ອີຣານຫ້າມສອນພາສາອັງກິດ ໃນລະດັບປະຖົມສຶກສາ

- Untitled design - ອີຣານຫ້າມສອນພາສາອັງກິດ ໃນລະດັບປະຖົມສຶກສາ

ກະຊວງ​ສຶກສາ​ທິການ​ຂອງ​ອີຣານຫ້າມ​ການ​ຮຽນ​-ການ​ສອນ​ພາສາ​ອັງກິດ​ໃນ​ລະດັບ​ປະຖົມ​ສຶກສາ ​ເພາະ​ເປັນ​ຊ່ອງ​ທາງ​ໃຫ້​ເກີດ “ການ​ຄອບ​ງຳ” ຂອງ​ວັດທະນະທຳ​ຈາກ​ຕາ​ເວັນ​ຕົກ ​ໂດຍ​ໃຫ້​ເລີ່​ມສອນ​ນັບ​ແຕ່​ມັດທະຍົມ​ເປັນ​ຕົນ​ໄປ​ເທົ່າ​ນັ້ນ.

- 99503377 ayatollahkhameneireuters - ອີຣານຫ້າມສອນພາສາອັງກິດ ໃນລະດັບປະຖົມສຶກສາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຕຮາ​ລານ ປະ​ເທດ​ອີຣານ ​ໃນ​ວັນ​ທີ 9 ມັງກອນ​ວ່າ: ທ່ານ ​ເມ​ດີ ນາ​ວິດ-ອັດ​ຮາມ ​ເລຂາທິການ​ສະພາ​ການ​ສຶກສາ​ສູງ​ສຸດ ກ່າວ​ກັບ​ສຳນັກ​ຂ່າວ​ຟາ​ສນິວ ​ເຊິ່ງ​ເປັນ​ສຳນັກ​ຂ່າວ​ເຄິ່ງທາງ​ການ​ຂອງ​ລັດຖະບານ​ເຕຮາ​ລານ ​ໃນ​ທ້າຍ​ອາທິດ​ຜ່ານ​ມາ​ວ່າ: ການ​ຮຽນ-ການ​ສອນ “ພາສາ​ຕ່າງປະ​ເທດ” ​ໃນ​ໂຮງຮຽນ​ປະຖົມ​ສຶກສາ​ທັງ​ຂອງ​ລັດ ​ແລະ ຂອງ​ເອກະ​ຊົນ “ບໍ່​ໄດ້​ຮັບ​ອະນຸຍາດ​ອີກ​ຕໍ່​ໄປ” ​ແລະ ຖ້າ​ໂຮງຮຽນ​ປະຖົມ​ສຶກສາ​ແຫ່ງ​ໃດ​ກໍ​ຕາມ​ຈັດການ​ຮຽນ-ການ​ສອນ​ພາສາ​ຕ່າງປະ​ເທດ ນອກ​ເໜືອ​ຈາກ​ເວລາ​ຮຽນ​ປົກກະຕິ “ຖື​ວ່າ​ຜິດ​ກົດໝາຍ” ​ເຊັ່ນ​ກັນ ​ໂດຍ​ພາສາ​ຕ່າງປະ​ເທດ​ຕາມ​ຄຳ​ກ່າວ​ຂອງ​ທ່ານ ອັດ​ຮາມ ນັ້ນ ໝາຍ​ເຖິງ “ພາສາ​ອັງກິດ”.

​ເຖິງ​ຢ່າງ​ໃດ​ກໍ​ຕາມ, ມາດ​ຕະການ​ຫ້າມ​ດັ່ງກ່າວ​ບໍ່ມີ​ຜົນ​ຕໍ່​ຫລັກສູດ​ໃນ​ລະດັບ​ມັດທະ​ຍົມ​ສຶກສາ ​ແລະ ສະ​ຖາ​ບັນ​ສອນ​ພາສາ​ຂອງ​ເອກະ​ຊົນ​ທີ່ຢູ່​ນອກ​ຫລັກສູດ​ຂອງ​ລັດຖະບານ​ຢູ່​ແລ້ວ. ຂະນະ​ທີ່​ກະຊວງ​ສຶກສາ​ທິການ​ອອກ​ຖະ​ແຫລ​ງການ​ຊີ້​ແຈງ​ກ່ຽວ​ກັບ​ນະ​ໂຍບາຍ​ນີ້​ວ່າ: ​ເພື່ອ​ປ້ອງ​ກັນ “ການ​ຮຸ​ກຮານ” ​ແລະ “ການ​ຄອບ​ງຳ” ຂອງ​ວັດທະນະທຳ​ຈາກ​ຕາ​ເວັນ​ຕົກ.

- Wave100S AD to Website 2020 0 - ອີຣານຫ້າມສອນພາສາອັງກິດ ໃນລະດັບປະຖົມສຶກສາ

- WhatsApp Image 2020 05 27 at 5 - ອີຣານຫ້າມສອນພາສາອັງກິດ ໃນລະດັບປະຖົມສຶກສາ
- WhatsApp Image 2020 05 27 at 5 - ອີຣານຫ້າມສອນພາສາອັງກິດ ໃນລະດັບປະຖົມສຶກສາ
error: Alert: ເນື້ອຫາຂ່າວມີລິຂະສິດ !!