ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ

- 26648744 716562821887627 617959580 n - ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ
- Untitled design - ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ

ສະຫະພັນບານເຕະແຫ່ງຊາດລາວ (ສຕລ) ກຽມຄັດເລືອກນັກກິລາຮຸ່ນອາຍຸ 22 ປີບັນຈຸເຂົ້າທີມຊາດໃນກາງເດືອນມັງກອນນີ້ ເພື່ອການກະກຽມຄວາມພ້ອມເຂົ້າຮ່ວມແຂ່ງຂັນ ໂອແລມປິກ ຮອບຄັດເລືອກ ແລະ ງານມະຫະກຳກິລາຊີເກມ ປີ 2019.

ອີງຕາມການໃຫ້ສໍາພາດຂອງທ່ານ ວົງມີໄຊ ສຸກບົວຄໍາ ຄະນະກໍາມະການຈັດການຄັດເລືອກ ພະແນກເຕັກນິກ ສຕລ ວ່າ: ໂດຍອີງຕາມແຜນການເຄື່ອນໄຫວຂອງ ສຕລ ປະຈຳປີ 2018 ມີຄວາມຍິນດີ ຄັດເລືອກນັກກິລາບານເຕະຊາຍທີມຊາດລາວ ຮຸ່ນອາຍຸ 22 ປີ ເພື່ອຄັດເລືອກນັກກິລາທີ່ມີພອນສະຫວັນກຽມຄວາມພ້ອມເຂົ້າຮ່ວມແຂ່ງຂັນ ໂອແລມປິກ ຮອບຄັດເລືອກ ແລະ ງານມະຫະກຳກິລາ ຊີເກມ ປີ 2019 ສໍາລັບການຄັດເລືອກຈະຈັດຂຶ້ນ 2 ຄັ້ງ ຄືຄັ້ງທີ 1 ຢູ່ນະຄອນຫລວງວຽງຈັນ ລະຫວ່າງວັນທີ 11–13 ມັງກອນ 2018, ຄັ້ງທີ 2 ນັກກິລາຕ່າງແຂວງ ລະຫວ່າງວັນທີ 24–26 ມັງກອນ 2018 ທີ່ສູນຝຶກສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫລວງວຽງຈັນ ໃນເວລາ 16:00–18:00 ໂມງ. ນັກກິລາທີ່ເຂົ້າຮ່ວມຄັດເລືອກຕ້ອງກຽມຮ່າງກາຍໃຫ້ພ້ອມຕະຫລອດໄລຍະການຄັດເລືອກ ແລະ ຕ້ອງເກີິດໃນລະຫວ່າງປີ 1997, 1998, 1999 ແລະ 2000 ສ່ວນນັກກິລາທີ່ມາຈາກຕ່າງແຂວງທີ່ຕ້ອງການມາຄັດເລືອກໃນຄັ້ງນີ້ ທາງສະຫະພັນບານເຕະແຫ່ງຊາດລາວແມ່ນອຳນວຍຄວາມສະດວກທາງດ້ານທີ່ພັກ ແແລະ ອາຫານການກິນຕະຫລອດໄລຍະການຄັດເລືອກ ສ່ວນການເດີນທາງຂອງນັກກິລາແມ່ນຮັບຜິດຊອບເອງ.

- Wave100S AD to Website 2020 0 - ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ

ສຳລັບເອກະສານປະກອບມີ ປຶ້ມສຳມະໂນຄົວ ຫລື ໜັງສືການເດີນທາງ (ຂອງແທ້) ແລະ ໃບຢັ້ງຢືນການສຶກສາ (ຂອງແທ້) ເພື່ອເປັນຫລັກຖານ.

- WhatsApp Image 2020 05 27 at 5 - ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ
- WhatsApp Image 2020 05 27 at 5 - ສຕລ ກຽມຄັດເລືອກນັກກິລາ ຮຸ່ນອາຍຸ 22 ປີບັນຈຸເຂົ້າທີມຊາດ
error: Alert: ເນື້ອຫາຂ່າວມີລິຂະສິດ !!