5 ຂໍ້ຄິດດີໆສຳລັບສູ້ຊີວິດໃນຍາມວິກິດ

- 021101 2018 -      5 ຂໍ້ຄິດດີໆສຳລັບສູ້ຊີວິດໃນຍາມວິກິດ
- Untitled design -      5 ຂໍ້ຄິດດີໆສຳລັບສູ້ຊີວິດໃນຍາມວິກິດ

ໃນຊີວິດຄົນເຮົາທຸກຄົນຍ່ອມຕ້ອງມີຂື້ນມີລົງເປັນທຳມະດາ ເຊິ່ງຕອນຂຶ້ນກໍດີ, ມີຄວາມສຸກສະບາຍໃຈ ສະບາຍກາຍ, ແຕ່ເມື່ອ ຕອນລົງ ບັນຫາເຂົ້າມາສຸມໃສ່ຈົນເຮົາເກືອບຈະທົນບໍ່ໄຫວ ບໍ່ວ່າຈະຮຸນແຮງ ຫລື ໜັກໜ່ວງເທົ່າໃດ ກໍຢ່າຍອມແພ້ ພະຍາຍາມຜ່ານຜ່າໄປໃຫ້ໄດ້ ເພາະມື້ນີ້ພວກເຮົາມີຂໍ້ຄິດດີໆທີ່ຈະຊ່ວຍໃຫ້ຜ່ານໄລຍະທີ່ວິກິດໄປໄດ້ມາແນະນຳທ່ານ.

