ຍາມໃດກໍຊິ…

- 22089658 1900139916917637 8028142905235924220 n - ຍາມໃດກໍຊິ…
- Untitled design - ຍາມໃດກໍຊິ…

ໂດຍ: ທ່ຽງທຳ

ສະບາຍດີເພື່ອນຜູ້ອ່ານທີ່ ຮັກແພງ, ຂໍໂທດເດີທີ່ໃຊ້ຫົວຂໍ້ ຂ່າວບໍມ່ວນປານໃດ, ແຕ່ເບິ່ງ ຫລາຍວຽກທີ່ຍັງຄ້າງຢູ່ໃນຂະ ແໜງການຕ່າງໆ ບາງທີ່ກໍອາດ ເປັນແນວນັ້ນແທ້, ອັນໃດກໍວ່າຊິ ເຮັດ, ຊິແກ້ໄຂ, ຊິປ່ຽນແປງ, ຊິ ປັບປຸງ, ຊິປາບປາມເຂັ້ມງວດ ແລະ ອື່ນໆແຕ່ເມື່ອຫລຽວເບິ່ງ ຄືນຫລັງແລ້ວສິ່ງຄົງຄ້າງຫລາຍ ອັນກໍຍັງຄືເກົ່າ, ໃນບົດຂຽນນີ້ ທ່ຽງທຳ ຈະບໍ່ກ້າຍົກເອົາວຽກ ໃຫຍ່ວຽກໂຕທີ່ເໜືອຈາກການ ຕີລາຄາຂອງຜູ້ຂຽນແຕ່ຂໍຍົກ ເອົາຄຳຂວັນ 6 ສ ຂອງນະຄອນ ຫລວງວຽງຈັນ ວາງອອກມາກໍ ເຫິງເຕີບແລ້ວອາດແມ່ນລະ ຫວ່າງປີພວກເຮົາພ້ອມກັນສະ ເຫລີມສະຫລອງວຽງຈັນເປັນ ນະຄອນຫລວງຄົບຮອບ 450 ປີ, ເພິ່ນໄດ້ວາງຄຳຂວັນ 6 ສ ນີ້ອອກມາຄື: ສ ສະອາດ, ສ ສະຫງົບ, ສ ສະຫວ່າງ, ສ ສີ ຂຽວ, ສ ສະເໜ່ ແລະ ສ ສີ ວິໄລ ໃນຕົວຈິງແລ້ວ ຖ້າເຮົາໄດ້ຕາມ ຄຳຂວັນ 6 ສ ນີ້ ເມືອງຫລວງ ເຮົາກໍອາດເປັນເລີດອີຫລີ, ແຕ່ ເວົ້າມັນງ່າຍປະຕິບັດມັນຍາກ ດັ່ງນັ້ນຈິ່ງມີຄຳວ່າຍາມໃດກໍຊິ .. ໃຫ້ປະກົດຜົນເປັນຈິງ ແລະ ຕົວຈິງມັນກໍແມ່ນແນວນັ້ນແທ້, ເພື່ອນຜູ້ອ່ານທັງຫລາຍພວກ ເຮົາພຽງຍົກເອົາ ສ ສະອາດ ຫລື ສ ສະຫງົບອອກມາເວົ້າກັນ ກໍພຽງພໍແລ້ວ. ຖ້າເວົ້າເລືອງ ສະອາດກໍແກ້ກັນມາຮອດປັດຈຸ ບັນກໍຍັງຄືເກົ່າ, ຜູ້ປັດກວາດ ອະນາໄມຕົວເມືອງກໍອ້າງວ່າ ຂາດແຮງງານ, ຂາດງົບປະ ມານ, ສ່ວນຜູ້ເກັບມ້ຽນຂີ້ເຫຍື້ອ ກໍອ້າງວ່າລົດລາງພາຫະນະ ບໍ່ພຽງພໍ, ປະຊາຊົນບໍ່ໃຫ້ການ ຮ່ວມມື ແລະ ອື່ນໆ ໃນທີ່ສຸດ ກໍ ໄປຕົກຢູ່ຄຳວ່າຊິ… ສຳລັບ ສ ສະຫງົບ ເວົ້າມາກໍຫລາຍແຕ່ ສະເພາະການແກ້ໄຂສະພາບ ອຸປະຕິເຫດກໍຍັງເຫັນວ່ານັບມື້ ຮ້າຍແຮງ, ສະພາບຈະລາຈອນ ນັບມື້ແອອັດ, ຜູ້ນຳໃຊ້ຖະໜົນ ຫົນທາງເປັນບ່ອນທຳມາຄ້າ ຂາຍກໍເວົ້າແລ້ວເວົ້າອີກປານ ເປົ່າປີໃສ່ຫູຄວາຍ- ໃນປັດຈຸບັນ ຮ້າຍແຮງທີ່ສຸດແມ່ນເຂດເສັ້ນ ທາງແຄມຂອງໃນບໍລິເວນຕໍ່ ໜ້າວັດຈັນແລງໆມາເບິ່ງຄວັນ ໄຟຜູ້ປີງນັ້ນຜູ້ຈີ່ນີ້ຜູ້ຕົມຜູ້ແກງ ແຕ່ງຢູ່ຄົວກິນຕາມຂອບທາງ ມືດມົວປານຈູດໄຮ່, ເຊິ່ງບໍ່ທັນ ໄດ້ເວົ້າເຖິງສະພາບສັນຈອນ ຍິ່ງແອອັດບາງຄັ້ງເກີດສະພາບ ລົດຕິດນັບເປັນຊົວໂມງກໍມີ, ແຕ່ ທັງໝົດນີ້ຈະແກ້ໄຂແນວໃດ, ໃນທີ່ສຸດກໍໄປຄຳວ່າຊິ…

 

+ ຕ້ອນຮັບປີທ່ອງທ່ຽວຕ້ອງໃສ່ໃຈເລື່ອງຮັກສາ ຄວາມສະອາດຂອງຕົວເມືອງ

+ ສະຫລອງປີໃໝ່ຕ້ອງໃສ່ໃຈຄວາມສະອາດຕົວເມືອງ

- Wave100S AD to Website 2020 0 - ຍາມໃດກໍຊິ…

- 22089658 1900139916917637 8028142905235924220 n - ຍາມໃດກໍຊິ…

- WhatsApp Image 2020 05 27 at 5 - ຍາມໃດກໍຊິ…
- WhatsApp Image 2020 05 27 at 5 - ຍາມໃດກໍຊິ…
error: Alert: ເນື້ອຫາຂ່າວມີລິຂະສິດ !!