ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ

- 030801 2018 - ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ
- Untitled design - ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ

ຖ້າທ່ານເປັນຝ່າຍຊັບພະຍາກອນມະນຸດທີ່ຕ້ອງເຮັດໜ້າທີ່ນີ້ແລ້ວ ຢາກໃຫ້ເຊື່ອໝັ້ນໃນໂຕເອງວ່າເຮົາເຮັດໄດ້ ແລະ ມີເຕັກນິກ ດີໆທີ່ຊ່ວຍໃຫ້ຜູ້ສະໝັກໄດ້ໃຊ້ສັກກະຍະພາບໂຕເອງໄດ້ເຕັມທີ່  ຂໍແນະນຳ ແລະ ແລກປ່ຽນພື້ນຖານເຕັກນິກດັ່ງນີ້ :

  1. ໝວດຂໍ້ມູນທົ່ວໄປ (ຝ່າຍຊັບພະຍາກອນມະນຸດເຮັດເປັນປົກກະຕິຢູ່ແລ້ວ) :

– ປະຫວັດຕາມໃບສະໝັກ.

– ປະສົບການໆເຮັດວຽກໃນອະດີດ.

– ຄວາມສາມາດໃນຕຳແໜ່ງວຽກທີ່ສະໝັກ.

– ສິ່ງທີ່ສົນໃຈໃນທາງເລືອກມາສະໝັກຢູ່ອົງການ ຫລື ບໍລິສັດ.

  1. ໝວດສະແດງສັກກະຍະພາບຂອງຜູ້ຈັດການ (ສຳຄັນ) :

– ວິໄສທັດ.

– ພາວະຜູ້ນຳ.

– ຄວາມຊ່ຽວຊານໃນຕຳແໜ່ງວຽກ.

– ທັດສະນະຄະຕິ.

– ການບໍລິຫານທີມງານ.

ໂຕຢ່າງຄຳຖາມສຳຫລັບໝວດນີ້ແມ່ນ :

– ທ່ານຄິດວ່າຕຳແໜ່ງວຽກທີ່ ຕ້ອງເຮັດ ຖ້າໄດ້ຮັບການຄັດເລືອກຕ້ອງເຮັດຫຍັງແດ່ ?

– ຖ້າທ່ານໄດ້ຮັບຕຳແໜ່ງນີ້ແລ້ວຈະມີວິໄສທັດແນວໃດ ?

- Wave100S AD to Website 2020 0 - ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ

– ທ່ານຄິດວ່າຈະເຮັດໃຫ້ພະແນກ / ຝ່າຍວຽກນີ້ເຕີບໃຫຍ່ໄດ້ແນວໃດ ?

– ທ່ານຄິດແນວໃດກັບທີມງານທີ່ບໍ່ກະຕືລືລົ້ນ ?

– ທ່ານຈະເຮັດແນວໃດໃຫ້ລູກນ້ອງທີ່ບໍ່ກ້າເວົ້າ ສະແດງຄວາມຄິດເຫັນແດ່ ?

– ຖ້າຫາກທີມງານເບິ່ງເປົ້າໝາຍເປັນເລື່ອງຍາກ ທ່ານຈະຈູງໃຈເຂົາໄດ້ແນວໃດ ?

– ທ່ານຄິດວ່າພະນັກງານໃນພະແນກ / ຝ່າຍນີ້ຄວນມີຄຸນສົມບັດທີ່ດີເລື່ອງໃດແດ່ ?

– ທ່ານຈະເຮັດແນວໃດໃຫ້ທີມງານມີຄວາມສາມັກຄີເພີ່ມຂຶ້ນ ?

– ທ່ານເຄີຍເຮັດວຽກໃນລັກສະນະນີ້ມາແດ່ຫລືບໍ່ ? ຖ້າເຄີຍເລົ່າໃຫ້ຟັງແດ່ໄດ້ບໍ່ ?

– ຖ້າລູກນ້ອງໃນທີມມີທັດສະນະຄະຕິດ້ານລົບ ທ່ານຈະເຮັດແນວໃດ ? ທ່ານມີແຜນໃນການສ້າງທີມງານແນວໃດ ຖ້າທ່ານໄດ້ຮັບຕຳແໜ່ງນີ້ ?

ຄຳຖາມເຫລົ່ານີ້ເປັນໂຕຢ່າງແນວທາງໃນການຖາມທີ່ຊ່ວຍໃຫ້ຜູ້ສະໝັກໄດ້ສະແດງຄວາມຄິດເຫັນໃນດ້ານຕ່າງໆ ເປັນຄຳຖາມເປີດກ້ວາງຄວາມຄິດເຫັນ ບໍ່ມີຖືກຫລືຜິດ, ແຕ່ຈະສະທ້ອນໂຕຂອງຜູ້ສະໝັກວ່າມີແນວຄິດດ້ານກົນລະຍຸດ ແລະ ມີພາວະຜູ້ນຳຫລາຍປານໃດ. ຢາກໃຫ້ຝ່າຍຊັບພະຍາກອນມະນຸດພະຍາຍາມຈົດຄຳຕອບແລ້ວນຳສົ່ງຜູ້ບໍລິຫານອີກເທື່ອໜຶ່ງ ເຊື່ອແນ່ນອນວ່າຜູ້ບໍລິຫານຈະມີຂໍ້ມູນໃນການຕັດສິນໃຈເລືອກໄດ້ຫລາຍຂຶ້ນ.

ລອງເລືອກຄຳຖາມເຫລົ່ານີ້ໄປປັບໃຊ້ເບິ່ງ ແລະ ສ້າງຄຳຖາມປະເພດນີ້ຂຶ້ນມາດ້ວຍຕົນເອງກໍໄດ້ ຖ້າມີໂອກາດສຳພາດວຽກຜູ້ຈັດການແລ້ວຢ່າຖິ້ມໂອກາດດີໆນີ້ໄປ ທ່ານຈະໄດ້ປະສົບການຫລວງຫລາຍໃນການຟັງຄຳຕອບຈາກຄຳຖາມເຫລົ່ານີ້ແນ່ນອນ.

ການກຽມໂຕກ່ອນການສຳພາດ ຝ່າຍຊັບພະຍາກອນມະນຸດຄວນກຽມຄຳຖາມທີ່ຈະໃຊ້ຖາມໄວ້ລ່ວງໜ້າເລີຍ ເພາະອາດຈະ ຄິດບໍ່ອອກ ຖ້າຈະໄປຄິດລະຫວ່າງການສຳພາດ, ຄວນໃຊ້ສະມາທິໃນການຟັງຄວາມຄິດຂອງເຂົາຫລາຍກ່ວາທີ່ຈະຄິດຫາຄຳຖາມ.

- WhatsApp Image 2020 05 27 at 5 - ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ
- WhatsApp Image 2020 05 27 at 5 - ເຕັກນິກການສຳພາດຜູ້ສະໝັກວຽກໃນລະດັບຜູ້ຈັດການຂຶ້ນໄປ
error: Alert: ເນື້ອຫາຂ່າວມີລິຂະສິດ !!