ຄົນໜຸ່ມແມ່ນຜູ້ນຳໃນມື້ນີ້ !

- 26648191 561628744188550 1527719702 n - ຄົນໜຸ່ມແມ່ນຜູ້ນຳໃນມື້ນີ້ !
- Untitled design - ຄົນໜຸ່ມແມ່ນຜູ້ນຳໃນມື້ນີ້ !

ພວກເຮົາມັກຈະໄດ້ຍິນວ່າ “ໄວໜຸ່ມມື້ນີ້ ແມ່ນຜູ້ນຳໃນມື້ໜ້າ” ແຕ່ຖ້າເຮົາສ້າງຄົນໜຸ່ມໃຫ້ເປັນຜູ້ນຳຕັ້ງແຕ່ ອາຍຸຍັງນ້ອຍເຂົາເຈົ້າຍິ່ງຈະມີເວລາໃນການເຮັດສິ່ງດີໆຕໍ່ສັງຄົມຢ່າງຫຼວງຫຼາຍ.

ວ່າງບໍ່ດົນຜ່ານມາຜູ້ຂຽນໄດ້ມີໂອກາດສົນທະນາກັບນັກຂຽນໜຸ່ມ ຜູ້ມີຄວາມສາມາດ, ວິໄສທັດທີ່ແກ່ເກີນອາຍຸ ໂດຍໄດ້ແລກປ່ຽນຄຳເຫັນກ່ຽວກັບການສົ່ງເສີມໄວໜຸ່ມ, ການສ້າງໄວໜຸ່ມເປັນຜູ້ນຳຕັ້ງແຕ່ຍັງນ້ອຍ ທີ່ມີເຫື່ອແຮງ ແລະເຕັມປ່ຽມໄປດ້ວຍຄວາມກະຕືລືລົ້ນ ແລະແນວຄິດທີ່ຫຼາກຫຼາຍນັ້ນມີຄວາມສຳຄັນທີ່ເຮັດ ໃຫ້ການພັດທະນາທີ່ມີຫົວຄິດປະດິດສ້າງໃຫ້ເກີດຂຶ້ນ, ທ່ານ ນັກຂຽນຜູ້ນີ້ເວົ້າວ່າ “ການສ້າງເວທີໃຫ້ໄວໜຸ່ມ, ຄວາມເຊື່ອໝັ້ນໄວໜຸ່ມແມ່ນເປັນສິ່ງສຳຄັນ!”

ເມື່ອເຮົາເບິ່ງບາງປະເທດທີ່ພັດທະນາແລ້ວ ເຊັ່ນ ປະເທດການາດາ, ຝຣັ່ງ ແລະ ໂອຕຣິດ ໃນປັດຈຸບັນ ເຂົາເຈົ້າມີຄວາມເຊື່ອໝັ້ນຕໍ່ຜູ້ນຳທີ່ເປັນຄົນໜຸ່ມທີ່ມີຄວາມຮູ້, ມີທັກສະ, ສະຫຼາດສະຫຼຽວ ແລະກ້າຫານຊານໄຊ, ສາມາດນຳພາປະເທດໃຫ້ມີຄວາມສະຖຽນລະພາບຮອບດ້ານໄດ້ ເຊິ່ງເປັນການພິສູດໃຫ້ເຫັນວ່າ ຄົນໜຸ່ມກໍສາມາດເປັນຜູ້ນຳຕັ້ງແຕ່ອາຍຸຍັງນ້ອຍ ໂດຍບໍ່ລໍຖ້າຈົນຫົວສັ່ນຈຶ່ງໄດ້ນັ່ງຕັ່ງງາມ ຕາມສິ່ງທີ່ເຮົາເຊື່ອກັນ.

ໃນສັງຄົມເຮົາປັດຈຸບັນ ຜູ້ໃດກໍຍ້ອງຍໍລູກຫຼານຕົນເອງວ່າ ເປັນຜູ້ມີຄວາມຮູ້ຄວາມສາມາດ ຫຼືເກັ່ງກວ່າພໍ່ແມ່ ບໍ່ວ່າດ້ານເລື່ອງ ຂໍ້ມູນຂ່າວສານ, ການນຳໃຊ້ເທັກໂນໂລຊີ, ການບໍລິການ ຈັດການ ແລະອື່ນໆ ແຕ່ໃນທ່າມກາງ ສິ່ງດັ່ງກ່າວ ເມື່ອມາເຖິງເວທີການເປັນຜູ້ນຳ ບໍ່ວ່າລະດັບໃດກໍຕາມ ກຸ່ມຄົນສ່ວນໃຫຍ່ພວກເຮົາຍັງຖືຄະຕິວ່າ “ຄົນໜຸ່ມຕ້ອງຟັງຄວາມ ຜູ້ທີ່ອາບນໍ້າອຸ່ນກວ່າໂຕສະເໝີ” ໂດຍປິດກັ້ນໂອກາດ, ບໍ່ເປີດໃຈຮັບຟັງຄຳຄິດເຫັນ ຕໍ່ໄວໜຸ່ມ ເຮັດໃຫ້ໄວໜຸ່ມເຮົາກາຍເປັນຜູ້ທີ່ຂາດ ຄວາມໝັ້ນໃຈ ແລະຢ້ານຜິດຕະຫຼອດ, ແລ້ວຄວາມສາມາດ ແລະພອນສະຫວັນທີ່ເຊື່ອງຊ້ອນໃນຕົວເຂົາກໍເຫືອດຫາຍໄປ.

