ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ

- festival laotian people of different ethnic groups khmu hmong akha DGWKBE - ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ
- Untitled design - ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ

ປະຊາຊົນ​ລາວ​ເຮົາ​ປະກອບ​ໄປ​ດ້ວຍ 3 ​ເຜົ່າ​ໃຫຍ່​ຄື: ​ເຜົ່າ​ລາວ, ​ເຜົ່າ​ກຶມ​ມຸ ​ແລະ ​ເຜົ່າມົ້ງ ​ແຕ່ລະ​ເຜົ່າ​ກໍ​ມີ​ຫລາຍ​ເຜົ່າ​ຊົນ, ຮາກ​ເຫງົ້າ, ຊິງ​ຊາວ​ທີ່​ຫລາກ​ຫລາຍ​ສີສັນ​ຢູ່​ລວມກັນ​ເປັນ​ກຸ່ມ​ກ້ອນ​ພ້ອມ​ກັນ​ສ້າງສາ​ພັດທະນາ​ທ້ອງ​ຖິ່ນ ​ແລະ ປະ​ເທດ​ຊາດ​ຂອງ​ຕົນ​ດ້ວຍ​ຄວາມ​ຮັກ​ໄຄ່ ສິ່ງ​ດັ່ງກ່າວ​ປຽບ​ເໝືອນ​ດາວ​ລ້ອມ​ເດືອນ, ດັ່ງ​ລູກ​ແຄນ​ຢູ່​ໃນ​ເຕົ້າ ​ແລະ ດັ່ງ​ປະຊາຊົນ​ລາວ​ບັນດາ​ເຜົ່າ​ຕ່າງໆ ທີ່ຢູ່​ອ້ອມ​ຂ້າງ​ພັກ.  ​ໄດ້​ກາຍ​ເປັນ 3 ກ້ອນ​ເສົ້າທີ່​ເປັນ​ເສົາຄ້ຳອັນ​ແໜ້ນ​ແກ່ນ​ໃນ​ພາລະກິດ​ສ້າງສາ ​ແລະ ພັດທະນາ​ປະ​ເທດ​ຊາດ​ໃນ​ຍຸກ​ສະ​ໄໝ​ປັດຈຸບັນ. ຜ່ານການ​ດຳລົງ​ຊີວິດ​ທີ່​ປະສົມ​ປະສານ ​ແລະ ກົມ​ກືນ​ໃນ​ສາມ​ຊົນ​ຊາດ​ຊົນ​ເຜົ່າ​ໃຫຍ່ໆ​ນັ້ນ, ​ໄດ້​ກາຍ​ເປັນ​ກຳລັງ​ແຮງ​ອັນ​ໃຫຍ່​ຫລວງ ​ແລະ ​ເປັນ​ເອກ​ກະ​ລັກ​ທາງ​ດ້ານ​ວັດທະນະທຳ ​ເຊິ່ງສະ​ແດງ​ອອກ​ທາງ​ດ້ານ​ສະ​ຖາ​ປັດຕະຍະ​ກຳ, ພຶດຕິ​ກຳ, ການ​ປະດິດ​ຄິດ​ແຕ່ງ, ສິລະ​ປະ​ວັນນະຄະ​ດີ, ການ​ຂັບ​ຮ້ອງ​ທຳນອງ​ເພງ, ກອນ​ຂັບ​ກອນ​ລຳ, ບົດ​ຟ້ອນ​ຕ່າງໆ ​ເຫລົ່າ​ນີ້​ກາຍ​ເປັນ​ຮີດຄອງ​ປະ​ເພນີ, ມູນ​ເຊື້ອວັດທະນະທຳ​ອັນ​ດີງາມ, ​ເປັນ​ມໍລະດົກ​ຕົກ​ທອດ​ສືບ​ສານ​ເປັນ​ຕຳນານ​ຕໍ່ໆ​ກັນ​ມາ​ແຕ່​ສະ​ໄໝ​ດຶກ​ດຳ​ບັນ​ຈົນ​ຮອດ​ເຊັ່ນ​ລູກ​ເຊັ່ນ​ຫລາຍ.

