ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້

- 020801 2018 - ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້
- Untitled design - ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້

– ເລີ່ມຕົ້ນຈາກຈຸດນ້ອຍໆ : ເລີ່ມຕົ້ນຈາກການຖາມໂຕເອງວ່າ ເປັນຫຍັງມັນຈຶ່ງຍາກຫລາຍທີ່ຈະເຮັດເລື່ອງນີ້ພຽງແຕ່ 15 ນາທີເທົ່ານັ້ນ ? ຖ້າທ່ານພົບວ່າໂຕເອງບໍ່ສາມາດທົນເຮັດສິ່ງທີ່ເຄີຍເຮັດໄດ້ຄືແຕ່ກ່ອນແລ້ວ ບໍ່ວ່າຈະເປັນວຽກເຮືອນ, ຊັກເຄື່ອງ, ລີດເຄື່ອງ ຖ້າທ່ານເລີ່ມຖາມໂຕເອງ ແລ້ວກໍບອກວ່າມັນກໍບໍ່ຍາກ ທ່ານກໍຈະມ່ວນກັບມັນໄດ້ຢ່າງໄວວາຂຶ້ນ ບໍ່ວ່າຈະແມ່ນເລື່ອງຫຍັງກໍຕາມ ໃຫ້ລອງຕັ້ງຄຳຖາມ ແລະ ຂໍ້ສັງເກດກັບໂຕເອງກ່ອນ.

– ທ້າທາຍໂຕເອງແດ່ : ເທື່ອສຸດທ້າຍທີ່ທ່ານຮູ້ສຶກວ່າໄດ້ເຮັດເລື່ອງທ່ີທ້າທາຍໂຕເອງນັ້ນເມື່ອໃດ ? ຫາກດົນນານຈົນຈື່ບໍ່ໄດ້ ກໍ ຈົ່ງເລີ່ມເຮັດສາ ຊ້າກ່ວານີ້ອາດຈະບໍ່ມີມື້ນັ້ນກໍໄດ້ ຫລື ຈະລອງຫາສິ່ງທີ່ທ່ານຄິດວ່າທ່ານອາດເຮັດບໍ່ໄດ້ ແລ້ວລອງຄິດຢາກເຮັດເພື່ອຈະເອົາຊະນະໂຕເອງຈັກເທື່ອໜຶ່ງ ເຊັ່ນ : ຝຶກແອບຕື່ນນອນແຕ່ເຊົ້າໃສ່ບາດ, ອອກກຳລັງກາຍ, ດຳນຳ້, ລອຍນຳ້ຫລຸດຄວາມຕຸ້ຍ, ເລີ່ມຕົ້ນອ່ານໜັງສືເຫລັ້ມໜາໆແລະອື່ນໆ, ລອງຜິດລອງຖືກກັບສິ່ງຕ່າງໆງ່າຍຂຶ້ນ, ຈັດລະບຽບແບບແຜນໃນຊີວິດໃຫ້ຢູ່ກັບຮ່ອງກັບຮອຍ ແລະ ຈະຮູ້ວ່າມີສິ່ງໃດໃນຊີວິດທີ່ທ່ານຢາກເຮັດຢ່າງຫລວງຫລາຍໂດຍບໍ່ຮູ້ຈົບ.

– ເປັນຄົນຊ່າງສັນຍາ : ແລ້ວກໍຕ້ອງເຮັດຕາມໃຫ້ໄດ້ດັ່ງທີ່ປາກເວົ້າ ຖ້າບໍ່ດັ່ງນັ້ນຈະເສຍຄົນໄດ້. ເມື່ອທ່ານສັນຍາກັບຄົນອື່ນໄວ້ ແລ້ວ ຈົ່ງເຮັດໃຫ້ໄດ້ ຈະເຮັດໃຫ້ທ່ານເກີດແຮງບັນດານໃຈ ແລະ ມີແຮງຊຸກຍູ້ໃຫ້ທ່ານມີຄວາມຄິດດີໆ, ມີຄວາມມຸ່ງໝັ້ນ, ມີເຫື່ອແຮງທີ່ຈະເຮັດໃຫ້ມັນສຳເລັດບໍ່ຫລາຍກໍໜ້ອຍ.