ເພາະສະນັ້ນ ພວກເຮົາຈົ່ງໝັ້ນໃຈໄວໜຸ່ມ, ໃຫ້ໂອກາດພວກເຂົາເພາະເຂົາເຈົ້າສາມາດເຮັດໃນສິ່ງທີ່ແຕກຕ່າງໄດ້ ຕົວຢ່າງ ກຸ່ມໄວໜຸ່ມທີ່ຜູ້ຂຽນໄດ້ໂອ້ລົມ ແລກປ່ຽນປະສົບການນຳເຂົາເຈົ້າ ເຊິ່ງແມ່ນຊາຍໜຸ່ມສອງຄົນ ອາຍຸ 18-19 ປີ ກຳລັງເຂົ້າຮຽນ ມະຫາວິທະຍາໄລໃໝ່ໆ; ເຂົ້າເຈົ້າສັງເກດເຫັນວ່າ ການອ່ານມີຄວາມສຳຄັນຕໍ່ໄວໜຸ່ມ ແຕ່ຍັງມີໄວໜຸ່ມຈຳນວນຫຼາຍໃນລາວທີ່ບໍ່ສາມາດເຂົ້າເຖິງປຶ້ມອ່ານໄດ້ ເລີຍມີແນວຄວາມຄິດວ່າ ນຳໃຊ້ເຄື່ອງມືຂອງ ສື່ສັງຄົມ (facebook) ເພື່ອຈຳໜ່າຍປຶ້ມອ່ານທີ່ລາຄາ ສົມເຫດສົມຜົນ ເຊິ່ງການເລີ່ມຕົ້ນທຳອິດນັ້ນ ຜູ້ໃຫຍ່ ທີ່ຢູ່ອ້ອມຂ້າງມີຄຳເຫັນວ່າ ເຮັດທຸລະກິດແບບນີ້ບໍ່ເກີນສາມເດືອນກໍຫຼົ້ມ ແຕ່ມາມື້ນີ້ເຂົາເຈົ້າປະສົບຜົນສຳເລັດ ທີ່ຂາຍປຶ້ມເດືອນລະບໍ່ຫຼຸດ 200 ຫົວພາຍຫຼັງດຳເນີນມາໄດ້ 2 ປີກວ່າ, ເຂົາເຈົ້າສາມາດລາຍຮັບແກ່ຕົນເອງ (ເຖິງວ່າຍັງບໍ່ຫຼາຍ), ເຂົາເຈົ້າຊ່ວຍໃຫຜູ້ອ່ານປຶ້ມໃນລາວເພີ່ມຂຶ້ນ, ເຂົາເຈົ້າຊຸກຍູ້ສົ່ງເສີມນັກຂຽນໄປນຳ ແລະມີສຳນັກຂ່າວຊື່ດັງຕ່າງປະເທດມາສຳພາດ ສະແດງຄວາມອອນຊອນນຳເຂົາເຈົ້າອີກ ນັ້ນກໍສະແດງວ່າ ໄວໜຸ່ມສາມາດເຮັດສິ່ງໃໝ່ໆ ແລ້ວປະສົບຜົນສຳເລັດໄດ້.

- Wave100S AD to Website 2020 0 - ຄົນໜຸ່ມແມ່ນຜູ້ນຳໃນມື້ນີ້ !

ເປີດໃຈໃຫ້ໄວໜຸ່ມ, ຫຼຸດຜ່ອນອັດຕາຂອງຄວາມເປັນຜູ້ອາວຸໂສລົງ ແລະເປີດໂອກາດໃຫ້ໄວໜຸ່ມທ່າມກາງ ການປ່ຽນແປງຢ່າງໄວວາຂອງສັງຄົມ ຈະສາມາດເຮັດໃຫ້ພວກເຂົາເຈົ້າໄດ້ມີທັດສະນະການເປັນຜູ້ນຳຕັ້ງແຕ່ ອາຍຸຍັງນ້ອຍ, ພ້ອມນັ້ນ ດ້ວຍໂອກາດທີ່ເອື້ອຍອຳນວຍ ໃນປັດຈຸບັນ ຄົນໜຸ່ມກໍຕ້ອງຮີບຮ້ອນຝຶກຝົນຕົນ ເອງໃຫ້ກາຍເປັນ ຜູ້ມີທັກສະຈຳເປັນຕ່າງໆ ເພື່ອພັດທະນາຕົນເອງ  “ໃຫ້ກາຍເປັນຜູ້ນຳຕັ້ງແຕ່ມື້ນີ້  ບໍ່ແມ່ນມື້ໜ້າ” ເພື່ອພັດທະນາປະເທດເຮົາ ໃຫ້ທຽບທັນປະເທດອື່ນໆ.

 

- WhatsApp Image 2020 05 27 at 5 - ຄົນໜຸ່ມແມ່ນຜູ້ນຳໃນມື້ນີ້ !
- WhatsApp Image 2020 05 27 at 5 - ຄົນໜຸ່ມແມ່ນຜູ້ນຳໃນມື້ນີ້ !
error: Alert: ເນື້ອຫາຂ່າວມີລິຂະສິດ !!