ປກສ ກຽມສົ່ງກໍາລັງລົງປ້ອງກັນການກໍ່ສ້າງທາງລົດໄຟລາວ-ຈີນ

- Untitled design - ປກສ ກຽມສົ່ງກໍາລັງລົງປ້ອງກັນການກໍ່ສ້າງທາງລົດໄຟລາວ-ຈີນ

ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ປັດຈຸບັນ, ພວມກະກຽມສັບຊ້ອນກໍາລັງຕໍາຫລວດຫລາຍຮ້ອຍນາຍທີ່ຜ່ານການຝຶກວິຊາສະເພາະດ້ານວຽກງານປ້ອງກັນທີ່ຕັ້ງ, ການສະກັດກັ້ນ ແລະ ແກ້ໄຂການຊຸມນຸມປະທ້ວງ, ວຽກງານຕີພິເສດ, ກວດກູ້ທຳລາຍລະເບີດ ແລະ ອື່ນໆ, ທີ່ສໍາເລັດເມື່ອບໍ່ດົນມານີ້ເຂົ້າປະຈໍາການເພື່ອປະຕິບັດໜ້າທີ່ຮັກສາຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍຢູ່ໂຄງການກໍ່ສ້າງເສັ້ນທາງລົດໄຟລາວ-ຈີນໃນຈຸດຕ່າງໆເພື່ອຮັບປະກັນໃຫ້ການກໍ່ສ້າງສໍາເລັດຕາມລະດັບຄາດໝາຍ.

ໂຄງການກໍ່ສ້າງທາງລົດໄຟລາວ-ຈີນເລີ່ມແຕ່ບໍ່ເຕັນ (ຊາຍແດນລາວ-ຈີນ) ຫາສະຖານີນະຄອນຫລວງວຽງຈັນລວມມີຄວາມຍາວກວ່າ 417 ກິໂລແມັດ, ເຊິ່ງໄດ້ອອກແບບເປັນທາງລົດໄຟມາດຕະຖານຊັ້ນ 1 ປະເພດລາງດ່ຽວ, ການກໍານົດຄວາມໄວອອກແບບສໍາລັບຂົນສົ່ງໂດຍສານເຂດພູດອຍແມ່ນ 160 ກິໂລແມັດຕໍ່ຊົ່ວໂມງ, ຢູ່ເຂດທົ່ງພຽງແມ່ນ 200 ກິໂລແມັດຕໍ່ຊົ່ວໂມງ ແລະ ຄວາມໄວອອກແບບສຳລັບການຂົນສົ່ງສິນຄ້າ 120 ກິໂລແມັດຕໍ່ຊົ່ວໂມງ. ການກໍ່ສ້າງປະກອບມີຂົວ 167 ແຫ່ງຍາວ 61 ກວ່າກິໂລແມັດກວມ 14,9%, ກໍ່ສ້າງທໍ່ 649 ແຫ່ງຍາວ 20 ກິໂລແມັດ, ກໍ່ສ້າງອຸມົງ 75 ແຫ່ງຍາວ 197 ກິໂລແມັດ ກວມ 47,7%, ໃນນີ້ອຸມົງທີ່ມີຄວາມຍາວກວ່າໝູ່ແມ່ນປະມານ 12 ກິໂລແມັດ ຢູ່ເມືອງກາສີແຂວງວຽງຈັນ, ມີສະຖານີທັງໝົດ 32 ແຫ່ງ, ໃນນີ້ມີ 21 ສະຖານີສຳລັບລົດໄຟຫລີກກັນ, ມີ 11 ສະຖານີໂດຍສານ ແລະ ສະຖານີສິນຄ້າອີກ 1 ແຫ່ງລວມມູນຄ່າກໍ່ສ້າງທັງໝົດ 5,8 ຕື້ໂດລາສະຫະລັດ ແລະ ປັດຈຸບັນຢູ່ຫລາຍແຂວງພາກເໜືອທີ່ມີເສັ້ນທາງລົດໄຟຜ່ານແມ່ນໄດ້ເລີ່ມລົງມຶກໍ່ສ້າງແລ້ວ.

- Wave100S AD to Website 2020 0 - ປກສ ກຽມສົ່ງກໍາລັງລົງປ້ອງກັນການກໍ່ສ້າງທາງລົດໄຟລາວ-ຈີນ
- WhatsApp Image 2020 05 27 at 5 - ປກສ ກຽມສົ່ງກໍາລັງລົງປ້ອງກັນການກໍ່ສ້າງທາງລົດໄຟລາວ-ຈີນ
- WhatsApp Image 2020 05 27 at 5 - ປກສ ກຽມສົ່ງກໍາລັງລົງປ້ອງກັນການກໍ່ສ້າງທາງລົດໄຟລາວ-ຈີນ
error: Alert: ເນື້ອຫາຂ່າວມີລິຂະສິດ !!