– ເອົາຊະນະຄວາມເຊື່ອງຊ້າຂັ້ນສູງໃຫ້ໄດ້ : ໃນເມື່ອເຮົາກ້າວໜ້າມາເຖິງຂັ້ນນີ້ແລ້ວ ກໍຈົ່ງຢ່າຍອມແພ້ງ່າຍໆ ຕ້ອງໃຫ້ເຖິງໃສ ເຖິງກັນ, ເຊົາຄິດເຖິງຄວາມສະດວກສະບາຍທີ່ລຶ້ງເຄີຍ ເພາະວ່າທ່ານກຳລັງຈະປັບສະພາບໃຫ້ເຂົ້າກັບຄວາມຫ້າວຫັນທີ່ເຕື້ອງຂຶ້ນມາແດ່ແລ້ວ ແລະ ຄິດເຖິງຜົນໃນໄລຍະຍາວທີ່ທ່ານຈະເອົາຊະນະກັບຄວາມກຽດຄ້ານໃນໂຕເອງໄດ້ ເຊັ່ນ : ທ່ານຈະເຮັດຫຍັງໄດ້ເປັນຊິ້ນເປັນອັນ, ຊີວິດມີຄວາມສຸກ, ສຸຂະພາບດີຂຶ້ນ, ຫ້າວຫັນກະຕືລືລົ້ນ ຫລື ມີຄວາມຄິດສ້າງສັນ ເຫລົ່ານີ້ເປັນຕົ້ນ.

- Wave100S AD to Website 2020 0 - ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້

– ໃຫ້ລາງວັນໂຕເອງ : ດ້ວຍການພັກຜ່ອນ ແລະ ຜ່ອນຄາຍຫຍັງກໍໄດ້ທີ່ເບິ່ງແລ້ວບໍ່ກຽດຄ້ານ ທ່ີອາດນຳພາເຂົ້າສູ່ຮູບແບບຊີວິດເກົ່າໆໄດ້ອີກ ກໍລອງອົດສາ ແລະ ຊະນະໂຕເອງມາໄດ້ຂະໜາດນີ້ ທ່ານອາດຈະມອບລາງວັນແຫ່ງຄວາມອົດທົນດ້ວຍການປ່ຽນຮູບແບບການອອກກຳລັງກາຍຈາກຄວາມຊຳ້ໆເກົ່າໆທີ່ແລ້ວຮຽບຮ້ອຍ ຈົນກາຍເປັນວ່າເຮົາຕິດ ແລະ ຕ້ອງອອກກຳລັງກາຍຢູ່ສະເໝີ ຖ້າບໍ່ດັ່ງນັ້ນຈະໝຸດໝັດ ມາເປັນແມ່ນຫຍັງທີ່ໄດ້ອອກກຳລັງກາຍໄປນຳ ທັງຍັງບັນເທີງເລີງໃຈນຳອີກ ຫລື ຈະອອກເດີນທາງທ່ອງທ່ຽວ ໃຫ້ລາງວັນຊີວິດກໍຈະເຮັດໃຫ້ທ່ານມີຊີວິດຊີວາ ແລະ ໄດ້ກະຕຸ້ນຕ່ອມພະລັງໃນໂຕເອງ.

- WhatsApp Image 2020 05 27 at 5 - ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້
- WhatsApp Image 2020 05 27 at 5 - ຫລັກການຊ່ວຍໃຫ້ເອົາຊະນະຄວາມກຽດຄ້ານໄດ້
error: Alert: ເນື້ອຫາຂ່າວມີລິຂະສິດ !!