ຂໍ້ດີຂອງການບໍ່ກິນເຂົ້າແລງ

- 031101 2018 -      ຂໍ້ດີຂອງການບໍ່ກິນເຂົ້າແລງ
- Untitled design -      ຂໍ້ດີຂອງການບໍ່ກິນເຂົ້າແລງ

ຖະໜອມສຸຂະພາບໂດຍການບໍ່ກິນເຂົ້າແລງເປັນເລື່ອງທີ່ດີ ເຊິ່ງຫລາຍໆຄົນອາດຈະຍັງບໍ່ຮູ້ເທື່ອວ່າການບໍ່ກິນເຂົ້າແລງນັ້ນມັນມີປະໂຫຍດແນວໃດ ເຮັດແນວໃດຈຶ່ງຈະບໍ່ເຖົ້າ, ບໍ່ຕຸ້ຍ ແລະ ອາຍຸຍືນ ເຊິ່ງຄຳຕອບກໍໍຄື ການກິນສາຍກາງ ໝາຍຄວາມວ່າ ກິນ ເຂົ້າເຊົ້າ ແລະ ເຂົ້າສວາຍ, ແຕ່ງົດເຂົ້າແລງ ປຽບດັ່ງໂຕເຮົາເປັນລົດ ຕື່ນເຊົ້າມາຕ້ອງໃສ່ນຳ້ມັນກ່ອນ ຫລື ກິນເຂົ້າເຊົ້າ ລົດຈຶ່ງຈະແລ່ນໄດ້, ຮອດຕອນສວາຍ ນຳ້ມັນຍັງບໍ່ໝົດ ຕື່ມອີກເທື່ອໜຶ່ງ ຮອດແລງກ່ອນນອນກໍຍັງບໍ່ໝົດ ພິສູດໄດ້ດັ່ງນີ້ :

– ສົມມຸດກິນໄຂ່ລວກ 1 ໜ່ວຍ ມີໄຂ່ແດງໜັກ 50 ກຣາມ ໃນໄຂ່ແດງມີຄໍເລສເຕີໂຣນ 1 ກຣາມ ໃຫ້ພະລັງງານ 9 ກາລໍຣີ ສະນັ້ນ 50 ກຣາມໃຫ້ພະລັງງານ 450 ກາລໍຣີ ຈະຕ້ອງອອກກຳລັງກາຍເພື່ອໃຊ້ພະລັງງານນີ້ ໂດຍຂີ່ລົດຖີບຕັ້ງແຮງຕ້ານໄວ້ 1,3 ກິໂລ ຄວາມໄວທີ່ຂີບໄດ້ 60 ຮອບຕໍ່ນາທີ ຂີ່ຢູ່ດົນ 60 ນາທີ ຈະເມື່ອຍຫອບ, ເຫື່ອອອກເຕັມໂຕ ແຕ່ໃຊ້ພະລັງງານໄປພຽງແຕ່ 300 ກາລໍຣີ ໄຂ່ໜ່ວຍດຽວກໍໃຊ້ບໍ່ໝົດ.

ສະນັ້ນ, ຖ້າກິນເຂົ້າເຊົ້າ, ເຂົ້າສວາຍ ຈົນເຖິງແລງ ພະລັງງານຍັງເຫລືອແນ່ນອນ ບໍ່ຈຳເປັນຕ້ອງໄປຕື່ມພະລັງງານອີກ ເພາະເວລານອນຮ່າງກາຍຈະນຳພະລັງງານທີ່ເຫລືອໃຊ້ໄປເກັບໄວ້ໃນພາກສ່ວນຕ່າງໆ ໂດຍຕັບເປັນຜູ້ເຮັດວຽກນີ້ ຖ້າພະລັງງານເຫລືອຫລາຍ ການເອົາໄປເກັບໄວ້ໃນບ່ອນຕ່າງໆກໍຫລາຍ ເຮັດໃຫ້ຕຸ້ຍ ແລະ ແນ່ນອນວ່າຖ້າເກັບໄວ້ບໍ່ໝົດ ໂດຍສະເພາະພວກໄຂມັນໃຫຍ່ໆຈະຕ້ອງຄ້າງຢູ່ໃນຫລອດເລືອດ ຖ້າຄ້າງສະສົມຫລາຍເທົ່າໃດ ຮູຫລອດເລືອດກໍຈະນ້ອຍລົງທຸກມື້ ເລືອດໄປລ້ຽງອະໄວຍະວະຕ່າງໆໄດ້ໜ້ອຍລົງ ອະໄວຍະວະທັງຫລາຍກໍຈະເສື່ອມສະພາບໄວຂຶ້ນ ຫລື ເຖົ້າໄວຂຶ້ນ ຖ້າມື້ໃດອັດຕັນ ເຊັ່ນ : ຖ້າຕັນຢູ່ສະໝອງຈະກາຍເປັນຄົນພິການ – ອຳມະພາດເຄິ່ງເບື້ອງ, ຖ້າຕັບຢູ່ໝາກໄຂ່ຫລັງ ຕ້ອງລ້າງໝາກໄຂ່ຫລັງ ຫລື ປ່ຽນໝາກໄຂ່ຫລັງ, ຖ້າຕັນຢູ່ຂາ ອາດຈະຕ້ອງຕັດຂາຖິ້ມ, ຖ້າຕັນຢູ່ກ້າມ ຊີ້ຫົວໃຈ ກໍຈະບໍ່ມີໂອກາດໄດ້ສັ່ງລາໃຜ.

