ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ

- 26220286 887727238062031 8300889102994183020 n - ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ
- Untitled design - ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ

ກົມອຸຕຸນິຍົມ ແລະ ອຸທົກກະສາດໄດ້ເຕືອນປະຊາຊົນໃນທົ່ວທຸກພາກຂອງປະເທດຈົ່ງມີສະຕິຮັບມືກັບສະພາບອາກາດຈະໜາວເຢັນຮ້າຍແຮງຂຶ້ນມາອີກຮອບໃໝ່ໃນທົ່ວປະເທດສະເລ່ຍຢູ່ໃນລະດັບ 2-4 ອົງສາ.

ກົມອຸຕຸນິຍົມເຕືອນວ່າ: ມວນອາກາດໜາວເຢັນຈາກ ສປຈີນ ຈະມີກໍາລັງແຮງເພີ່ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດເຮົາສົມທົບກັບກະແສລົມຕາເວັນອອກສຽງເໜືອທີ່ມີກໍາລັງແຮງພັດປົກຄຸມຢູ່ໃນໄລຍະວັນທີ 9-14 ມັງກອນນີ້, ຊຶ່ງຈະເຮັດໃຫ້ອຸນຫະພູມອາກາດໜາວເຢັນລົງປະມານ 3-5 ອົງສາຢູ່ແຂວງພາກເໜືອ, ພ້ອມມີຝົນຕົກກະຈາຍ ແລະ ລົມພັດແຮງຢູ່ບາງທ້ອງຖິ່ນ, ໂດຍສະເພາະຢູ່ເຂດພູດອຍບັນດາແຂວງພາກເໜືອ, ແຂວງໄຊສົມບູນ, ເມືອງດາກຈຶງ ແລະ ເຂດພູພຽງບໍລະເວນອາກາດຈະໜາວເຢັນຫລາຍ. ສະເພາະແຂວງຜົ້ງສາລີ, ຫົວພັນ ແລະ ຊຽງຂວາງ ແຕ່ວັນທີ 9-10 ມັງກອນນີ້, ອຸນຫະພູມຈະຫລຸດລົງ 3-5 ອົງສາ, ຊຶ່ງຈະເຮັດໃຫ້ອາກາດໜາວເຢັນຫລາຍ, ພ້ອມມີລົມພັດແຮງ ແລະ ມີຝົນຕົກກະຈາຍເປັນບາງໂອກາດ ແລະ ແຕ່ວັນທີ 10-14 ມັງກອນນີ້, ອຸນຫະພູມອາກາດຈະຫລຸດລົງຢູ່ໃນລະດັບ 2-4 ອົງສາໃນແຕ່ລະພາກ ແລະ ຈາກສະພາບອາກາດຄືດັ່ງກ່າວຂໍໃຫ້ປະຊາຊົນຈົ່ງມີສະຕິກຽມພ້ອມຮັບມືກັບສະພາບການປ່ຽນແປງຂອງອາກາດໜາວເຢັນດັ່ງກ່າວ, ຊຶ່ງອາດຈະສົ່ງຜົນກະທົບຕໍ່ສຸຂະພາບຂອງເດັກນ້ອຍ ແລະ ຜູ້ເຖົ້າຂໍໃຫ້ໃສ່ເຄື່ອງນຸ່ງຫົ່ມໃຫ້ອົບອຸ່ນ, ພ້ອມທັງໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມເປັນໄລຍະຢ່າງໃກ້ຊິດ.

- Wave100S AD to Website 2020 0 - ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ
- WhatsApp Image 2020 05 27 at 5 - ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ
- WhatsApp Image 2020 05 27 at 5 - ອຸຕຸນິຍົມເຕືອນທົ່ວປະເທດກຽມຮັບມືໄພໜາວລະດັບ 4 ອົງສາ
error: Alert: ເນື້ອຫາຂ່າວມີລິຂະສິດ !!