ສາເຫດເຮັດໃຫ້ທ່ານມັກຟັງເພງເສົ້າເວລາໂສກ

- 030901 2018 - ສາເຫດເຮັດໃຫ້ທ່ານມັກຟັງເພງເສົ້າເວລາໂສກ
- Untitled design - ສາເຫດເຮັດໃຫ້ທ່ານມັກຟັງເພງເສົ້າເວລາໂສກ

ຫລາຍເທື່ອທີ່ເຮົາເຫັນຄົນອົກຫັກ ຫລື ກຳລັງຮູ້ສຶກໂສກເສົ້າ ເລືອກຟັງແຕ່ເພງເສົ້າ ຟັງແລ້ວກໍຍິ່ງເຮັດໃຫ້ຮ້ອງໄຫ້ຫລາຍຂຶ້ນຕື່ມ ແລ້ວຈະຟັງໄປເຮັດຫຍັງ ?

ການວິໄຈນີ້ໄດ້ສຳຫລວດ 65 ຄົນໃນໄລຍະອາຍຸ 18 – 66 ປີ ທັງຄົນປະເທດອຽກລັງ, ອາເມລິກາ, ເຢຍລະມັນ ແລະ ແອັດສະປາຍ ຜ່ານທາງອອນລາຍໂດຍຖາມເຖິງການເລືອກຟັງເພງຂອງພວກເຂົາຫລັງຜ່ານປະສົບການທີ່ຮ້າຍແຮງ ແລ້ວກໍພົບຄຳຕອບທີ່ໜ້າສົນໃຈກ່ຽວກັບເຫດການທີ່ພວກເຂົາເລືອກຟັງເພງເສົ້າ ລວມເຖິງສິ່ງທີ່ເພງເສົ້າໄດ້ໃຫ້ກັບພວກເຂົາ ໂດຍພວກເຂົາເວົ້າວ່າ : ທີ່ຍັງຄົງຟັງເພງເສົ້າໂດຍທີ່ຮູ້ສຶກເສົ້ານັ້ນເປັນຍ້ອນຢາກຟັງສິ່ງທີ່ເຂົ້າກັບອາລົມໃນເວລານັ້ນໃຫ້ຫລາຍທີ່ສຸດ “ຂ້ອຍບໍ່ໄດ້ຢາກຟັງເພງທີ່ຈະເຮັດໃຫ້ຂ້ອຍຮູ້ສຶກດີຂຶ້ນ, ແຕ່ຂ້ອຍຢາກຢູ່ກັບອາລົມເຫລົ້ານີ້ຈັກໄລຍະໜຶ່ງຈົນກ່ວາຈະພ້ອມປ່ອຍອາລົມເຫລົ່ານັ້ນໃຫ້ຜ່ານໄປ” ຜູ້ເຂົ້າຮ່ວມວິໄຈອາຍຸ 25 ປີ ບອກ.

ອີກເຫດຜົນໜຶ່ງຄື: ເພງເຫລົ່ານີ້ຍັງຖືກໃຊ້ເປັນເຄື່ອງຊ່ວຍເຕືອນຄວາມຈື່ຈຳເພື່ອຫວນລະນຶກເຖິງອະດີດ ໃຫ້ຮູ້ສຶກຄືໄດ້ຢູ່ກັບຄົນທີ່ທ່ານຄິດເຖິງຫລາຍຍິ່ງຂຶ້ນ “ຂ້ອຍເລືອກເພງນີ້ຍ້ອນວ່າຂ້ອຍຮູ້ວ່າເຂົາ (ເຊິ່ງເສຍຊີວິດໄປແລ້ວ) ກໍມັກເພງນີ້ຄືກັນ” ແມ່ຍິງອາຍຸ 48 ປີ ກ່າວ.

ນອກຈາກນີ້ແລ້ວຍັງມີຄຳຕອບທີ່ວ່າເລືອກເພງເພື່ອຄວາມເພີດເພີນ ເຊິ່ງໃນກໍລະນີນີ້ພວກເຂົາບໍ່ໄດ້ເລືອກເພງເພື່ອບຳບັດຄວາມທຸກຂອງຕົນເອງ ຫລື ເພື່ອນຶກເຖິງອະດີດ ພຽງແຕ່ຄິດວ່າເພງນັ້ນດີ ແລະ ມີຄຸນນະພາບ.

ເຫດຜົນປະການສຸດທ້າຍທີ່ໄດ້ມາແມ່ນຢາກຟັງໃນສິ່ງທີ່ເພງເສົ້າສື່ສານ ເພາະຫລາຍເພງເຖິງຈະຖືເປັນເພງເສົ້າ, ແຕ່ກໍຖ່າຍທອດສານທີ່ເຕັມໄປດ້ວຍຄວາມຫວັງ “ ສຳລັບຂ້ອຍແລ້ວ The Waterboys  ເປັນໂຕເລືອກສຳລັບອາລົມຄວາມຮູ້ສຶກຂອງຂ້ອຍ ແລະ ເນື້ອເພງກໍຍັງເຮັດໃຫ້ຂ້ອຍຮູ້ສຶກໄດ້ເຖິງຄວາມຫວັງນຳອີກ” ຊາຍອາຍຸ 31 ປີ ກ່າວ.

