ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.

- IMG 1701 - ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.
- Untitled design - ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.

ກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ປີຜ່ານມາ, ຂະແໜງການຕົນໄດ້ເອົາໃນໃສ່ປະຕິບັດນະໂຍບາຍຕໍ່ຜູ້ມີຜົນງານ ແລະ ຄຸນງາມ ຄວາມດີຕໍ່ການປະຕິວັດ, ຜູ້ພິການ, ເສຍອົງຄະ ແລະ ຜູ້ອາຍຸສູງທັງໝົດ 1.982 ທ່ານ, ລວມເປັນເງິນ 56 ຕື້ກີບເທົ່າກັບ 31% ຂອງແຜນການປີ. ໃນນີ້ປະກອບມີ: ອຸດໜູນນາມມະຍົດນັກຮົບແຂ່ງຂັນໃຫ້ 6 ທ່ານເປັນເງິນ 60 ລ້ານກີບ, ເງິນປ່ຽນແທນໂກຕາລົດ 212 ທ່ານຈໍານວນ 14 ຕື້ກີບ, ອຸດໜູນເສຍສະຫລະຊີວິດປາງສົງຄາມ 964 ທ່ານເປັນເງິນ 19 ຕື້ກວ່າກີບ, ອຸດໜູນເທື່ອດຽວໃຫ້ຜູ້ຍັງມີຊີວິດ 800 ທ່ານເປັນເງິນຫລາຍກວ່າ 14 ຕື້ກີບ, ສົມທົບທຶນປຸກສ້າງສ້ອມແປງເຮືອນ 202 ທ່ານເປັນເງິນຫລາຍກວ່າ 6 ຕື້ກີບ ແລະ ຈ່າຍນະໂຍບາຍໃນດ້ານອື່ນໆຫລາຍກວ່າ 1,6 ຕື້ກີບ ແລະ ໄປຄຽງຄູ່ກັບດ້ານຕັ້ງໜ້າດັ່ງກ່າວ ກໍເຫັນວ່າມີຂໍ້ຄົງຄ້າງຫຍໍ້ທໍ້ຕາມມາຄື: ການສັງລວມເປົ້າໝາຍຜູ້ຮັບນະໂຍບາຍຈາກທ້ອງຖິ່ນສົ່ງມາຫາສູນກາງຈໍານວນໜຶ່ງຍັງບໍ່ຖືກຕ້ອງຊັດເຈນ ແລະ ບໍ່ສາມາດເຊື່ອຖືໄດ້, ອັນເປັນສາເຫດໜຶ່ງພາໃຫ້ການແກ້ໄຂນະໂຍບາຍໃນໄລຍະຜ່ານມາມີບັນຫາຊໍ້າຊ້ອນ ຫລື ປະຕິບັດບໍ່ຖືກເປົ້າໝາຍ, ເກີດມີສຽງຈົ່ມວ່າຈາກສັງຄົມ ແລະ ເປັນຊ່ອງຫວ່າງໃຫ້ກຸ່ມຄົນບໍ່ດີສົມຮູ້ຮ່ວມຄິດກັບພະນັກງານຈໍານວນໜຶ່ງສວຍໃຊ້ນະໂຍບາຍດັ່ງກ່າວເພື່ອຜົນປະໂຫຍດຂອງຕົວເອງ, ເຊິ່ງຈະໄດ້ຮີບຮ້ອນແກ້ໄຂບັນຫາດັ່ງກ່າວໃຫ້ໝົດໄປຢ່າງຂາດຕົວ ແລະ ສໍາລັບປີ 2018 ນີ້, ຈະສຸມໃສ່ປະຕິບັດນະໂຍບາຍຕໍ່ເປົ້າໝາຍໃຫ້ໄດ້ທັງໝົດ 4.927 ທ່ານ, ເອົາໃຈໃສ່ປັບປຸງຄຸນນະພາບຊີວິດຂອງພະນັກງານເສຍອົງຄະຢູ່ບັນດາສູນໃນຂອບເຂດທົ່ວປະເທດໃຫ້ດີກວ່າເກົ່າ, ສ້າງເງື່ອນໄຂໃຫ້ຄົນພິການ ແລະ ຜູ້ອາຍຸສູງໄດ້ເຂົ້າເຖິງການບໍລິການດ້ານສາທາລະນະສຸກດີຂຶ້ນກວ່າເກົ່າ.

- Wave100S AD to Website 2020 0 - ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.
- WhatsApp Image 2020 05 27 at 5 - ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.
- WhatsApp Image 2020 05 27 at 5 - ປີຜ່ານມາລາວສາມາດປະຕິບັດນະໂຍບາຍຕໍ່ຜູ້ມີຄຸນງານຄວາມດີຕໍ່ຊາດ 56 ຕື້ກີບ.
error: Alert: ເນື້ອຫາຂ່າວມີລິຂະສິດ !!