ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ

- kitchen vibe - ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ

ເມື່ອທ້າຍອາທິດຜ່ານມານີ້, ກົມຕໍາຫລວດສະກັດກັ້ນ ແລະ ຕ້ານຢາເສບຕິດ ໄດ້ເປີດເຜີຍຜົນການມ້າງຂະບວນການຄ້າເຮໂລອິນລາຍໃຫຍ່, ພ້ອມຍືດຂອງກາງຈໍານວນ 40 ກິໂລຢູ່ບ້ານຫົວຊຽງ, ເມືອງໄຊທານີນະຄອນຫລວງວຽງຈັນ.

ເຈົ້າໜ້າທີ່ໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກພົນລະເມືອງວ່າຈະມີການລັກລອບຊື້-ຂາຍຢາເສບຕິດຈໍານວນຫລາຍໃນເຂດບ້ານດັ່ງກ່າວ, ຈຶ່ງໄດ້ຈັດກໍາລັງລົງຕິດຕາມ ແລະ ເຫັນວ່າມີມູນຄວາມຈິງແທ້, ຈຶ່ງນໍາກໍາລັງເຂົ້າຈັບຕົວຜູ້ຕ້ອງຫາຄື: ທ້າວ ສາລີ ອາຍຸ 29 ປີ, ທ້າວ ປໍລີ ອາຍຸ 20 ປີຢູ່ບ້ານໄຊຈະເລີນເມືອງຫ້ວຍຊາຍແຂວງບໍ່ແກ້ວ ແລະ ທ້າວ ຮືຢາງ ອາຍຸ 23 ປີຢູ່ບ້ານໜອງສອງຫ້ອງເມືອງໄຊທານີນະຄອນຫລວງວຽງຈັນ, ໃນຂະນະສົ່ງເຮໂລອິນໃຫ້ກັນຢູ່ເຂດເສັ້ນທາງບ້ານຫົວຊຽງ, ພ້ອມຍຶດລົດໃຫຍ່ 2 ຄັນ, ໂທລະສັບ 4 ໜ່ວຍ ແລະ ຂອງກາງດັ່ງກ່າວ.

- Visit Laos Visit SALANA BOUTIQUE HOTEL - ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ: ເຮໂລອິນທັງໝົດໄດ້ຊື້ມາຈາກເຄືອຂ່າຍຢາເສບຕິດທາງພາກເໜືອ ເພື່ອສົ່ງໃຫ້ລູກຄ້າຢູ່ນະຄອນຫລວງວຽງຈັນ. ປັດຈຸບັນຄະດີຢາເສບຕິດລາຍໃຫຍ່ນີ້ເຈົ້າໜ້າທີ່ຈະໄດ້ຂະຫຍາຍຜົນຫາຜູ້ຮ່ວມຂະບວນການ ຫລື ຜູ້ເປັນຫົວໂປ່ໂຕການ ເພື່ອຈັບຕົວມາດໍາເນີນຄະດີຕາມລະບຽບກົດໝາຍ.

- 4 - ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ
- 5 - ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ
- 3 - ຈັບຂະບວນຄ້າເຮໂລອິນລາຍໃຫຍ່ຍຶດຂອງກາງ 40 ກິໂລ