ອັນຕະລາຍຈາກອາການບວມນຳ້

- 010801 2018 - ອັນຕະລາຍຈາກອາການບວມນຳ້
- Untitled design - ອັນຕະລາຍຈາກອາການບວມນຳ້

ຕື່ນນອນຕອນເຊົ້າລອງສັງເກດໂຕເອງວ່າຮູ້ສຶກເຄັ່ງໆຫລືບໍ່ ເບິ່ງບວມໆ, ອືດໆຜິິດປົກກະຕິກ່ວາທຸກມື້ຫລືບໍ່, ນຸ່ງເຄື່ອງແລ້ວຮູ້ ສຶກອຶດອັດ ທັງໆທີ່ຍັງບໍ່ໄດ້ກິນອາຫານຫຍັງເລີຍໃນຕອນນັ້ນ ຫາກມີອາການເຫລົ່ານີ້ສະແດງວ່າກຳລັງມີອາການບວມນຳ້.

ອາການບວມນຳ້ ເກີດຈາກຂອງແຫລວທີ່ຄວນຜ່ານຫລອດເລືອດ ແລະ ນຳ້ເຫລືອງກັບຊຶມເຂົ້າສູ່ແຊນ ແລະ ຊ່ອງວ່າງລະ ຫ່ວາງແຊນ ເພາະຮ່າງກາຍຂອງຄົນເຮົາຈະສາມາດຮັກສາລະດັບຄວາມດຸ່ນດ່ຽງຂອງນຳ້ໃນຮ່າງກາຍໄດ້ຕາມທຳມະຊາດ ຫາກທ່ານມີພຶດຕິກຳທີ່ສົ່ງຜົນຕໍ່ອາການບວມນຳ້ ເຊັ່ນ : ກິນອາຫານເຜັດ, ດື່ມສິ່ງມຶນເມົາຫລາຍ, ກຽດຄ້ານ, ບໍ່ຍອມລຸກອອກຈາກຕຽງໃນມື້ເປັນປະຈຳເດືອນ, ການຢືນດົນໆ ແລະ ການນັ່ງຫ້ອຍຂາ ກໍເຮັດໃຫ້ຂໍ້ຕີນບວມໃຄ່ໄດ້.

ສ່ວນອາການບວມນຳ້ກ່ອນເປັນປະຈຳເດືອນເກີດຈາກລະດັບຮໍໂມນປ່ຽນແປງ ເຊິ່ງມີຜົນຕໍ່ການເຮັດວຽກຂອງຫລອດເລືອດ ແລະ ຕ່ອມນຳ້ເຫລືອງ ສາເຫດອື່ນແມ່ນເກີດຈາກພະຍາດຕັບ, ພະຍາດໝາກໄຂ່ຫລັງ ຫລື ຫົວໃຈລົ້ມເຫລວໄດ້ ກໍຈະສົ່ງຜົນໃຫ້ເກີດອາການບວມນຳ້ຂຶ້ນໄດ້ ຍິ່ງໄປກ່ວານັ້ນກໍຈະຍິ່ງເຮັດໃຫ້ນຳ້ໜັກໂຕຂຶ້ນໄດ້ນຳອີກ.

ວິທີທີ່ຈະເຮັດໃຫ້ທ່ານຫລຸດອາການບວມນຳ້ໄດ້ມີດັ່ງນີ້ :

– ລອຍນຳ້ : ການອອກກຳລັງກາຍໂດຍການລອຍນຳ້ ຈະສາມາດຊ່ວຍຫລຸດຜ່ອນອາການທີ່ເກີດຂຶ້ນໄດ້ ເພາະນຳ້ໃນສະຈະເປັນແຮງດັນນຳ້ສ່ວນເກີນຈາກເນື້ອເຍື່ອໄປໄດ້ ແລະ ຄວນລອຍນຳ້ໃນອຸນຫະພູມ 27 – 32 ອົງສາ ສຳລັບແມ່ຍິງຖືພາຄວນຫລີກເວັ້ນນຳ້ທີ່ມີອຸນຫະພູມສູງເກີນ 37 ອົງສາ.

- Wave100S AD to Website 2020 0 - ອັນຕະລາຍຈາກອາການບວມນຳ້

– ງົດອາຫານເຜັດ : ຫລີກເວັ້ນອາຫານປະເພດນີ້ ໂດຍສະເພາະອາຫານເຄັມໆ ເຊິ່ງຄວາມເຄັມຈະໄປກະຕຸ້ນໃຫ້ຮ່າງກາຍກັກນຳ້ໄວ້ ຈົນກ່ວາໝາກໄຂ່ຫລັງຈະເຮັດໜ້າທີ່ໄລ່ອອກມາ ເຊິ່ງກ່ວາໝາກໄຂ່ຫລັງຈະໄລ່ອອກມາກໍໃຊ້ເວລາດົນເຖິງ 24 ຊົ່ວໂມງ.

– ດື່ມນຳ້ : ພະຍາຍາມດື່ມນຳ້ໃຫ້ຫລາຍຂຶ້ນ ດ້ວຍວິທີການດື່ມນຳ້ເທື່ອລະໜ້ອຍໆ ເພາະການດື່ມນຳ້ຕື່ມເຂົ້າໄປຈະຊ່ວຍໃຫ້ອາການດັ່ງກ່າວຫລຸດລົງ ນຳ້ຈະຊ່ວຍໃຫ້ເຮົາຍ່ຽວ ແລະ ເຈືອຈາງຄວາມເຄັມອອກໄປຈາກຮ່າງກາຍໄດ້ໄວຂຶ້ນ.

– ກິນຜັກບົ່ວໃບ : ຜັກບົ່ວໃບຖືເປັນພືດພື້ນເມືອງທີ່ຫາໄດ້ງ່າຍ ແລະ ຍັງມີສັບພະຄຸນຊ່ວຍຫລຸດອາການບວມນຳ້ທີ່ເກີດຂຶ້ນໄດ້ ໂດຍການຊ່ວຍເລັ່ງໃຫ້ທ່ານຍ່ຽວ ຈຶ່ງຫລຸດຜ່ອນອາການບວມນຳ້ໄດ້ດີທີ່ສຸດ.

– ນອນຍົກຕີນຂຶ້ນສູງ : ຊ່ວຍໃຫ້ນຳ້ທີ່ຂັງຢູ່ຕາມຂາໄຫລຍ້ອນກັບເຂົ້າລະບົບໝາກໄຂ່ຫລັງເພື່ອໄລ່ອອກມາໄດ້ງ່າຍຂຶ້ນ.

- WhatsApp Image 2020 05 27 at 5 - ອັນຕະລາຍຈາກອາການບວມນຳ້
- WhatsApp Image 2020 05 27 at 5 - ອັນຕະລາຍຈາກອາການບວມນຳ້
error: Alert: ເນື້ອຫາຂ່າວມີລິຂະສິດ !!