ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ

- 2 - ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ
- Untitled design - ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ

ໃນໂອກາດໃຫ້ກຽດເຂົ້າຮ່ວມ ແລະ ໂອ້ລົມຕໍ່ກອງປະຊຸມສະຫລຸບການຈັດຕັ້ງປະຕິບັດວຽກງານຂອງກະຊວງພາຍໃນ ແລະ ສະຫລຸບການຈັດຕັ້ງປະຕິບັດວຽກງານ 3 ສ້າງປະຈຳປີ 2017 ຂອງທ່ານ ພັນຄໍາ ວິພາວັນ ຮອງປະທານປະເທດ ເມື່ອວັນທີ 9 ມັງກອນນີ້ຢູ່ຫໍປະຊຸມແຫ່ງຊາດ, ໂດຍທ່ານໄດ້ເນັ້ນໃຫ້ ຂະແໜງດັ່ງກ່າວເອົາໃຈໃສ່ 9 ບັນຫາສຳຄັນຄື: (1) ເພີ່ມທະວີການເສີມຂະຫຍາຍບົດບາດການຄຸ້ມຄອງນໍາພາຂອງຄະນະພັກ-ຄະນະນຳແຕ່ລະຂັ້ນ ແລະ ຄວາມເປັນແບບຢ່າງຂອງພະນັກງານ-ລັດຖະກອນໃຫ້ໜັກແໜ້ນກວ່າເກົ່າ. (2) ສືບຕໍ່ເສີມຂະຫຍາຍຄວາມເປັນເຈົ້າການຫັນແນວທາງນະໂຍບາຍຂອງພັກເປັນກົດໝາຍ ແລະ ລະບຽບການຄຸ້ມຄອງລັດໃຫ້ມີປະສິດທິຜົນ ແລະ ສອດຄ່ອງກັບເງື່ອນໄຂຂອງປະເທດເຮົາ. (3), ເພີ່ມທະວີຄວາມຮັບຜິດຊອບໃນການຄົ້ນ ຄວ້າ, ປັບປຸງກົງຈັກການຈັດຕັ້ງ, ອົງການບໍລິຫານລັດໃຫ້ຖືກຕ້ອງຕາມທິດກະທັດຮັດ, ມີປະສິດທິພາບ ແລະ ປະສິດທິຜົນ. (4) ຍົກສູງຄວາມເປັນເຈົ້າການປະຕິບັດກົດໝາຍວ່າດ້ວຍພະນັກງານ-ລັດຖະກອນໃຫ້ມີຜົນສັກສິດ. (5) ເພີ່ມທະວີຄວາມເປັນເຈົ້າການປັບປຸງວຽກງານຄຸ້ມຄອງພົນລະເມືອງ, ວຽກງານຊົນ ເຜົ່າ ແລະ ສາສະໜາ ໃຫ້ມີປະສິດທິພາບ ແລະ ປະສິດທິຜົນ. (6) ເພີ່ມທະວີຄວາມຮັບຜິດຊອບໃນການປັບປຸງວຽກງານໃນຂົງເຂດເຕັກນິກ-ວິຊາການໃຫ້ ທັນສະໄໝ, ມີຄຸນນະພາບ ແລະ ສາມາດສະໜອງຂໍ້ມູນໃຫ້ແກ່ການພັດທະນາເສດຖະກິດ-ສັງຄົມໄດ້ເປັນຢ່າງດີ. (7) ສືບຕໍ່ປັບປຸງວຽກງານແຂ່ງຂັນ-ຍ້ອງຍໍໃຫ້ມີຄຸນນະພາບ ແລະ ສອດຄ່ອງກັບສະພາບຄວາມເປັນຈິງ. (8) ຍົກສູງຄວາມເປັນເຈົ້າການໃນການພົວພັນ ແລະ ຮ່ວມມືກັບສາກົນ ເພື່ອຍາດແຍ່ງການຊ່ວຍເຫລືອຕ່າງໆເພື່ອມາພັດທະນາວຽກງານໃຫ້ມີປະສິດທິຜົນ ແລະ (9) ເພີ່ມທະວີການປະສານງານ, ການຄຸ້ມຄອງລະຫວ່າງວຽກງານກໍ່ສ້າງຮາກຖານການເມືອງ, ວຽກງານ 3 ສ້າງ ແລະ ວຽກງານພັດທະນາຊົນນະບົດໃຫ້ຈະແຈ້ງກວ່າເກົ່າ ເພື່ອຮັບປະກັນໃຫ້ການຈັດຕັ້ງປະຕິບັດວຽກງານດັ່ງກ່າວມີຜົນສໍາເລັດດີ.

- WhatsApp Image 2020 05 27 at 5 - ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ
- WhatsApp Image 2020 05 27 at 5 - ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ
- Wave100S AD to Website 2020 0 - ຮອງປະທານປະເທດເນັ້ນໃຫ້ຂະແໜງພາຍໃນເອົາໃຈໃສ່ 9 ບັນຫາສໍາຄັນ
error: Alert: ເນື້ອຫາຂ່າວມີລິຂະສິດ !!