ຫລວດ​ຂຸດ​ຄົ້ນ​ແຮ່​ເກືອ​ກາລີຢູ່​ບ້ານ​ພ້າວ​ເມືອງ​ປາກງື່ມ, ​ໂຄງການ​ສຳ​ປະທານ​ສວນ​ວັດຊຽງຄວນ ​ແລະ ຕິດຕາມ​ກວດກາ​ໂຄງການ​ກໍ່ສ້າງ​ເສັ້ນທາງ​ລົດ​ໄຟ​ລາວ-ຈີນ ທີ່​ສົ່ງ​ຜົນ​ກະທົບ​ຕໍ່ປະຊາຊົນ​ໃນ​​ເຂດ ນະຄອນຫລວງ​ວຽງຈັນ, ຕິດຕາມ​ກວດກາ​ຄ້າຍ​ຄຸມ​ຂັງດັດ​ສ້າງ, ສູນ​ບຳບັດ​ຢາ​ເສບ​ຕິດ, ​ເອົາ​ໃຈ​ໃສ່​ຊຸກຍູ້​ພາກ​ສ່ວນກ່ຽວຂ້ອງ​ແກ້​ໄຂ​ປະກົດ​ການ​ຫຍໍ້​ທໍ້ຕ່າງໆທີ່​ ສົ່ງຜົນ​ກະທົບ​ຕໍ່ສິ່ງ​ແວດ​ລ້ອມ ແລະ ສັງຄົມ, ຈາກ​ນັ້ນ​ກໍ​ໄດ້​ສົມທົບ​ກັບ​ສະພາ​ປະຊາຊົນສະ​ເຫ​ນີ​ໃຫ້​ອົງການ​ປົກຄອງພິຈາລະນາ​ປະຕິບັດ​ມາດ​ຕະການ​ຕໍ່ການ​ດຳ​ເນີນ​ກິດຈະການ​ທີ່​ບໍ່ຖືກຕ້ອງໃຫ້​ຢຸດ​​ເຊົາ ​ແລະ ​ໂຈະດຳ​ເນີນ​ກິດ​ຈະ​ການຊົ່ວຄາວ.

ກອງ​ປະຊຸມ​ຍັງ​ໄດ້​ຍົກ​ໃຫ້​ເຫັນວ່າ: ​ໃນ​ປີຜ່ານມາ, ​ສະມາຊິກ​ສະພາ​ແຫ່ງ​ຊາດ​ເຂດ I ​ໄດ້​ເອົາ​ໃຈ​ໃສ່ຄົ້ນຄວ້າ​ພິຈາລະນາ​ຄຳ​ຮ້ອງ​ຂໍ​ຄວາມ​ເປັນ​ທຳ​ຂອງ​ປະຊາ ຊົນ 291 ​ເລື່ອງ, ​ໃນ​ນັ້ນມີຄະດີ​ແພ່ງ 109 ​ເລື່ອງ, ຄະດີ​ອາຍາ 38 ​ເລື່ອງ ​ໂດຍ​ແກ້​ໄຂ​ແລ້ວ 100 ກ່ວາ​ເລື່ອງ, ສ່ວນ​ໃຫຍ່​ແມ່ນ​ບັນຫາ​ຂໍ້​ຂັດ​ແຍ່ງ​ເລື່ອງການ​ຊົດ​ເຊີຍ​ຂອງໂຄງການ​ລັດ ​ແລະ ອື່ນໆ.

- Wave100S AD to Website 2020 0 - ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ
- WhatsApp Image 2020 05 27 at 5 - ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ
- WhatsApp Image 2020 05 27 at 5 - ສະພານະຄອນຫລວງວຽງຈັນ​ໄດ້​ເອົາ​ໃຈ​ໃສ່​ຕິດຕາມ​ກວດກາ​ຫລາຍ​ໂຄງການ​ທີ່​ສົ່ງ​ຜົນ​ກະທົບ​ຕໍ່ສິ່ງ​ແວດ​ລ້ອມ ​ແລະ ສັງຄົມ
error: Alert: ເນື້ອຫາຂ່າວມີລິຂະສິດ !!