ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018

- 26753874 716995091844400 2006195779 n - ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018
- Untitled design - ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018

ສະ​ໂມ​ສອນ​ມາ​ສ​ເຕີ​ເຊ​ເວັນ ເອັ​ຟ​ຊີ ພ້ອ​ມ​ແລ້ວ​ທີ່​ຈະ​ເຂົ້າ​ຮ່ວມ​ການ​ແຂ່ງ​ຂັນ​ບານ​ເຕະ​ລາວ​ພ​ຣີ​ເມຍ​ລີກ 2018 ທີ່​ໃກ້​ຈະ​ເລີ່​ມ​ການ​ແຂ່ງ​ຂັນ​ໃນ​ຕົ້ນ​ເດືອນກຸມ​ພາ 2018 ນີ້ ໂດຍ​ມີ 8 ສະ​ໂມ​ສອນ​ເຂົ້າ​ຮ່ວມ​ຄື: ​ລາວ​ໂຕ​ໂຍ​ຕ້າ ເອັ​ຟ​ຊີ, ກອງ​ທັບ ເອັ​ຟ​ຊີ, ປກ​ສ ເອັ​ຟ​ຊີ, ມາ​ສ​ເຕີ​ເຊ​ເວັນ ເອັ​ຟ​ຊີ, ນະ​ຄອ​ນ​ຫລວງ ຢູ​ໄນ​ເຕັດ, ຫລວງ​ພະ​ບາງ ເອັ​ຟ​ຊີ, ສະ​ຫວັ​ນ ຢູ​ໄນ​ເຕັດ ແລະ ສະໂມສອນ ດີ​ເຄ ເອັ​ຟ​ຊີ.

ທ່ານ ບຸນ​ຖະ​ໜອມ ສີ​ຫາ​ລາດ ຄະ​ນະ​ບໍ​ລິ​ຫານ​ທີມ ສະ​ໂມ​ສອນ ມາ​ສເຕີ​ເຊ​ເວັນ ໃຫ້​ສຳ​ພາ​ດ​ວ່າ: ພາຍ​ຫລັງ​ໄດ້​ຮັບ​ແຈ້ງ​ຈາກ​ສະ​ຫ​ະ​ພັນ​ກິ​ລາ​ບານ​ເຕະ​ແຫ່ງ​ຊາດ​ລາວໃນ​ທ້າຍ​ປີ 2017 ພວກ​ເຮົາ​ຈຶ່ງ​ໄດ້​ປະ​ກາດ​ຄັດ​ເລືອກ​ເອົາ​ນັກ​ກິ​ລາ​ທີ່ມີ​ຄວາມ​ສາມ​າດ ແລະ ພອນ​ສະ​ຫວັນ​ເຂົ້າ​ມາ​ບັນ​ຈຸ​ສະ​ໂມ​ສອນ​ຂອງ​ພວກ​ເຮົາ ເຊິ່ງ​ການ​ຄັດ​ເລືອກ​ພວກ​ເຮົາ​ໄດ້​ດຳ​ເນີນ​ແຕ່​ວັນ​ທີ 4 ມັງ​ກອ​ນ​ນີີ້ ໂດຍ​ມີ​ນັກ​ກິ​ລາ​ເຂົ້າ​ຮ່ວມ​ທັງ​ໝົດ 75 ຄົນ​, ຫລັງ​ຈາກນັ້ນ, ພວກ​ເຮົາໄດ້ຄັດເລືອກຄັ້ງທີ 2 ເຫລືອພຽງແຕ່ 50 ຄົນ ແລ້ວສືບຕໍ່ຄັດເລືອກໄດ້ຈໍານວນ ທີ່ຕ້ອງການ. ມາຮອດປັດຈຸບັນພວກເຮົາຄັດເລືອກນັກກິລາໄດ້ແລ້ວຈໍານວນ 30 ຄົນ ແລະ ຈະສືບຕໍ່ຄັດ ເລືອກໃຫ້ໄດ້ຈໍານວນ 25 ຄົນ ເຊິ່ງໃນນັ້ນ ມີນັກກິລາຕ່າງປະເທດມີ 7 ຄົນ, ໃນນັ້ັ້ນ ມາຈາກ ປະເທດ ບຣາຊິນ 2 ຄົນ, ຢີ່ປຸ່ນ 2 ຄົນ, ໄທ 1 ຄົນ ແລະ ປະເທດຄາເມດູນ 2 ຄົນ ເພື່ອກຽມເຂົ້າຮ່ວມບານ ເຕະລາວພຣີເມຍລີກ 2018 ນີ້. ສໍາລັບການເຂົ້າຮ່ວມແຂ່ງຂັນຄັ້ງນີ້ ພວກເຮົາຕັ້ງເປົ້າໝາຍ 1 ໃນ 3 ຂອງຕາຕະລາງຄະແນນ ເພາະວ່າພວກເຮົາມີຄວາມໝັ້ນໃຈນັກກິລາແຕ່ລະຄົນຫລາຍພໍສົມຄວນ ເຖິງວ່າການເຂົ້າຮ່ວມແຂ່ງຂັນດີວີຊັນ 1 ຫລື ເຕະບານສາຍ (ກ) ພວກເຮົາບໍ່ສາມາດມີຜົນງານ ໄດ້ເດັ່ນກໍຕາມ ແຕ່ພວກເຮົາຕັ້ງເປົ້າໝາຍຕ້ອງເຮັດໃຫ້ດີທີ່ສຸດ ໃນການເຂົ້າຮ່ວມແຂ່ງຂັນບານເຕະລາວ ພຣີເມຍລີກປີນີ້.

- Wave100S AD to Website 2020 0 - ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018

ທ່ານ ບຸນຖະໜອມ ສີຫາລາດ ຍັງເວົ້າຕື່ມອີກວ່າ: ການເຂົ້າຮ່ວມແຂ່ງຂັນບານເຕະລາວພຣີເມຍ ລີກ 2018 ນີ້ ຖືວ່າເປັນຄັ້ງທໍາອິດຂອງສະໂມສອນພວກເຮົາ ແລະ ເປັນປະສົບການໃໝ່ສໍາລັບຄະນະ ບໍລິຫານທີມຂອງພວກເຮົາ ເພາະຜ່ານມາພວກເຮົາໄດ້ເຂົ້າຮ່ວມພຽງລາຍການທີ່ນ້ອຍ ພ້ອມທັງມີສະ ໂມສອນທີ່ຫລິ້ນ ແລະ ເປັນສະໂມສອນນໍາຂອງປະເທດ ໂດຍສະເພາະສະໂມສອນ ລາວໂຕໂຍຕ້າ ເອັຟຊີ ຖືວ່າເປັນສະໂມສອນໃຫຍ່ ແລະ ມີນັກເຕະທີ່ຫລິ້ນດີຫລາຍຄົນ ແຕ່ພວກເຮົາກໍຈະສູ້ສຸດ ຄວາມສາມາດ ເພື່ອໃຫ້ໄດ້ຕາມເປົ້າໝາຍທີ່ວາງເອົາໄວ້.

- WhatsApp Image 2020 05 27 at 5 - ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018
- WhatsApp Image 2020 05 27 at 5 - ມາສເຕີເຊເວັນ ພ້ອມເຂົ້າຮ່ວມ ແຂ່ງຂັນລາວພຣີເມຍລີກ 2018
error: Alert: ເນື້ອຫາຂ່າວມີລິຂະສິດ !!