ພໍ​ກ້າວ​ມາ​ເຖິງ​ສະ​ໄໝ​ນີ້​ອັນ​ເປັນ​ຍຸກ​ໂລກາ​ພິວັດ​ປະຊາຊົນ​ບັນດາ​ເຜົ່າ​ໃນ​ສາມ​ກ້ອນ​ເສົ້າ​ໃຫຍ່ໆ ຍິ່ງ​ຕ້ອງ​ເພີ່ມ​ຄວາມ​ສາມັກຄີ​ເປັນ​ປຶກ​ແຜ່ນ​ແໜ້ນ​ໜາ​ເພື່ອ​ສະ​ແດງ​ໃຫ້​ເຫັນ​ພະລັງ​ແຮງ​ຂອງ​​ເຊື້ອຊາດ​ລາວ, ຄົນ​ລາວ​ໃນ​ຍຸກ​​ໃໝ່​ດ້ວຍ​ນ້ຳ​ໃຈ​ເສຍສະຫລະ​ເພື່ອ​ຊາດ ​ແລະ ​ເພື່ອ​ແຜ່ນດິນ​ອັນ​ແສນ​ຮັກ ​ແລະ ຫວງ​ແຫນ. ​ໃນ​ສີ່​ສິບ​ກວ່າ​ປີຜ່ານມາ, ພາຍ​ໃຕ້​ການ​ນຳພາ​ສ້າງສາ ​ແລະ ພັດທະນາ​ບ້ານ​ເມືອງ​ຂອງ​ພັກ ​ແລະ ລັດຖະບານ​ເຮົາ​ເຫັນ​ວ່າ​ປະ​ເທດ​ຊາດ​ໄດ້​ມີ​ຄວາມ​ຈະ​ເລີ​ນຮຸ່ງ​ເຮືອງ ​ແລະ ກ້າວ​ໄປ​ຢ່າງ​ຕໍ່​ເນື່ອງ. ສິ່ງ​ທີ່​ສະ​ແດງ​ອອກ​ກໍ​ຄື​ສັງຄົມ​ບ້ານ​ເມືອງ​ນັບ​ມື້ມີ​ຄວາມ​ສະຫງົບ​ປອດ​ໄພ ​ແລະ ຍືນ​ຍົງ. ຊີວິດ​ການ​ເປັນ​ຢູ່​ຂອງ​ປະຊາຊົນ​ແຕ່ລະ​ເຜົ່າ​ຊົນ​ນັບ​ມື້ດີ​ຂຶ້ນ​ເທື່ອ​ລະ​ກ້າວ. ໝາກຜົນ​ດ່ັງກ່າວ​ນີ້, ມັນ​ເປັນ​ໄຊຊະນະ​ອັນ​ໃຫຍ່​ຫລວງ​ທີ່​ປະຊາຊົນ​ບັນດາ​ເຜົ່າ​ພວກ​ເຮົາ​ຍາດ​ມາ​ໄດ້​ດ້ວຍ​ຄວາມ​ຮ່ວມ​ແຮງ​ຮ່ວມ​ໃຈ​ກັນ​ເສຍ​ສະຫລະ​ເພື່ອ​ຊາດ​ບ້ານ​ເມືອງ​ນັບ​ແຕ່​ສະ​ໄໝ​ການ​ຕໍ່ສູ້​ກູ້​ຊາດ​ມາ​ຮອດ​ປັດຈຸບັນ.

​       ໃນ​ໂອກາດ​ປີໃໝ່ 2018 ເປັນ​ປີ​ທີ່​ມີ​ຄວາມ​ໝາຍ​ສຳລັບ​ປວງ​ຊົນ​ລາວ​ທັງ​ຊາດ ຍ້ອນ​ວ່າ​ປີ​ນີ້​ເປັນ​ປີ​ທ່ອງ​ທ່ຽວ​ລາວ, ກໍ​ຄື​ວ່າ​ເປັນ​ວາລະ​ຂອງ​ຊາດ. ນອກຈາກ​ນັ້ນກໍ​ເປັນ​ໄລຍະ​ເຄິ່ງສະ​ໄໝ​ແຫ່ງ​ການຈັດຕັ້ງ ​ແລະ ຜັນ​ຂະຫຍາຍ​ມະຕິ​ຄັ້ງທີ 10 ຂອງ​ພັກ ​ແລະ ການ​ປະຕິບັດ​ແຜນ​ພັດທະນາ​ເສດຖະກິດ-ສັງຄົມ​ແຫ່ງ​ຊາດ​ເພາະສະນັ້ນ, ​ແຕ່​ນີ້​ຫາ​ປີ 2020 ກໍ​ຍັງ​ບໍ່ພໍ​ເທົ່າ​ໃດ​ປີ​ພວກ​ເຮົາ​ກໍ​ຈະ​ເຫັນ​ປະ ​ເທດ​ຊາດ​ໄດ້​ຫລຸດ​ພົ້ນອອກ​ຈາກ​ສະຖານະ​ພາບ​ຄວາມທຸກ​ຍາກ ​ແລະ ດ້ອຍ​ພັດທະນາ​. ນີ້​ຄື​ເປົ້າໝາຍ​ຂອງ​ພັກ​ ​ແລະ ລັດຖະບານ​ວາງ​ອອກ​ເພື່ອ​ໃຫ້​ໄດ້​ຕາມ​ສະຫັດສະ​ວັດ​ແຫ່ງ​ການ​ພັດທະນາ​ໃນ​ຍຸກ​ສະ​ໄໝ​ການ​ປ່ຽນ​ແປງ​ຂອງ​ໂລກ.

- Wave100S AD to Website 2020 0 - ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ

​       ແນວ​ໃດ​ກໍ​ຕາມມູນ​ເຊື້ອ​ແຫ່ງ​ຄວາມ​ສາມັກຄີ​ອັນ​ເປັນ​ປຶກ​ແຜ່ນ​ຂອງ​ປວງ​ຊົນ​ລາວ​ທັງ​ຊາດ, ຂອງ​ປະຊາຊົນ​ບັນດາ​ເຜົ່າ​ເປັນ 3 ກ້ອນ​ເສົ້າພະລັງ​ແຮງ​ຈະ​ເຮັດ​ໃຫ້​ພາລະກິດ​ສ້າງສາ​ປະ​ເທດ​ຊາດ​ເດີນ​ໜ້າ​ໄປ​ຢ່າງ​ບໍ່​ຢຸດ​ຢັ້ງ.

- WhatsApp Image 2020 05 27 at 5 - ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ
- WhatsApp Image 2020 05 27 at 5 - ສາມ​ກ້ອນ​ເສົ້າ​ເຕົ້າ​ໂຮມ​ສາມັກຄີ
error: Alert: ເນື້ອຫາຂ່າວມີລິຂະສິດ !!