- Wave100S AD to Website 2020 0 - ສາເຫດເຮັດໃຫ້ທ່ານມັກຟັງເພງເສົ້າເວລາໂສກ

ສ່ວນສິ່ງທີ່ເພງເຫລົ່ານີ້ໃຫ້ກັບພວກເຂົາກໍໃກ້ຄຽງກັບເຫດຜົນທີ່ໄດ້ກ່າວໄວ້ຂ້າງເທິງ ໂຕຢ່າງວ່າ: ມີຜູ້ຕອບແບບສອບຖາມທ່ານໜຶ່ງເລົ່າເຖິງການປະສົບກັບເຫດການສະເທືອນໃຈວ່າ : “ຂ້ອຍຢູ່ເຮືອນ ແລະ ຮູ້ສຶກບໍ່ດີກັບຕົນເອງຫລາຍ, ແຕ່ຂ້ອຍກໍຮ້ອງໄຫ້ບໍ່ອອກ ຂ້ອຍ ຈຶ່ງຕັດສິນໃຈເປີດເພງເສົ້າຈັກເພງເພື່ອຮ້ອງໄຫ້ອອກມາຈັກໜ້ອຍ ຫລັງຈາກນັ້ນຂ້ອຍກໍຮູ້ສຶກຄືກັບຖືກປົດປ່ອຍ ແລະ ກ້າວຕໍ່ໄປໄດ້” ຜູ້ສອບຖາມຍິງອາຍຸ 24 ປີ ກ່າວ.

ສ່ວນແມ່ຍິງອາຍຸ 21 ປີ ກໍ ບອກວ່າ: “ເພງຈະຊ່ວຍກະຕຸ້ນໃຫ້ຂ້ອຍຮູ້ສຶກເຖິງຄວາມເຈັບປວດນັ້ນ ແລະ ຍັງຊ່ວຍໃຫ້ຂ້ອຍຮ້ອງໄຫ້ອອກມາ ເຊິ່ງເປັນການຮ້ອງໄຫ້ທີ່ດີກັບໂຕຂ້ອຍເອງ ມັນອາດຈະບໍ່ເຮັດໃຫ້ຂ້ອຍຮູ້ສຶກດີຂຶ້ນໃນໄລຍະນັ້ນ ແຕ່ຊ່ວຍໃຫ້ຂ້ອຍຜ່ານມັນໄປໄດ້”.

ອີກປະການໜຶ່ງທີ່ຜູ້ວິໄຈເບິ່ງເຫັນກໍຄື : ເພງເສົ້າເຮັດໃຫ້ຄົນຟັງຮູ້ສຶກວ່າເຂົາບໍ່ໄດ້ໂສກເສົ້າຢູ່ຢ່າງໂດດດ່ຽວ ເນື່ອງຈາກມີຜູ້ຄົນອີກຫລວງຫລາຍໃນໂລກນີ້ກໍເສົ້າບໍ່ ຕ່າງຈາກພວກເຂົາ ແລະ ນັ້ນຍ່ອມເຮັດໃຫ້ພວກເຂົາຮູ້ສຶກດີຂຶ້ນ. ຍັງມີຜູ້ເຂົ້າຮ່ວມວິໄຈອີກຫລາຍຄົນທີ່ເຫັນວ່າເພງເສົ້າເປັນເພື່ອນ ທັງຍັງເຫັນອົກເຫັນໃຈ ແລະ ເຂົ້າໃຈຄວາມເຈັບປວດທໍລະມານ “ຂ້ອຍຮູ້ສຶກວ່າດົນຕີຜູກມິດກັບຂ້ອຍ” ຍິງອາຍຸ 33 ປີ ກ່າວ.

ໝາຍຄວາມວ່າຖ້າທ່ານຄິດວ່າເພງ ແລະ ເນື້ອເພງນັ້ນເປັນຄົນຈິງໆດ້ວຍເນື້ອຮ້ອງອັນເປັນມິດເຂົ້າອົກເຂົ້າໃຈ, ສະບາຍໃຈ ແລະ ໝັ້ນໃຈ ເພງນັ້ນຈຶ່ງເປັນເພື່ອນທີ່ດີທີ່ສຸດຂອງທ່ານຢ່າງແນ່ນອນ.

- WhatsApp Image 2020 05 27 at 5 - ສາເຫດເຮັດໃຫ້ທ່ານມັກຟັງເພງເສົ້າເວລາໂສກ
- WhatsApp Image 2020 05 27 at 5 - ສາເຫດເຮັດໃຫ້ທ່ານມັກຟັງເພງເສົ້າເວລາໂສກ
error: Alert: ເນື້ອຫາຂ່າວມີລິຂະສິດ !!