- Wave100S AD to Website 2020 0 -      5 ຂໍ້ຄິດດີໆສຳລັບສູ້ຊີວິດໃນຍາມວິກິດ
  1. ແມ່ນຫຍັງຈະເກີດມັນກໍຕ້ອງເກີດ ເພາະເຮົາທຸກຄົນຍ່ອມຕ້ອງຜ່ານໄລຍະເວລານີ້ຄືກັນໝົດ ທຸກໆຄົນຍ່ອມມີມື້ທີ່ດີ ແລະ ມີມື້ທີ່ບໍ່ດີຄືກັນໝົດ ບໍ່ເວັ້ນແຕ່ຜູ້ທີ່ປະສົບຄວາມສຳເລັດຢ່າງສູງໃນຊີວິດ ເຊິ່ງປະຈຸບັນມີໂຕຢ່າງຢູ່ຫລາຍ ເຊັ່ນ : ສະຕີບ ຈັອບ, ເຈ ເຄ ໂຣລິງ ເປັນຕົ້ນ ລ້ວນຜ່ານຜ່າໄລຍະເວລາວິກິດຂອງຊີວິດມາຄືກັນ ເຊິ່ງບັນດາຄົນທີ່ປະສົບຄວາມສຳເລັດໃນຊີວິດມັກເລືອກທີ່ຈະບໍ່ຈົ່ມ ຫລື ເສຍເວລາຄິດວ່າ ເປັນຫຍັງຕ້ອງເກີດບັນຫາ, ແຕ່ພວກເຂົາຈະຍອມຮັບວ່າ ແມ່ນຫຍັງຈະເກີດມັນກໍຕ້ອງເກີດ ແລະ ພະຍາຍາມຄິດ ແລະ ຫາທາງແກ້ໄຂບັນຫາທີ່ເກີດຂຶ້ນ ຫລື ພະຍາຍາມປີ້ນວິກິດໃຫ້ເປັນໂອກາດນັ້ນເອງ.
  2. ຊີວິດເຮົາມີທາງເລືອກສະເໝີ ແລະ ຢ່າເບິ່ງທຸກຢ່າງໃຫ້ເປັນບັນຫາ : ສິ່ງໜຶ່ງທີ່ເຮົາຕ້ອງຍອມຮັບຄື ເຮົາບໍ່ສາມາດຄວບຄຸມທຸກສິ່ງທຸກຢ່າງໄດ້ ຫລື ຄວບຄຸມສິ່ງຕ່າງໆທ່ີເກີດຂຶ້ນໄດ້ ສະນັ້ນ ເມື່ອມີຫຍັງເກີດຂຶ້ນ ເຮົາຄວນຍອມຮັບ ແລະ ເລືອກທາງເດີນຕໍ່ໄປໃນຊີວິດທີ່ຈະເຮັດໃຫ້ໂຕເຮົາເອງດີຂື້ນຈາກສິ່ງທີ່ເປັນຢູ່ ຢ່າເບິ່ງວ່າເຮົາເປັນບັນຫາ ເພາະມັນຈະເປັນບັນຫາກໍຕໍ່ເມື່ອເຮົາຄິດວ່າມັນແມ່ນບັນຫາ ແລະ ຢ່າຄິດວ່າເຮົາບໍ່ມີທາງເລືອກ ເພາະຊີວິດເຮົາມີທາງເລືອກສະເໝີ ເຊັ່ນ : ຫາກເຮົາຮູ້ສຶກວ່າວຽກທີ່ເຮັດຢູ່ມັນບໍ່ແມ່ນສຳລັບເຮົາເລີຍ ເຮົາກໍເລືອກທີ່ຈະປ່ຽນສາຍວຽກ ຫລື ປ່ຽນວຽກໃໝ່ໄດ້ ແຕ່ຕ້ອງຍອມຮັບຄວາມຈິງທີ່ວ່າ ຊີວິດເຮົາທີ່ເປັນຢູ່ທຸກມືື້ນິ້ມັນເປັນຜົນມາຈາກເຮົາເລືອກເອງທັງໝົດ.
  3. ຄວາມລົ້ມເຫລວແມ່ນໂອກາດທີ່ຈະໄດ້ຮຽນຮູ້ ແລະ ຢ່າຜິດຫວັງເມື່ອບໍ່ໄດ້ສິ່ງທີ່ຕ້ອງການ ເພາະອາດຈະມີສິ່ງທີ່ດີກ່ວາລໍຖ້າເຮົາຢູ່ : ຄວາມລົ້ມເຫລວຖືວ່າເປັນຈຸດເລີ່ມຕົ້ນຂອງຄວາມສຳເລັດກໍວ່າໄດ້ ເພາະເຮົາມີໂອກາດໄດ້ຮຽນຮູ້ຈາກຄວາມຜິດພາດ ແລ້ວນຳມາປັບປຸງແກ້ໄຂເພື່ອພັດທະນາຕໍ່ໄປໃຫ້ສຳເລັດ ເຊິ່ງອາດຈະຕ້ອງ່ານໄລຍະເວລາລົ້ມເຫລວຫລາຍເທື່ອ ຫລື ຍາວນານກໍຂຶ້ນກັບແຕ່ລະບຸກຄົນ ແຕ່ສຳຄັນວ່າຕ້ອງກ້າວຂ້າມຄວາມລົ້ມເຫລວໄປໃຫ້ໄດ້ ການທີ່ເຮົາລົ້ມເຫລວ ຫລື ບໍ່ໄດ້ໃນສິ່ງທີ່ເຮົາຫວັງ ຢ່າຟ້າວຜິດຫວັງໄປ ເພາະອາດຈະເປັນໄປໄດ້ວ່າມີສິ່ງທີ່ດີກ່ວາກຳລັງລໍຖ້າເຮົາຢູ່ກໍເປັນໄດ້ ເຊັ່ນ : ຍ້ອນຖືກໄລ່ອອກຈາກບໍລິສັດ ຈຶ່ງເຮັດໃຫ້ທ່ານສ້າງທະລະກິດເອງຈົນປະສົບຄວາມສຳເລັດໃນທຸກມື້ນີ້.
  4. ເຮົາບໍ່ສາມາດປ່ຽນແປງສິ່ງຕ່າງໆໄດ້ ແຕ່ເຮົາສາມາດປ່ຽນແປງໂຕເອງໄດ້ ເພາະບໍ່ມີຄຳວ່າເປັນໄປບໍ່ໄດ້ ຫາກເຮົາມີຄວາມພະຍາຍາມ : ສິ່ງຕ່າງໆອ້ອມໂຕເຮົາ ເຊັ່ນ : ສະພາບອາກາດ, ບຸກຄົນ, ເສດຖະກິດ ແລະອື່ນໆ ແມ່ນສິ່ງທີ່ເຮົາບໍ່ສາມາດປ່ຽນແປງມັນໄດ້ ຫາກເຮົາລອງປ່ຽນທັດສະນະຄະຕິຢູ່ໂຕເຮົາເອງ ເພື່ອໃຫ້ສອດຄ່ອງກັບສິ່ງຕ່າງໆອ້ອມໂຕ ຫລື ພັດທະນາໂຕເອງໃຫ້ໂດດເດັ່ນຂຶ້ນ ຈົນສາມາດຢູາຮ່ວມກັບສິ່ງຕ່າງໆໄດ້ຢ່າງເກີດປະໂຫຍດ ແລະ ເປັນໂອກາດແກ່ເຮົາເອງ ສຳຄັນວ່າເຮົາຕ້ອງມີຄວາມພະຍາຍາມອົດທົນບໍ່ຍ່ອມແພ້ຕໍ່ສະຖານະການຕ່າງໆທີ່ເກີດຂຶ້ນ ແລ້ວໂອກາດກໍໍຈະເປັນຂອງເຮົາ.
  5. ຢ່າປຽບທຽບໂຕເອງກັບຄົນອື່ນ ຈົ່ງມີຄວາມສຸກໃນແບບຂອງເຮົາເອງ : ເຄີຍຮູ້ສຶກບໍ່ວ່າເວລາເຮົາເອງໄປປຽບທຽບກັບຄົນອື່ນ ເຮົາມັກຈະເປັນທຸກ ເພາະເຮົາຈະເບິ່ງເຫັນແຕ່ຂໍ້ດີຂອງຄົນອື່ນໆ ແລ້ວນຳມາເຮັດໃຫ້ໂຕເຮົາເອງໝົດກຳລັງໃຈ ເຊິ່ງບໍ່ດີເລີຍ ແລະ ໃນຄວາມເປັນຈິງ ເຮົາທຸກຄົນມີຂໍໍ້ດີ ແລະ ຂໍ້ເສຍແຕກຕ່າງກັນໄປ ເຊິ່ງເຮັດໃຫ້ຄວາມສຸກຂອງແຕ່ລະຄົນແຕກຕ່າງກັນໄປນຳ ສະນັ້ນ ເຮົາບໍ່ຄວນເຮົາໂຕເອງໄປປຽບທຽບກັບຄົນອື່ນ ເຮົາຈົ່ງມີຄວາມສຸກໃນແບບຂອງເຮົາເອງແບບທີ່ເຮົາເປັນຢູ່ ແຕ່ຫາກຈະເບິ່ງ ຫລື ປຽບທຽບຄົນອື່ນກໍໍຂໍໃຫ້ເປັນແຮງບັນດານໃຈໃນການພັດທະນາຕົນເອງຕໍ່ໄປຈະດີກ່ວາ.
- WhatsApp Image 2020 05 27 at 5 -      5 ຂໍ້ຄິດດີໆສຳລັບສູ້ຊີວິດໃນຍາມວິກິດ
- WhatsApp Image 2020 05 27 at 5 -      5 ຂໍ້ຄິດດີໆສຳລັບສູ້ຊີວິດໃນຍາມວິກິດ
error: Alert: ເນື້ອຫາຂ່າວມີລິຂະສິດ !!