ການກິນເຂົ້າແລງຈຶ່ງເປັນຄາບທີ່ເລັ່ງຂະບວນການເສື່ອມຂອງອະໄວຍະວະທຸກພາກສ່ວນໃນຮ່າງກາຍ, ຮ່າງກາຍຕ້ອງໃຊ້ພະ ລັງງານຢ່າງໜັກໃນການເຜົາຜານອາຫານ ຍິ່ງກິນເຂົ້າແລງໃນປະລິມານຫລາຍ ກໍຍິ່ງເລັ່ງການເສຍຊີວິດໄວຂຶ້ນໄປອີກ ເຂົ້າແລງ ຈຶ່ງເປັນຄາບອັນຕະລາຍ. ສະນັ້ນ ຈຶ່ງໝາຍຄວາມວ່າການກິນເຂົ້າແລງຫລາຍ ຈຶ່ງເຮັດໃຫ້ອາຍຸສັ້ນ ຖ້າບໍ່ກິນເຂົ້າແລງກໍຈະນານເຖົ້າ, ອາຍຸຍືນ, ແຕ່ການບໍ່ກິນເຂົ້າແລງເປັນເລື່ອງທີ່ຕ້ອງເອົາຊະນະໃຈໂຕເອງຢ່າງຫລາຍ ຖ້າໃຜເຮັດໄດ້ຈະຕັດທັງກິເຫລດ, ສຸຂະພາບດີ, ອາຍຸຍືນ ແລະ ມີສະມາທິດີ, ຄວາມຕັ້ງໃຈສູງ ໄດ້ປະໂຫຍດທັງຮ່າງກາຍ ແລະ ຈິດໃຈ, ແຕ່ທ່ານຕ້ອງຝຶກກະເພາະໃຫ້ເກີດຄວາມລຶ້ງເຄີຍ. ວິທີຝຶກມີ 4 ວິທີຄື :

- Wave100S AD to Website 2020 0 -      ຂໍ້ດີຂອງການບໍ່ກິນເຂົ້າແລງ
  1. ຄ່ອຍໆຫລຸດປະລິມານເຂົ້າແລງລົງເທື່ອລະໜ້ອຍ ເຊັ່ນ : ຫລຸດການກິນເຂົ້າຈາກ 2 ຈານ ເຫລືອ 1 ຈານເຄິ່ງ ປະມານ 3 – 4 ເດືອນ ໂດຍມີເງື່ອນໄຂວ່າ ຫລັງຈາກກິນເຂົ້າແລງແລ້ວຫ້າມກິນອາຫານໃດໆທັງໝົດ ຍົກເວັ້ນນຳ້ດື່ມ ເມື່ອກະເພາະເລີ່ມລຶ້ງແລ້ວໃຫ້ຫລຸດເຫລືອ 1 ຈານ, ຕໍ່ໄປເຄິ່ງຈານ, ຕໍ່ໄປບໍ່ກິນເຂົ້າເລີຍ ກິນແຕ່ອາຫານ, ຜັກ – ໝາກໄມ້ ສຸດທ້າຍງົດເຂົ້າແລງເລີຍ.
  2. ເລື່ອນເວລາການກິນເຂົ້າແລງ ເຊັ່ນ : ຈາກກິນ 8 ໂມງແລງ ມາກິນ 7 ໂມງແລງ, ຕໍ່ໄປເລື່ອນມາເປັນ 6 ໂມງ 5 ໂມງ 4 ໂມງແລງ ……
  3. ກິນຜັກອິຕູ່ແທນເຂົ້າແລງ ໃຊ້ແກ່ນຜັກອິຕູ່ 2 ບ່ວງແກງ ໃສ່ໃນຖ້ວຍນຳ້ແກງ ຫລື ນຳ້ດື່ມ ຄົນແລ້ວດື່ມທັນທີ ດື່ມນຳ້ຕາມຫລັງ ອີກ 4 – 5 ຈອກ.
  4. ກິນອາຫານເຈເປັນເຂົ້າແລງ ການກິນຜັກ – ໝາກໄມ້ຖືເປັນອາຫານບໍ່ມີພິດ ຮ່າງກາຍຈະໄດ້ພັກ ບໍ່ຕ້ອງທຳລາຍສານພິດ ຂອງອາຫານຊີ້ນສັດ, ພິດທີ່ສະສົມໄວ້ກ່ອນຈະຖືກຕັບ, ໝາກໄຂ່ຫລັງກຳຈັດໝົດໄປເອງໄດ້ ຮ່າງກາຍມີເວລາເຖິງ 18 ຊົ່ວໂມງ ກຳຈັດພິດທີ່ຕິດມາກັບເຂົ້າເຊົ້າ, ເຂົ້າສວາຍໄດ້ທັນ ສະນັ້ນການບໍ່ກິນເຂົ້າແລງຈຶ່ງເປັນເວລາທີ່ຕັບ, ໝາກໄຂ່ຫລັງ ຈະສາມາດກຳຈັດສານພິດຈາກເຂົ້າເຊົ້າ ແລະ ເຂົ້າສວາຍໄດ້ໝົດ ຮ່າງກາຍຈຶ່ງບໍລິສຸດທຸກມື້.
- WhatsApp Image 2020 05 27 at 5 -      ຂໍ້ດີຂອງການບໍ່ກິນເຂົ້າແລງ
- WhatsApp Image 2020 05 27 at 5 -      ຂໍ້ດີຂອງການບໍ່ກິນເຂົ້າແລງ
error: Alert: ເນື້ອຫາຂ່າວມີລິຂະສິດ !!